昨日Threads有網民開post爆料，指歌手洪嘉豪同女團COLLAR成員Ivy So（蘇雅琳）發展地下情，消息更疑被電台DJ朋友證實。此帖一出，已經超過3,000個Share，引起網民瘋狂討論，更落力尋找二人秘戀嘅蛛絲馬跡！
Ivy So被爆拍拖了？！
爆料者發文指洪嘉豪同Ivy So拍拖 據爆料者發文指：「［限時］洪嘉豪同Ivyso 拍拖，我諗已經係現今樂壇公開秘密。 我電台DJ朋友私下已經成日攞佢哋嚟講笑。」更配上一段洪嘉豪上Viu綜藝節目時，當時洪嘉豪一心想同Ivy So做CP，但拉開帳幕卻發現是Win Win時，表情極之失望！
此帖一出，不少網民瘋狂討論，有人指出「都唔係新聞啦，1年前HKH髮型師講咗出嚟」，網民一再探問「我覺得唔似係真」、「嘩，我都聽過朋友講，原來真？」，爆料者回覆「令你失望了，佢哋真係一齊咗。」、「係」，答案非常堅定！
（圖片來源：Threads圖片）
歌手洪嘉豪憑《黑玻璃》爆紅！（圖片來源：IG@hungkaho）
