工作感情上我行自己嘅路，但前路茫茫…

我已經30中，做設計師
喺27歲嘅時候我做咗外資公司搵緊三萬幾
，疫情關係同外資文化背景下公司比我有三年都係Work from Home。 識左我岩岩大學畢業的前妻意外有小朋友生左細路。公司福利好而且我好多自己時間，睇落人生being good。

誕下小朋友後，老婆好緊張但又唔積極，搞到我好忟。因為我都要返工，於是請左工人多左開支，但老婆半年後唔返工，又唔陪小朋友。

我當時好唔開心，因為外家屋企好傳統，一星期點都要見，又好多意見。老婆又唔識處理小朋友又唔積極。屋企所有野都係我處理，換片餵奶搵錢讀degree出糧比工人又要應酬外家。種種原因下我推左佢去外國半年拎PR。我識左外遇。

紙包唔住火，老婆發現，帶左小朋友工人走左。我唔開心，但感覺又做返自己。咁岩公司對中國投資減少，變相裁員，我被越裁走。

睇落所有嘢都變差咗，但我又舒服咗，因為冇咁多責任。哩年我做返想做的事，我夾band參加比賽有少少獎項，讀書，四圍窮遊，返三日remote part time，星期日見小朋友，睇落好自由。

但我好矛盾，我愛我小朋友，朋友問我屋企嘢我都係轉移話題，新年聚會我都唔出席，因為我心好酸。搵錢方面冇以前咁好，雖然都夠比贍養費同自己支出，但自己知道所有嘢都有結束嘅一日。每日都珍惜緊自己擁有嘅自由同時又好心酸。

工作同感情上，我都冇揀到大部份人會行的路，但我唔知前路究竟去邊度。

樓主似係想行自己路，但又放唔低社會對呢個年齡層人既期望

點會咁易放得低，所有朋友都係行社會路。
我傷害咗咁多身邊嘅人，但又冇一個好實際嘅理由…

有外遇之後 你老婆積極左咁多...

你唔係冇理由

既然當初做左選擇就無謂諗返轉頭

因為無左退路，所以要破釜沉舟

今年30 都係行緊自己嘅路
畢咗業唔做本行 去行條難行嘅路
7年黎 兜兜轉轉喺4、5個國家度發展
亦因為咁 情路上一直好多得失
最初入行 一齊6年嘅初戀或多或少因為咁而分手
之後幾任 一係因為冇時間見而分
就係因為我要去另一個國家而要分
一直都好灰心 覺得已經麻木咗
叠埋心水做fuck boy唔拍拖算數
直至兩年前識咗現任女友
本身大家都係玩玩下心態咁識
而佢拎wh簽證黎hk
都冇諗住佢會長stay
點知識落發現我同佢所有野都好夾
夾到係就算而家過咗熱戀期
同佢都好似best friend咁相處
我哋一齊咗兩個月就一齊住
後尾佢visa就黎完
喺hk發展得又麻麻地
傾完一大輪之後我地決定一齊搬去佢國家
對我黎講其實有啲打擊
因為漂泊咗6年
人生好多嘢身邊朋友establish晒
而我喺呢段時間就去咗闖去咗儲經驗
諗住以我嘅經驗同cv可以喺hk穩定得黎又有發展空間 offer都有幾個
而家又要再喺一個新城市適應
工作方面又降兩級
其實真係有啲迷惘

Ching有冇後悔過？

我都有問過自己呢個問題
尤其是踏入30呢個分水嶺
身邊所有朋友
全部都有穩定事業 結婚生仔
而我就乜都冇 未來亦都冇保障
但換黎嘅係我嘅見識同經驗
對唔同文化嘅深入了解
而且我好感受到自己喺不同國家生活講不同語言會構造出不同嘅自己
感覺上呢7年黎我冇停過學習
學習唔同文化語言 學習工作上嘅知識技術
最重要係對自己同對人生有更多唔同嘅角度去切入
未轉行之前我掙扎咗好耐
但我一諗到我做一份高薪糧準嘅工
一年後十年後三十年後嘅人生全部都predictable
就會覺得好冇意義 漫無目的咁推石頭上山
當時就諗
我寧願後悔去改變去嘗試
都唔要後悔當初冇去嘗試
7年以來有好多高低起跌
有好多犧牲 亦體驗過生理上心理上最難捱嘅日子
但如果回到返去2017
我都係會做同一決定

咁識諗 唔會差得去邊 加油

出軌偷食唔值得同情

你好!
在你的文字中感受到你正面對着很大壓力和痛苦。自己一個人承受着，真的不易。如果你不介意，讓我們陪伴你一會，好嗎?
你可以進入網站內的『Chat窿』 https://chatpoint.org.hk/ （星期一至五：下午4時至凌晨1時；星期六、日及公眾假期：晚上８時至凌晨１時），和我們的義工傾傾吧。

我們願意聆聽你的心聲，伴你一起走過這段艱難的時候！