我和鄰居大姐姐的故事（25）

多謝你！
其實你肯咁樣屌我開心都黎唔切

上個po我講果啲真係純抽水純屌，果啲真係睇到都唔開心，果次觸動咗我打咁大段嘢果句係類似「我哋成班屌到葉開條仆街唔敢再喺個故入面宣傳未來既伏線」(果句唔係咁既，但果幾個po係咁既意思)

但你同其他巴絲打咁多嘢去批評我個故，呢樣真係好有心，呢啲我真係會盡量吸收返大家既意見，一時三刻未必反映到喺個故出黎，長遠我會盡量改下
總之多謝你！

見大家討論，我補充少少原本設定︰

兩個少年男女，互相依瀨照顧咗十幾年，就好似金庸形容神鵰入面楊過小龍女咁，其實一早已經慢慢暗生情愫

熙熙方面，第一秋兒真係靚，第二佢一路照顧住自己，佢係有少少神化咗秋兒，我冇記錯我第一集就寫咗話佢見到秋兒背後好似有聖光發出就係咁解，之後故仔入面，佢不斷都係當秋兒係聖女咁拜，心入面其實拍咗拖都好，都係有一種尊敬感，所以扑嘢都唔敢玩花式，悶到仆街，呢啲我係特登咁寫(或者有巴打講既，佢係將母愛呢樣嘢投放喺秋兒身上)

但條冚家剷本身係個心理性變態既痴線佬，佢抑壓咗咁耐，都係憑住果份「愛意」同「敬意」，所以一旦好似Kate咁破到佢防，佢就會爆起黎，跟住又非常後悔

秋兒方面就簡單少少，佢同熙熙一樣，因為一直以黎心入面都係對，但佢知道自己鍾意咗熙熙，係後者由MK曦班仆街手上奮不顧身咁保護佢開始，佢就再簡單啲，係一個愚孝但同時好為熙熙著想既人

嗱，我個設定係咁，不過寫出黎寫得好唔好又係另一回事

八百二十

「有咩事？」我抬高頭望住Kate問。

Kate雙眼定睛望住我，但係就冇出聲。

我哋就咁對望咗一陣。

我覺得咁樣唔係幾好，驚比出面既同事見到，以為我哋唔知做緊乜嘢。

Well...

其實我哋之間，真係唔做緊乜撚嘢。

「妳關門先？」於是我提議道。

Kate搖搖頭，終於開口道：「唔駛，而且...而家講嘢都唔係幾方便。我黎係想問下你，今日放工之後得唔得閒去食餐飯，又或者飲杯嘢？」

來了。

威脅我黎交換條件既時刻終於來了。

我心入面苦笑咗一下，面上卻表情冷冷地道：「我唔應承都唔得架喇？」

Kate咬一咬唇，道：「你要咁諗都冇計。」

我木無表情咁答佢：「妳轉頭WhatsApp個時間地點比我，我收工自己過去。」

我哋既關係變到而家咁，Kate都冇堅持要等埋我一齊去，佢只係點頭答咗我「好」，之後就冇事咁行返出去。

而冇幾耐之後，我都收到佢既WhatsApp，上面寫明咗餐廳地址同七點鐘既訂枱時間。

屌，真係就算幾唔想面對都好，都總係要面對呢件事。

放工之後，我send咗個WhatsApp同秋兒姐姐交待咗聲之後，我就出發去果間餐廳。

究竟Kate搵我出黎想做咩呢？

講數？

唔...

講數應該就梗架喇，係睇下佢想威脅我做啲咩架啫。

正常情況之下我真係寧願一鑊熟，我都唔會比佢威脅到，但如果佢係拎條片話要比秋兒姐姐睇，咁我點算好？

我好愛好愛秋兒姐姐，我同佢經歷咗好多好多難關先可以響埋一齊，如果Kate真係拎條片黎威脅我，話如果我唔聽佢講既話，就將條片send比秋兒姐姐睇，我仲可以咁淡定話寧願同佢一鑊熟咩？

屌，搞撚到我都有啲緊張起黎。

我依時到達Kate既WhatsApp比我既餐廳，我同接待處既侍應講咗劉小姐book咗位之後，侍應就帶咗我入去餐廳入面。

呢間係一間歐式既西餐廳，啲裝修帶有古典既氣息，一入黎就已經知道呢度一定唔會平。

由而家已經到咗晚飯時間，但客人都唔算太多可以睇得出。

其實就算Kate唔book位，我諗都應該有位既。

Kate已經一早到咗，佢坐咗響度，離遠見到我就向我微微點頭。

有一種距離感。

屌，工作過後冇咗繁忙既日常事務寄託，我其實都仲係又嬲又係痛心，真係估唔到Kate會咁對我。

或者係我由細到大食女既經歷都太過順利，響潛意識入面，當啲女送上門既時候我只係覺得係自己有魅力，就算Kate之前既record唔多好，我親眼目睹佢用自己既身體做交易既工具，但當佢送上門既時候，我都仲係以為佢講既嘢係真，佢真係鍾意我。

