是咁的
佢係少癲，唔知佢呢種係咪好常見
- 極度自戀同貪錢
貪錢物慾高，未上大學已經開口埋口提住第時畢業搵到工，要俾一半做家用，亦係第一次我覺得自己係被圈養嘅豬一隻
畢左業第一時間搬走之後，佢打黎問我幾時買樓送俾佢
開始用我送幾多錢嘅禮物黎量度我對佢嘅愛意
將屋企嘅錢用哂黎買野比自己，名牌袋呀嘢食呀，老豆細佬同我就難民咁
開口埋口話愛我但係根本冇行動上支持
- 好小朋友
佢開始當左我係佢條仔
同我講佢做老母好辛苦好委屈，然後乜都想我幫手做決定想我結左婚同佢住，但係又冇提過老豆會點
驚我以後都唔理佢佢就發爛咋，扮慈母引我返屋企，但講野句句有骨好難平心靜氣同佢理論
覺得我男朋友搶哂我注意力，所以唔歡迎佢，覺得佢阻住我同我屋企人相處嘅時間
- 控制慾強
唔俾我出街，同咩朋友出去都要問長問短查3代
喺屋企嘅時候又唔抵得我坐喺度hea，會鬧我冇付出好食懶做，一定會搵野點我做
當然讀大學果時唔俾住hall
最癲應該係企圖迫我去整容，佢話因為我個樣好唔討好嘅話會賺唔到好多錢
——
中過咁撚多伏我死左條心，覺得佢冇救架喇，我都唔會有能力改變到佢，都係自己去睇心理治療自救下
然而我遠走高飛到異鄉都解決唔到果種陰霾，成日形住我唔想變成佢咁，又驚過度自我審查而逐漸變成討好型人格
到頭來我都仲係一個壞左嘅人
有冇覺醒左嘅巴絲指點下
到底點先可以重新做一個正常嘅人
當然未覺醒嘅人盡快認清老母係咩款，原生家庭嘅影響力實在係太深遠，斷絕往來只係開始，之後重新建構自我先係真正難題
