呢個世界，邊度有乜嘢男神女神吖，個個都係普通人，雜氣滿身。好似「波神」（林明禎）過江搵食，憑住身材出位就梗係啦，但點都估唔到靠一把嗲聲嗲氣嘅口音更加男女都殺。
其實佢喺家鄉個朵出晒名臭，扮嘢兼冇知識但以為自己與眾不同。初初絮到就梗係扮晒嘢，要集純情同妖媚於一身，對製作人同廣告商叫做有新鮮感。好似見到「男主角」就係一副崇拜同尊重，轉個頭對住啲工作人員黑面又呼呼喝喝，見高拜見低踩大家喺後面藐爆。
當然異性動物唔知咁多嘢，「波神」腳下自然有一大堆兵，任使任用，最近同「鮮鮮」（Edan)嘅一段感情， 男嘅玩認真，一早就同公司同經理人坦白要公開。點知調轉頭條女一直阻止，人哋偶像都唔驚，「波神」又驚乜呢！原來咁多年都有一位大金主照顧佢一家大細，所以直到影到至唔可以唔認。
今次佢得罪製作方好多人都心涼，話佢只不過睇唔起對方至玩失蹤(首映大失蹤），如果有勢力有財力佢就仆住去攀緣啦！大家仲鬧佢冇本心，唔識飲水思源，初嚟埗到好多幫過佢嘅人都聯絡唔上佢，因為佢怕煩喎，改咗電話都冇人知，就算搵到都已讀不回，人品真係衰到估佢唔到！
