［一月新番］金牌得主 メダリスト 熱血×少女×花式溜冰

追到50話，光話要離開純，但又同小祈講咗要贏，唔知佢想開邊辦

不過中部大賽後小祈都未試過有一次完美表現（海外賽第二場冠軍應該係但無畫），我估至少junior gp 總決賽冇小光同依榴花，會比佢強勢反彈贏返次

再睇落去其實唔知作者想點寫，漫畫進度寫到小祈失手同輸係常態咁，輸到直情無鬥心去挑戰小光…

應該係唔想咁早分到勝負
呢次比賽反而應該係比小光確認
佢之前講「要成為光」嘅比賽意義
同時再一次鼓勵小祈令佢搵翻初心同埋熱愛
因為由上次輸咗之後
小祈好明顯係勝負欲凌駕一切
甚至令小光以為佢同夜鷹純一樣
個人唔覺得作者鍾意呢種路線
雖然我私心想睇佢哋兩個換教練
再立場調轉小祈黑化
不過的確好耐冇睇到小祈贏係會令讀者比較壓抑

祈再輸都幾合理，贏左就變第二個夜鷹純變成勝負撚，仲會寫唔落去，跳級打依瑠花又太難。
不過真係唔知點寫落去，而家已經有4周跳，唔知日後吹到幾大
如果祈睇完光表演之後更加睇唔開黑化埋就正

之前光同司講果啲嘢冇晒下文，話下年祈贏唔到自己就信晒純要犧牲先成功果套…作者自己都唔記得咗咁

光話要離開純，但又同小祈講咗要贏，唔知佢想開邊辦

唔係好明 "但又同小祈講咗要贏" 呢句 elaborate more (我依加解讀做光同小祈講佢自己會贏 (?))
我對後面劇情解讀係hikaru skates like jun, inori thinks like jun
但小祈呢個人唔係純 共同係得對溜冰嘅執念係一樣 但心靈同技術兩回事
小祈呢一刻失敗得太多 已經對自己開始失去希望再頹落去唔會再變得特別
小光心態由追逐純想睇見佢嘅世界想知點解佢對犧牲咁執著
直到之前轉俱樂部同yuna rioh離別個陣轉變咗
所以我估呢一刻靜係想為小祈而溜冰為佢帶嚟希望而進行表演 而唔係拎金牌為主
正正因為咁我估佢嘅離開純嘅原因係將會打破一條故事之前無交待過嘅約定? (已知有: 所有比賽要拎金牌, 第46話有講約定仲有另一條但無詳細交待)

第50話首曲我無記錯係講緊一個鋼琴家同被囚禁舞者嘅故事
上次光係做鋼琴家 而今次純同小祈睇見光個姿勢都發覺有異感
我估係因為小光今次係做舞者個角色 想自由生活落去罷脫鋼琴家
所以我諗另一個約定可能係同編舞相關?
而純嘅意外可以推測本身編舞係約定好係做鋼琴家 -> 同上次一樣 -> 行保守路線? (小光因為想帶嚟希望所以唔想重複 用新編舞去重燃番小祈嘅熱情?)

基於呢個假設下 所以我諗如果光想為小祈帶嚟希望 只可以打破約定等同離開純

sorry for 1999 可能好多都只係ff 睇下算

小光係草叢搵到祈， 同佢講叫佢睇住自己比賽，會為祈而贏去激勵佢.. 但之前佢話會離開純，我先估佢會唔會特登輸…. 不過以光性格佢唔會做馬又真

另一個純唔教嘅條件，好似話係如果練習跌過一次就即停，但有啲不可思議

純吹水估光會完美贏比賽，祈因某啲事重拾自信，國際賽係冇依留花參加下贏總冠軍