事緣就係小妹呢個sem就要去英國exchange，所以提早係開sem嘅前一個禮拜已經過咗英國，諗住用呢個禮拜嘅時間喺歐洲嚟個小trip！
問題就嚟喇，唔通要拎住自己成副家當去玩？我就急急腳去搵寄存啦。
見到機場都有寄存服務嘅，但就，貴囉，你想像到。
跟住就俾我見到一個app叫Radical Storage，價錢比機場平一半，但冇乜關於佢嘅資訊，所以想講一講。（因為見到冇任何評價嘅時候一度以為自己被騙）
Radical Storage喺世界各地都有寄存點，有啲係locker，有啲係人哋舖頭有個位俾你擺嘢咁。要落咗訂，俾埋錢先會俾個寄存點嘅地址你。（今次我嗰到就係一間飛髮鋪嚟的）
整體嚟講都不錯！（起碼我啲行李仲健在）衰係衰在佢冇得直接喺個app上面同寄存點個邊溝通，只能夠through客服個邊問嘢/改嘢。