唉屌，色字頭上一把刀，今次真係隨時搞到自己一身蟻。

侍應好好服務態度咁拉開咗餐枱前面張凳，我向佢講咗聲唔該之後坐低咗響Kate面前，但大家都冇出聲，相對無言咁坐咗響度。

尋晚Kate比我捉到用cam黎偷拍我既時候，一副好心急要解釋既樣，但而家佢反而係好冷靜咁坐咗響度望住我。

睇黎經過一晚既時間，佢都諗咗唔少嘢。

我哋唔出聲咗一陣，終於都係Kate踏出第一步先，佢首先嘆咗一口氣，道︰「係，你諗既假設都啱，我係諗住設個局黎偷拍你。」

我估我既面色變得好難睇，所以Kate又急忙澄清︰「但你信我，我唔係諗住要黎威脅你，如果我係要威脅你幫我做某啲嘢既，我就唔駛坐響度同你傾計表明自己既心跡，而係直接同你講數咁，將我想要你幫我做既事，一次過講晒出黎，要你幫我做。」

…

Kate咁講唔係冇道理，佢揸住我既把柄，係應該已經佔咗上風，係唔應該認低威既。

呢樣都係我尋晚諗唔明既地方。

但你話佢唔係威脅我咩？又好似講唔通，因為…

「咁妳坦白同我講，究竟上次妳有冇偷拍我？」

Kate欲言又止咁，不過最後都係點點頭，道︰「有。」

「所以上次妳搵我食飯，就係諗住用條片威脅我？」我冷笑咗一下，問︰「即係上次如果我真係明確咁拒絕妳既要求，妳就會周圍去散報呢啲影片？」

「你上次都冇應承吖，唔通我果陣就有講出口威脅你咩？」Kate即時反駁。

「咁係咪因為我雖然唔算完全應承妳，但至少某程度上都仲係答應幫妳，所以妳見好就收，唔諗住威脅我？」我反問。

（待續）

個問題係上個po我比人屌既時候我果一集都冇講過、冇做過埋伏線無端端就比人屌

勁想睇熙哥仆街

其實伏線無問題（唔太刻意就okay)，人物故事發展好自然大家就想追，例如大家會想知阿必會唔會有好結局

個人覺得呢個故真係拖得太長，初期已經有讀者反映過，就算嗰時係Penana 開始改都改得切，太多沒有推進劇情的字數其實冇乜意思

傾完又上房執多條淫閪一劑

上次淫辱KATE姐淫到一半就停左，應該未夠喉

其實你哋未必覺，但我其實已經cut咗啲枝節，咁我諗呢啲地方自己真係寫得未夠好，同埋我一早寫好咗個大綱，自己又唔想cut得太多

同樣呢個都係我自己覺得，新既阿必故同老師故應該情節推動得快咗，唔知你哋仲有冇興趣，有興趣既可以上去睇睇再賜教


老師故︰ penana.com/story/148860/
阿必故︰ penana.com/story/151602/

各位讀者，新年快樂，蛇年行大運

八百二十一

「我…」Kate咬住唇諗咗一下，終於決定講出黎︰「我係有咁諗過…但真係諗下咋，我乜嘢都冇做，唔係咩？」

其實明明係Kate揸住我既痛腳，但唔知點解我而家反而有一種佔咗上風既感覺，好似Kate約我出黎唔係打算威脅我，而係打算尋求我既體諒…甚至係原諒。

係錯覺…？

「妳真係有咁諗過…」我低頭嘆咗啖氣，面上難掩應該係好失望既表情，然後自嘲咁笑咗一下︰「嘿，睇黎我真係要從新檢討一下自己，我真係以為自己仲係以前果個乜都唔駛做，就會有女人送上門既余正熙。」

