我將我所知同閒談之中記得講過嘅野打哂出黎 未必一定岩哂 有唔岩請其他巴打加減修改
--------以下內容需要回復才能看到---------
首先 你有無影開數碼?影數碼用乜機?用乜mode? 菲林相機好大部份都係手動(M) mode, 部份機會有內置測光錶 但係有好多機的測光錶都未必準 因為測光模式同數碼唔同 又或者因為太舊老化都會影響, 以下係一Ｄ資料性嘅野
常用菲林格式
135(35mm) : 半格機, 全格機, 全景機
120(中幅) : 6x4.5, 6x6, 6x7
大片幅(大底) : 4x5, 5x7, 8x10
無論乜野片幅都好 菲林類型大致上分為彩色同黑白
而彩色同黑白都分別有正片同負片
比較平同大路會係負片, 負片的意思就係沖完出黎條菲林會係負色
負片好處: 菲林相對平, 寬容度比較大, 選擇比較多, 沖洗平
常見彩色負片沖洗方法: C41
彩色"電影"負片沖洗方法: ECN-2
正片又稱為幻燈片, 出黎嘅影響同色同你用眼睇一樣, 以前通常係for 商業用
正片好處: 色準(當然都會存在唔同菲林色底唔同)
正片vs負片的唔好處: 菲林相對比較貴, 寬容度比較細, 菲林選擇比較少, 沖洗價錢比較貴, 大部份沖曬店無得即日沖好
常見彩色正片沖洗方法: E-6
唔同格式有咩野分別黎講就等人補充, 之前講過下唔係好想再打, 有野唔夠/錯麻煩其他人幫手補充 希望1001前樓主有得係開下個post 頂置佢, 再有人問捉D人出黎屌屎忽
_____________________________________________________________
135菲林- 最常見一個鐵筒個種, 常見一筒係24/36格, 係三種常見格式之中最細, 簡單至傻瓜機, 專業至專業單鏡反光機都有用
135相機- 135相機大致可以分為以下幾種
傻瓜機:
之前有人爭論過應該擺佢入旁軸(Range Finder Camera，簡稱RF, 但下面再講吧) : 細細部, 全自動P mode, 自動對焦, ISO食DX Code, 見到乜就影乜, 但係光卷普通比較細, 但係價錢平至幾十貴至幾千到萬都有, 如果你無基本影相底子而又想去接觸下菲林呢一個係唔錯的選擇之一
即棄相機:
故名意義就係影完一筒菲林係正常情況之下部機唔可以再用, 但係近排出左Lomography Simple Use, 基本上你對部機溫柔Ｄ唔好跌爆就可以重用, 佢比傻瓜機更加傻瓜, 原因佢係focus free 免對焦, 固定快門速度, 光圈細, 有內置閃燈但需要自行判斷是否需要開啟閃燈
單鏡反光機(SLR, A single-lens reflex camera)
呢一種基本上同數碼單鏡反光機(DSLR) 相同結構, 只係差在感光組件係電子定係菲林,而且取景器睇到嘅野係直接透過鏡頭睇到,所有野都係即時同顥示準確, 唔會好似旁軸機咁有對焦或取景偏差
呢類機有分機械同電子, 機械機好處係唔需要用電之下都可以行唔到快門速度而影到相, 但係大部份嘅機械機都需要入電供給測光用, 但測光只供參考, 你見個測光over哂又或者under 哂都可以照按下快門的, 大部份機械單鏡機都只有M mode ( Canon EF mount 好似有Ａ mode? 唔係好熟需要人再補充) , 而電子機有部份快門可以比機械單鏡機快, 以我手上有的機械機FM2為例子，最快快門只有1/4000(1/4000係機械機已經好快, 好多機械單鏡反光機最快只有1/1000), 而我手上的F90X係一部電子機, 快門可以去到1/8000
另外電子機除左有測光同普遍測光比較準之外, 應該大部份都有APSM mode
再者以現代數碼單反品牌 Canon 同 Nikon 同舊時高階電子單鏡反光機比較 兩者 設計十分相似 好易上手
旁軸相機(Range Finder Camera，簡稱RF):
取景器同鏡頭完全無關, 好常見取景同影出黎畫面有偏移
相比起單鏡反光機機身size比較細, 快門比較靜
對焦方法應該分為黃班對焦或估焦
個人建議不合新手使用
_____________________________________________________________
120相機
打住咁多先
最好無咁貴
