高回贈信用卡討論區（開放中資卡）（26）今年乜叉回贈 promo 都 cut

JohnSmith · 2025-01-07T23:31:04+08:00

弁言前人開落信用卡討論區，但係訂下不得大肆宣傳中資卡的規矩，然而一直有人想搵一個post集中討論中資卡，有見及此，現決定建立此post以集中討論中資卡及支付工具，亦歡迎與其他非中資卡比較。為尊重前人，非中資卡亦可回到原來的信用卡討論區繼續討論。規則不可張貼 MGM / referral link 不可張貼 Telegram 等 chat room link 發問前，先爬文及自己睇terms 借定唔借，還得到先好借！ #1 FAQ #2 #3 集中討論卡種為免資訊與原信用卡討論區重覆，本post只列出各中資卡，原信用卡討論區大部分FAQ亦適用於此post。 #1 FAQ Q：中銀積分點兌返現金？ A：可以直接喺網頁兌換，惟必須以$100為兌換單位。如分數不足就只能使用BOC pay以雲閃付付款，付款後抵銷簽賬以$1為單位，因此必需有至少一張銀聯卡。2025年起取消年資優惠，兌換比率一律為250分/$1。（如持有中銀銀行賬戶者，亦可透過智能賬戶使用BOC Pay而不必持有銀聯卡。） Q：我得中銀Visa/Mastercard，又無中銀銀行戶口，註冊唔到BOC Pay。 A：無錯，中銀就係咁on9。有中銀信用卡係唔可以以非中銀客戶註冊，但係中銀客戶註冊又只接受銀聯卡/銀行戶口。所以想登記BOC Pay的話，一係開個中銀戶口，一係開多張銀聯卡。 (BOC Pay+待驗證) Q：點解中銀加左 Apple Pay/Google Pay/Samsung Pay/Huawei Pay 之後張卡會用唔到？ A：金管局新要求黎。其他銀行的做法係一係用app加卡，一係直接打電話加卡。但係中銀的做法係照舊收SMS驗證碼加卡，然後會暫時鎖卡，要再回覆返短訊、打電話或者login手機銀行解鎖。 Q：中銀點轉亞洲萬里通里數？ A：要先打信用卡熱線登記亞洲萬里通會員號碼，之後可以用網頁/手機銀行/微信公眾號換領。 Q：中銀如何辨認手機支付交易？ A：以下是中銀交易紀錄的手機支付代碼 ## = Apple Pay @@ = Google Pay ++ = Samsung Pay ** 银联交易 = Huawei Pay "QR" = 雲閃付 Q：點解明明張卡已經解左鎖，用Apple Pay碌銀聯卡都仲係會失敗？ A：可能收銀聽到你畀Apple Pay就以為你簽Visa/Mastercard撳錯掣。因為唔少收銀機收唔同信用卡係要撳唔同嘅掣，所以你要同收銀講碌銀聯卡，唔好就咁講Apple Pay，香港以外更可能要講銀聯信用卡無密碼。事實上唔止銀聯，碌Visa/Mastercard/AE你都需要同收銀講明卡種。