喺公立醫院急症室觀察房 等左10個鐘未上得病房

今日中午喺街暈左一暈 休息果陣有人幫手call白車
其實去到醫院已經無曬事 但因為本身有輕微病所以急症室醫生話留院等內科醫生睇下
即刻做晒抽血 X光 心電圖果啲 就推我去急症室觀察房(其實係等於輸候區)

但係而家急症室觀察房訓左十個鐘都未上病房
聽講未上病房就唔會有醫生巡房放人
如果聽日都上唔到 可能要後日先出院
但其實我而家只係等個醫生睇下我抽血啲report乜乜也

覺得自己根本係浪費緊一張病床 我而家乜事都無
點解唔係叫我返屋企 然後book個時間返去覆診？
而係喺度佔用左一個床位 唔係好明個流程

唔去私家醫院？

你咁暈法
唔知你會唔會出事
check清楚D好

根本成個急症室就係叫人等等等

窮

但係個重點係 我行得走得 血壓都正常
根本已經唔係“急症”
等report佔用一個床位好奇怪

星期六晚冇人做野
等聽朝啦

同意 我已經check左 但而家係等待醫生階段 點解唔係約時間返嚟聽report 仲可以騰空一張病床

問姑娘
醫生唔會嚟觀察區 要上左病房先有人理

私家醫院好垃圾
早兩年仲係COVID嗰陣時
咁啱打風冇診所開
我發高燒走咗去睇私家醫生
個醫生唔敢開退燒藥俾我

驚你返屋企死咗屋企人上東張西望哭訴

你DAMA囉 綁住你咩

我要等report

就係數值正常先要觀察
唔正常反而知咩事 好快就走得

如果又暈多次咁點

陣間你如果返屋企暈左冇人知
又醫療事故 美麗新香港架啦

邊個敢揹飛放你出去呀除非自己申請

未上ward，有乜事manager唔使寫薯仔文，
夠膽你去問d 醫生你愛唔愛國?
保證又專人服侍又快手
十年前新界某醫院有病人試過，跟手比人送去青山個幾月，
前排聖誕聚舊又有人拎返出嚟笑，當時比人問個過醫生仲係度做緊

而家變左得DAMA兩個選擇

一個唔該你返緊屋企喺條小路又暈低左無人經過咁你就係咁先依家做個保險姐 起碼都知你點解暈先

星期日都無乜，星期一先返來book clinic 期啦

「家屬控訴急症治療流程欠妥 病人終離世」

本報訊 - 一名XX歲Y姓男病人於昨日下午離世，家屬今日到醫院投訴，指摘醫院處理程序失當。據了解，事主昨日中午在街頭暈倒，由救護車送往仁愛醫院急症室。

據家屬透露，病人到院時已回復清醒，僅因本身有長期病患，院方建議留院觀察。經過基本檢查包括抽血、X光及心電圖後，病人被安排在急症室觀察區等候。

家屬表示，病人在觀察區等候逾十小時仍未獲安排病床，亦未見內科醫生診治。其間病人向護士反映無礙，更建議改以預約覆診形式跟進，惟院方堅持須等候內科醫生檢視化驗報告。不料病人返家後突然病發離世。

仁愛醫院發言人回應指，醫院對事件深表關注，已展開調查。發言人強調，院方一向按病人情況作出適切安排，如病人病情許可，醫生會安排跟進覆診。醫院會與死者家屬保持溝通，了解實況。

醫院管理局回應表示，已知悉事件，將密切跟進調查結果，如發現程序有改善空間，定必作出檢討。

本報翻查網上討論區「連登」發現，死者生前曾以「喺公立醫院急症室觀察房 等左10個鐘未上得病房」為題發帖，詳述求醫經過。本報記者向醫管局轄下急症科醫生查詢，指出現時急症室病人輪候時間普遍偏長，或影響病人獲適時治療。有醫生指出，面對人手緊絀及病床不足問題，現行制度或需重新檢視。

無家屬 無人望下 再暈過都無人知

你乖啦
叫你留低就留低啦
冇事冇幹會留你仲俾張床你咁開心咩
最後真冇事你再出去還神慶祝乜都得啦

邊間