出道嘅第一套作品 冇錯啦 就係中間baby face嘅學生妹。呢套係由sun boys 陳偉霆 同 18歲 G·E·M孭飛嘅電影，亦加速令G·E·M決定退出影壇嘅作品，冇人會留意到呢套嘢入面嘅詩雅。之後詩雅接到嘅 都係低成本製作，我諗佢碌多幾年都嫁人，尾隨G·E·M退出影壇。
一年後，我有個friend投資20萬落電影囡囡度，邀請我入場睇，我一聽到援交妹題材，就即婉拒。講真，呢啲題材20年前麥當雄0靚妹仔都拍到爛，從0靚妹仔到老泥妹再到援交妹，你仲對呢啲電影有咩期望？
而事實上，囡囡呢套戲，係邊個掂親死邊個系列，爛片。詩雅BB係當中擔任第二女主角，表現慘不忍睹。囡囡唔但只令我朋友嘅錢血本無歸，亦基本上將戲中女主角打瓜，漸漸消失匿跡。
唯獨 詩雅
力撐 死撐。
影壇之路 出閘脫腳 都可以慢慢爬去終點 志在參與
點知同期彈出一個 同名 嘅 超新星 叫連詩雅
外表已經殺曬，仲識作曲 填詞 唱歌 ，開始涉獵電影
連詩雅何止應聲彈出 直頭吞埋 詩雅呢個字，啲人俾 連詩雅 同詩雅兩個名搞到有點亂嘅時候，就會有一個好清醒嘅人彈出黎話：{喜愛夜蒲個個長腿索女 咪連詩雅} 嘩然後啲人就開始J啊high呀，獨留 另一位詩雅 斯人獨憔悴 可能以佢男仔性格 都認唔住爆返句：
{我都想俾人J下}
挨足八年，埋到黃秋生隔離，諗住影帝金盤洗手多年，應該拍下無間道 頭文字D，點知整套吉過叉燒包同伊波拉病毒嘅cult片 失眠……詩雅，一方面有壓力，話曬要俾好戲之人 後來嘅影帝林家棟強姦 同俾 超級影帝黃秋生糟質，另一方面，其實乜東東係cult片？呢類虐待片，從來都係虐待人哋嘅暴君先搶Fo，被虐待嘅，無非係個啲 被性侵 被肢解個啲下場，典型嘅吃力不討好戲份。
但估唔到，我睇完失眠，開始respect 詩雅 同期佢好似改返做衛詩雅。
連黃秋生都頗為滿意衛詩雅，終於有套戲，成為衛詩雅嘅轉捩點，而唔再係成為轉淚點。衛詩雅
自此開始好似被打通任督五脈，喺戲路上狂飆。
https://www.youtube.com/watch?v=noBAaPxZpGs
佢開始拍下youtube片，其實佢幾靚女架。
十四年後，佢成為矚目嘅實力派女主角。
我哋當初J開嘅連詩雅 歌又停埋 演技十年如一日 呆滯 遲啲M都停埋 然後被狗仔隊拍到 ……你都唔慌係好新聞
衛詩雅，挨到五六歲馬仔（老馬）。開始連連告捷，即將征戰 大賽（金像獎 金馬獎）
天道酬勤，盛世美顏唔係永恆，女神天天都多
唯獨 實力 先係俾人銘記嘅 核心嘢。
喺呢度祝福 一個很努力很努力嘅 靚女衛詩雅 再創高峰 屢闖高峰。
