[忘戰必危] 中國統戰同一般國與國之間既交流有乜分別？世界各國同企業點樣係不知不覺間參與中共鎮壓、侵略同軍事擴張？

交加街38號

35 回覆

19 Like 1 Dislike

交加街38號 2025-01-01 23:33:23

上兩個 POST 分別將台灣民主實驗室既《打台灣不如騙台灣》同埋 Bethany Allen 貝書穎既《Beijing Rules: How China Weaponized Its Economy to Confront the World》兩本書，簡單咁用歷史事件 https://lih.kg/3829278 同埋圖表既方式 https://lih.kg/3840690 簡述左書入面既主要理念。

而最近台灣藍白把持國會，做左大量破壞台灣民主、憲政既敵後工作，大有機會令台灣陷入癱瘓。但問題係當我地嘗試拆解藍白既作為，又往往會被藍白一方或者中共既國家機器反駁，佢地只係代表左選佢地出黎既人，今日進行「憲政改革」係民主既結果，而唔係破壞民主。而另一邊係西方民主社會例如英國、台灣都出現疑問，一般國與國之間都有交流活動，點解只係特別提及中國統戰呢？

而討論呢一點就唔可以單純討論統戰既手段手法，或者只係由個別一個國家既角度去討論呢個國家既滲透有幾嚴重，因為咁只能夠捉到佢既輪廓，無辦法解答到上述既核心問題。而要解答呢個問題，必須宏觀理解整個中共既戰略藍圖，特別係毛澤東響統戰外提及既另外兩個法寶「武裝鬥爭」同「黨的建設」既關系。

比較長，TOC 如下：
1. 統戰 - 把對方一切可以利用的矛盾集中起來打敗對方
2. 由敵工部到統戰部，由西安事變到反右運動，由改革開放到併吞香港
3. 西方經常視中共為朋友，但中共從來視所有人為敵人
4. 英國不知不覺咁參與左入中共鎮壓、軍事擴張同種族滅絕上面
5. 統戰同一般國與國交流既分別在於「統戰+鬥爭」二為一體

*都係果句 - 中共統戰係一個極度龐大而且接近無盡既課題，到中共滅亡都唔可能講得晒，呢個 POST 只係集中討論「統戰」同「鬥爭」既關系與及中共統戰同一般國與國之間既交流活動既差異。

交加街38號 2025-01-01 23:33:38

1. 統戰 - 把對方一切可以利用的矛盾集中起來打敗對方

無論係「統一戰線」定係佢既英文譯名 United Front 都係一個歷史遺留落黎既名，無辦法完全表達中共統戰工作既特質。所以首先我地要理解「統戰」係乜野，統戰就係當中共以主要敵人鬥爭既時候，通過各種既手段方法爭取佢地次要既敵人既幫助、團結同爭取佢地成為中共既盟友結成統一戰線，令主要敵人逐漸變成小數最終比佢消滅。 (留意呢個係統戰既定義，唔係佢既手段，統戰既手段係無窮無盡，後面會再討論呢點) - 因此統戰從來唔係一個單純既政治工具，而係中共用黎摧毀敵人既武器。

「利用矛盾，爭取多數，反對少數，各個擊破」

毛澤東《論政策》

統戰工作既核心基礎係建立係矛盾論上面。係中共既理解入面，任何社會都存在住各種各樣既矛盾，而唔同人既矛盾就可以轉化成為被統戰對象。呢D矛盾可以係經濟利益同國家安全之間既先後優劣、亦可以民族主義同本土主義之間既矛盾、或者係個人利益同國家利益之間既對立。呢個理論框架會將所有既矛盾都睇成係一種佢可以運用既工具，而統戰工作就係要尋找狹峰同放大矛盾，將呢D矛盾轉化成有利於中共既政治資源，目的係令次要敵人站響主要敵人既對立面，增加中立者 (因為胖虎打柒大雄，中立既其實就係幫胖虎)、甚至反過黎團結佢既次要敵人變成盟友，「把敵人搞得少少的，把自己人搞得多多的」。

