有幾多人家族/祖先，原本嚮古時就係貴族？

古時聯婚要門當戶對 仲要唔可以遷戶 除非戰亂D人世世代代都係同一條村
正常都唔會有貴族血統

高等奴才

記得之前睇過啲講法
話依家其實溝下溝下無純種漢人
又或者河南剩低一小撮
繁衍嘅流動性未必太rigid

亦都視乎大家睇咩叫貴族
好似東晉/南朝，投胎到王謝甲族明明人生自動勝利，皇室/要謀朝篡位都要爭住同佢哋通婚，但都有啲王謝族人可以窮到燶（向下流），最後都飛入尋常百姓家，但飛入咗都應該當係「貴族血統」？

通常講血統我哋跟個姓，推返邊個祖先幾勁，因為有跡可尋，但譬如你係琅琊王氏，本身就會同時有謝家、司馬家劉家蕭家嘅血統...所以只要祖先只要有一代娶到琅琊王氏後人，or謝氏司馬氏之類，就已經自帶一班帝王之後的血統

依呢個邏輯，大家同時係「中山靖王之後」，機會率都好高

仲有我哋都追唔得幾代之前嘅家族史，我哋唔知道更早嘅祖先其實做過啲咩，例如被收養/改姓。更加唔知佢哋做啲咩，的確攀附關係獲取正當性亦都常用係政治手段，我只知自己姓王，叨光話自己出自琅琊王氏，無人fact check 到，但係同人講就型咯，之後同返子孫講，子孫又真係當真...

另一個話我哋好大機會都係貴族之後，係因為歷史上死先嘅一定係每日擔心生存嘅老百姓，天災戰亂下下冚城剷冚省剷咁玩，死嘅未必唔係貴族，但倖存者都一定係有腦有資源先捱到，就算係平民，只要你強運大難不死，你識嘅人都將會係有腦有資源

清朝買返黎既官算唔算貴族?

祖母個邊係廣東大族
國民政府嗰陣有糖廠有茶樓有田有地
屋企啲丁通通送晒去秘魯/三藩巿做生意
曾祖係舊金山阿伯娶鬼妹

然後比社會主義鐵拳收皮

同埋曾經“貴”過嘅人太多
由春秋戰國計起

陳姓舜既後人
其實八成人大家祖上都係貴族

其實係，代代最低層都仲未斷代，邊有可能

北方冇純種係南方政權嘅propagenda黎

基因研究中，北方漢人，尤其男性嘅gene係非常之純

解釋呢個結果嘅假說係，漢人係南方有繁殖優勢，鍾意屌漢女又得，屌本地土著又得

但北方就相反，漢人係胡人社會屬於低等種族，地位低嘅胡人娶唔到胡女就可以娶漢女，但漢人大部分情況下都冇條件同屬於優勢階級嘅胡女通婚，所以北方漢人基因只能夠流通係漢人種群裏面

導致北方胡人會夾雜漢人基因，南方漢人夾雜百越基因，而北方漢人就穩定係一個小群體裏面維持類似嘅基因

不過南方都有一個比例例外嘅地方，福建裏面嘅基因又係冇乜流通性

正解

正常每個人祖宗都一定威過

如果唔係邊有能力逃過中國咁多次改朝換代既大逃殺，飢荒