[轉]琴日高松飛返香港班機有疑似一家人有流感上機搞到成機Delay

都一樣 2024-12-31 13:39:21

長文慎入！
我係琴日UO643高松返香港乘客之一。
排隊過安檢時有個三人家庭（坐2DEF位），個男人排隊時係咁話自己CHECKIN唔到，有冇人好心比佢插隊排入去。同時佢拖住個OVERSIZE嘅喼，佢老婆同個女額頭貼住退熱貼，明顯病樣。既然地勤唔比你CHECKIN，你上到安檢又如何？出面十度以下你貼退熱貼？你件件都未寄，OVERSIZE可以上到？（地下CHECKIN樓上安檢，去過明我講乜）
當然無乘客理佢繼續扭計。
跟住佢都係入到候機室，地勤一路同佢有野講，叉晒腰好有型咁，心知不妙。快快帶口罩上機。佢差不多最後先上機，原訂係1435起飛，一直都打開門，駕駛倉都打開。一路係咁等無人解析咩原因，咁梗係因為呢個家庭啦。
無耐有個日本地勤上機講一堆嘢，又量體溫，我聽到結果係「SLIGHTLY FEVER」，咁問佢幾時發，佢話呢幾日，原因極好笑，話自己個家庭浸得溫泉太多，又發現個女隻眼紅晒。地勤問佢健康狀況，佢叫個女同地勤講「KONICHIWA」。來來回回乘務長同地勤搞咗好耐，條友仲講風涼話話「咁都話唔到事」，屌，你自己話到事喇，落機囉。攪咗輪簽過下嘢，係咁用佢嘅港式英文溝仲要不滿，話無理由唔比佢上機。條友威到拎部NB出嚟睇片，一副吹得佢脹咁款。
最後DELAY咗個幾鐘先起飛，就係因為佢呢個自私家庭，全機嘅安全健康時間就係佢個家庭度。
成程機四個鐘完全無帶口罩，個女唔係訓就咳，個男人係咁睇片。仲不停去廁所。未完！好啦,七點幾八點就降落，。CARBIN CREW PLEASE BE SEATED」都宣佈埋，個男人解安全帶話要同個女去廁所。終於空姐話鬼佢叫佢坐定，SLIDING時佢又想起身去廁所，空姐都好唔客氣再炳佢一穫，但條友話個女就嚟瀨，開始扭計喊，當當然無人會理佢，因為未泊定都係坐。個女目測五六歲邊有咁易賴。
終於落機，一路行，個女都係話去廁所。就算你上機前灌水都邊有咁多尿屙？拎行李終於見唔到佢地，可能量體溫度封咗佢。
====
即係咁，發燒唔好上機累人累物，仲要咳，帶口罩係常識！我唔係做航空，可能係有一定準則決定就算發燒都飛得，但好歹你帶返個口罩。仲要話浸得太多溫泉發燒？我都有浸，做埋桑拿添。呢啲咁嘅人，影衰晒成機人。我唔會特別怪空姐空少，我睇到佢地好專業地一步步處理緊問題。出門無數次，如果換著歐美講英文嘅，應該收咗佢皮。
只能講今次飛行體驗係最差一次。