召喚lihkg所有學神/P牌巴絲 (120)

而家我都緊記晒呢啲要點
希望順利
以前覺得學院果條大直路好安全
但最近發覺啲搵食車真係會抽頭逆線過你
睇少陣鏡都死

你預左果堆廠廈既5.5貨車一定抽頭閘你
果堆慣犯黎, 我考試都比3架閘過

5.5同城巴好鍾意係路口閘你，dc9同7人車就大直路過對面線cut你

唔好意思 經驗尚淺
成日聽入彎唔好踩到對面隻角
鴨駕果條路 係咪利榮入利興會有呢個情況

同埋出學院果時

紅圈果條線係咪唔可以踩

紅圈條線唔踩得

你考試個時係做完調頭泊車再出去，所以唔會踩到個隻角，反而你臨離開學院轉左入大直路前，回返直軚先停車望右，如果你停個時重係扭盡右，咁你轉左出去個時就要扭成3-4手軚先轉到出會，會好危險同有機會過對面線，會比考官tick轉彎位置不正確同軚盤操控不當

反而你公廁路口轉返入利興時，小小右後輪踩到隔離讓線隻角

之前師傅教一停就空波手制

空波就真係多左, 多一下操作隨時瀨野
不過都好難同自己師傅駁

我好奇朱維輝重有冇教
十幾年前

公廁路口轉入利興最難
要拖到架車好慢先夠位轉 又唔可以踩到隻角
間唔中又會有貨van就咁停喺路口 一轉完彎就要超車

個個位一開始唔好太貼右邊，踩慢少少再扭快d軚轉，但唔好太遲先轉，會成架車西左出去，如果貨van泊係車場入口右手邊都還好，見過有d仆街泊係左邊，一轉就比佢頂住

重有要睇清楚有位比你轉先好駛前開始轉，如果唔係頂住利興街右轉出黎既車，即肥，如果駛出路口先發覺前面有車頂住右轉唔到入利興，就無得救

最緊要你自己習慣，記得自己入左N波，如果唔係鬆左手掣踩油先發覺架車唔去，原來無轉返D波，就神仙難救，所以多d睇下儀錶板

正常應該拉左手掣先轉N波

係 拉手制之後轉空波 頭先打錯左

廁所彎有位先好入呢點又係第一次聽到
但係正路果邊唔係讓線 我地有優先權咩
不過好少係果個位出現冇位入

廁所前一個彎好收慢，太快你會brake得好chok，紅線前睇清楚綠色位有無車等緊，因為好多時綠色位前面個車場出入口有死車頂住，有車係綠色位就係紅線到停，唔好間硬過去路口等，因為你會頂住讓線車出，等綠色位無車頂住先好出去轉右入利興街，小心唔好踩到黃格讓線位，嗰個車場入口位成日都有車係門口落貨，我試過過死車個時，有條友係死車車頭突然推手推車出黎去車尾上貨，好彩停左等佢過左先

另外你係利興街埋e個讓線位時，唔好去到讓線位先停，早少少去到讓路三角形符號個底邊好停，太貼讓線你右轉個時好易踩到前面隔離線

廁所灣呢個位我次次一波先搞得掂
部車一hi線角即肥

我次次睇住黎轉，慢d就轉到，係有少少西左出去咁，但點都好過踩角

學到野 仲有4節時間試下
個官有冇咁眼利右後踩角都睇到
轉緊彎果時自己好難分心去睇有冇踩

揸慣車自己都望到
何況個官剩係full time望你

對女好 對男惡
泊位教得好好
路面就一般般 鬧多過教

考官有鏡睇，同埋見你咁早開始轉同咁轉邊線去轉，都知你會踩到