我發覺自己其實真係好撚蠢。

出咗黎做嘢之後，響公司入面都見過咁撚多權鬥，點解仲會咁天真比人利用到？

Kate一路以黎對我發動攻勢，冇錯係有啲令我心動，但逐漸地我竟然會真係信咗佢對我有感覺，呢個係第一個問題。

我自己話好愛秋兒姐姐，但竟然會比Kate既肉體攻勢有機可乘，呢個係第二個問題。

「Andrew，其實…」Kate仲係咬住唇，然後先至再開口問我︰「如果我話我所講…對你有感情…真係鍾意咗你呢件事係真既，你仲信唔信？」

梗係難以置信喇。

鍾意我，會咁撚樣跣鳩我架咩？

「不如…我哋嗌嘢食先喇。」我望一望附近，有個侍應已經望住我哋講嘢好耐。佢當然唔係牛咁眼望住，但都係間中望過黎，好似對我哋兩個人對望既情況有啲好奇。

「嗯…」

我哋求其響餐牌度鳩叫咗兩個餐，打撚發咗個死人侍應走，等佢咪撚再有藉口響我哋附近盪黎盪去，真係傾計都傾得唔自在。

叫完嘢之後，我哋又相對無言咗一陣。

終於，又係Kate首先開聲先︰「我啱啱講既嘢，你信唔信？」

「妳既意思係，妳有諗過要勒索我，但係之後又話鍾意我，然後再問我信唔信妳其實係真心鍾意我。」我反問︰「妳覺得我信唔信？」

但係…

我心入面又隱約好似覺得，Kate講既嘢又假唔晒…

唉，好似啲謎團越黎越多咁。

不過有樣嘢係可以肯定既，就係無論我感覺如何上風都好，只要啲片一日仲響Kate手上，其實我點都係被動既一方。

Kate咬住唇唔出聲。

「唉…不過…」我思考咗一陣，先至問︰「其實妳約我出黎，唔係諗住同我講數，而係諗住同我講妳真係鍾意我？」

我會咁問，係因為呢餐飯既氣氛同我想像之中完全唔同，Kate好似一啲想威脅我既意思都冇。

但當然，呢樣嘢都有可能係因為Kate知道我唔受硬威脅呢一套，所以佢先以退為進，不斷強調自己其實真係鍾意我，等我放低戒心，再要我幫佢手。

以Kate既心計同辦事能力，個人又咁精明，呢件事唔係冇可能既。

我啱啱已經瀨閪咗嘢，一定要小心唔好再瀨多次嘢。

Kate過咗一陣，先緩緩點頭，道︰「你可以咁理解。」

…

…

…

我發覺我真係好confused。

「不如…我真係靜靜地聽妳講晒，我想再講嘢喇…」我答︰「不過妳如果真係想我相信妳，最好就唔好有任何隱瞞。最好連公司果啲謠言，都同我講清楚係唔係真。」

Kate望住我唔出聲，我哋又再次陷入沉默之中，又過多一陣，佢先嘆一口氣，然後再次開口︰「鍾意咗你，真係我人生入面最失策最蠢既一件事。」

「哦？」

Kate苦笑咗一下，道︰「好，我就將所有嘢都講晒比你聽。」

Kate首先承認咗公司一大部份謠言其實係真，佢真係為咗上位，而同唔同既男上司發生咗關係，最初只係單純既性交易，但係慢慢發展到後期，佢發現有啲男上司並唔遵守遊戲規則，佢就諗到可以用偷拍既方式，用返啲片去威脅返佢哋。

要做到呢點唔難，因為班男上司好撚鹹濕，對住Kate既誘惑可謂毫無抵抗既能力。佢哋以為Kate係心有不甘，所以再一次用自己既身體做籌碼，再做啲更加過份既嘢，去換取Kate佢自己既利益。

由於Kate好識做人，又好識睇人眉頭眼額，所以響做呢件事上面可謂一直順風順水，果班已經結晒婚既男上司，本來以為Kate只係一條自己送上門既弱質女流，估唔到最後全部都衰晒響Kate既手上。

呢方面我知佢冇講大話，因為我親眼目睹過佢同KK既性交易，但當然我冇比佢知道，我唔想自揭底牌。

至少去到呢一part為止，我知佢講既嘢其實應該都係真話。

（待續）

熙哥好明顯想再續前緣，瞞住所謂嘅「最愛」，繼續偷食

KATE直接分享條片比熙哥齊齊睇就解決啦

推推

由一開始一路追呢個故
我嘅感覺就係我好想見到呢個仆街仔bad ending
條友真係一個大仆街嚟
根本唔deserve有秋兒咁好嘅女朋友 仲要事業咁一帆風順
不過正正都反映咗現實 就係好人有好報衰人有報應呢樣只係口號

真，同我一樣，好想Kate俾人搞大咗個肚，走去搵秋兒，播片俾佢睇扮個肚係仆街熙，然後秋兒癲起上嚟攬埋老母自殺；仆街熙老豆就因為生咗個仆街仔而慚愧起嚟都自殺；到最後仆街熙想搵返淇淇做水泡時，阿必就同佢講一句：淇淇當年為咗你，已經自殺死咗。

總之仆街熙一定要身敗名裂、眾叛親離

原來大家對熙熙都咁大意見