SOURCE：https://www.facebook.com/photo/?fbid=10151970990337312

「對我們來說，朋友越多越好，敵人越少越好。」

毛澤東《要團結一切可以團結的力量》

統戰對象從來都唔係中共真正既盟友，由原則上去睇被統戰對象都係佢地需要消滅既敵人，只係身處果一個歷史時段中共需要對付另一個敵人既時候，需要同佢地臨時結盟。當大敵消失之後，中共面對新既敵人，舊有既統戰對象就會由友變敵。亦因為呢個原因，台澳港同歐美既統戰策略，原因係因為中共今日主要敵人係台灣民進黨，而歐美、台灣在野勢力就係佢地要拉攏「交朋友」既次要敵人，而呢種差異去到世界各地，又會因為政府組織、企業同民間而有佢地各自細節既差異。

SOURCE：https://www.aspi.org.au/report/party-speaks-you

「頑固勢力以後要逐漸分化，利用他們的矛盾，採取分別對待的政策，用極大的力量去團結中間派和進步派。」

毛澤東《目前抗日統一戰線中的策略問題》

交加街38號 2025-01-01 23:34:54

無論你同中國點樣接觸，係「統戰+鬥爭」既特質下面，你提供既資源、服務、技術同埋投資，佢既最終目的地就係鎮壓中國人民，就係對外擴張，就係種族滅絕，比佢提供資源比佢消滅佢地既主要敵人。而情況就好似英國既 vibrant relationship 咁，除左失去本國既控制同主權外，仲不知不覺咁參與左入中共鎮壓、軍事擴張同種族滅絕上面：

Telegraph：Inside China’s secret plan to send weapons disguised as Covid aid to warlord ... using a UK-based shell company to skirt an international weapons ban
https://www.telegraph.co.uk/world-news/2024/12/26/chinas-secret-plan-to-send-armed-drones-to-libyan-warlord/

RUSI：Chinese firm sought to use UK university links to access AI for possible military use
https://www.rusi.org/news-and-comment/in-the-news/chinese-firm-sought-use-uk-university-links-access-ai-possible-military-use

BBC：‘Italian’ purees in UK supermarkets likely to contain Chinese forced-labour tomatoes
https://www.bbc.co.uk/news/articles/crezlw4y152o

RFA：中國駐曼城領館被「潑漆」抗議本台記者採訪期間遭四漢包圍恐嚇
https://www.rfa.org/cantonese/news/htm/uk-chinese-consulate-vandalized-interfere-journalist-12292024223948.html

The Times：Don’t embrace China until Jimmy Lai is free, son tells Starmer
https://www.thetimes.com/article/jimmy-lai-hong-kong-trial-arrest-son-sebastien-f5xwgpjvg

交加街38號 2025-01-01 23:35:08

5. 統戰同一般國與國交流既分別在於「統戰+鬥爭」二為一體

只要中共一直控制住中國，凡事都有一個黨係後面控制，係「統戰+鬥爭」二為一體既特質下，中共會不斷擴張影響力，而被統戰對象就會被不斷削弱、而且會因為各種各樣既依賴而被把持、控制同要脅 https://lih.kg/3840690 ，好多原本應該有益於人類發展既活動、資源，唔應該用黎投放係中共為建立新世界秩序「鬥爭」https://lih.kg/3636782 既人力物力資金技術，就會通通流向中共進行進一步既統戰、對內鎮壓、種族滅絕、增加影響力、軍事擴張、侵略他國等等既目的上面。而當中共用全球化統一戰線擴張成長消滅佢既主要敵人之後，就會向曾經幫佢既對方反噬 https://lih.kg/3651023

實際上面對中國呢個極權政府，係唔可能有任何真正交流、只有「不接觸」同「被統戰」兩者 https://lih.kg/3840690 ；

https://youtu.be/4cXWsf8y8uM?si=Zn_SpfAA22n9C7h3