我都有同感
呢到輕輕講下FM24既些少缺失位, 參考來自我一個玩左15年既Save:
1. 自身球員即使能力高 但身價一般都會較市場價格低,有時仲會低到好唔合理, 呢個係舊版本都冇咁覺眼, 呢季就明顯左好多
2. 購買球員既週薪要求往往比其他球會要高,假設競爭對手同自己一樣係豪門, 但對手可以用更低週薪簽約同一位球員 有時接受既週薪差距甚至可以去到100k 極道唔撚合理
3. 球員忠誠及續約問題, 即使球員可能係19,20歲已經簽返黎, 但只要到晚年甚至乎29,30歲仲當打之齡 只要比沙地聯既球會開價就好容易想走, 當然現實可能都會咁, 但機率一定唔會去到呢個版本咁高先, 以我個save黎計, 8成唔接受呢d沙地球會開價 球員就會扭計, 情況令人谷撚氣
4. 承上, 球員有時會因為情況3而被棄用, 而沙地聯呢個時候就會因為球員上陣率低而取消報價, 而被棄用既球員係呢個時候就會怪鳩你點解唔比佢上場, 進一步唔肯簽約, 而惡性循環底下, 係極大機會要free走球員, 呢個情況就更加令人谷撚氣

5. 球員同球會對於球員轉會操作既滿意度都係比較唔人性化, 假設球員打死都唔肯簽, 到季尾鬆人, 佢地就會因為球員free走而對自己既轉會有差評, 而唔識判斷轉會/自由身走人其實原因出自球員身上
6. 同老細傾要求比之前版本容易食檸檬 <-- 呢個可以當係難度增加左