債息升, 債價跌, 呢個係非常基礎嘅數學定律, discounted cashflow, present value... 債嘅年期越長, 債息升跌對債價嘅影嚮越大, 記得中學econ都有教
而家長債由22年頭2厘一路升到4厘8, 可能仲有得升到5厘樓上, 差唔多升咗成3厘, 咁長債跌20%+有乜咁出奇, 大把銀行/退休/貨幣基金, 仲有強國嘅外匯儲備手握你想像唔到巨量嘅10-30年長債, 佢吔呢輪輸得仲咁, 早排美國有D地區銀行收皮, 就係手上嘅長債縮水兼低息借長錢畀客做定息樓按搞到蝕大錢
作為一名老散去買長債, 債息升你輸本金輸到西西了, 而家市場預期通脹係長期問題, 所以預期長期高息, 咁一日通脹同債息唔回落, 你隨時要捱足5-10年等經濟周期反轉, 又再玩QE壓低債息先有望見家鄉
其實呢幾年條yield curve倒掛, 短債高息個長債, 玩債都係揸1-3月T bill穩收5厘躺著贏, 冇理由去買得3-4厘嘅長債, 仲要面對yield curve倒掛反轉回復正常時, 長債債息升帶來嘅債價下跌風險
你上網睇吓長債嘅息率, 2010年前長期高過5厘, 可以咁諗其實而家個經濟同債息先啱啱回復正常