[12月26日上架]《魷魚遊戲》第2季 集中討論區3

第二季中段剩係識叫人唔好繼續呢隻game，但又唔諗下點解啲人要繼續呢隻game(退出都解決唔到現實問題)，剩係識係度9嗌

佢本身個人設都係自私鬼，其實都唔知點解會突然間轉得咁快變成大愛阿叔仲要想改變世界，佢上集都係符符碌碌過關傻大叔嗰隻，今集就變咗諸葛亮上身咁

咪因為上一季個經歷見證生死後覺醒

其實佢係咪無入過陸戰隊
佢講佢幾個家姐
會唔會講佢老豆唔俾佢去參軍
等佢兩韓打杖唔會死

同意，一被問到肉問題，就即刻改變話題，咁profile 似係被軍隊DQ走，&/or 被老豆逐出家門嘅基仔嚟（佢啲長頭髮好基吓）

睇到個分析講過佢本身都係大愛撚
第一季提過佢本身就係被裁員既汽車工人代表
所以佢既人設一直無變 廢還廢 但都可以係大愛左膠

focus返啲game咪算, 搞咁多支線
揾孔劉都用咗一集, 又用咗勁多時間投票+遊船河, 最後槍戰更加係唔知做乜鳩

我自己覺得456打算用啲錢瓦解個集團係太難。等於我中咗六合彩一億之後想用呢啲錢去破壞馬會而大家就唔會再亂賭波賭馬一樣…. 人哋一年派456億， 本身都係「散紙」，你點可能同人比…當然我明主角佢玩過遊戲知道入面嘅事所以唔想其他人去死。
最後去搶槍，如樓上師兄話，鎖住道門餓佢地幾日已經可以，唔會咁簡單比佢攻入個控制室。
細佬條線我反而ok, 始終好難搵個實際嘅島係邊，加上本身可能政府高層都有被收買，搵唔到都正常。同埋佔成季時間又唔算好多。（雖然第一次見個船長已經覺得佢係鬼

唔好話鎖門玩斷糧水，正常好似木頭人咁有制高點加sniper火力同人數壓制，你根本就無得玩

冇理由用個島個難搵就0進度去justify條線
又唔係真實事件,戲劇就應該呈現觀眾感興趣嘅事件
原地踏步冇進度感會破壞觀影體驗

其實結局講差佬帶死士去攻島完咪算囉依家寫到咁，個結局可以點收尾

大愛到偷阿媽錢拎去賭既左膠
睇返S1 第一集其實都幾討厭佢

其實無衝突 現實世界d左膠一樣咁黑人憎

呢個我有諗過，但其實都係一係未搵到，一係搵到而上岸。同埋來來去去得一架船（仲要船長係鬼）又真係好難有乜進展。可能寫到細佬feel到唔對路懐疑船長會比較好（至少有個伏線）

船長係鬼應該正正係佢哋搵到個島嘅契機
條線太少內容，一半先講船長係鬼
喺觀眾角度，依個係成季唯一進度

一去到差佬條線已經係飛住睇，一d進展都冇

船長話佢救咗細佬，同埋佢又開咗船三十年（可能一有個遊戲就開始），仲話自己捉魷魚（雙重意義）分分鐘佢有份運啲器官出去添。 我覺得船長係內鬼情況下真係好難搵到個島。講真如果太近市區咁普通人遊船河都發現啦，無理由係中環去長洲嗰種距離啦。正常應該出咗公海，就算搵到都好難派人去行動。

船長係鬼
既係除咗勁好彩搵到個島之外，仲可以通過知道船長係鬼去套島嘅位置

至於夠唔夠人行動係主角們本身策劃嘅問題
見到男主十丁友都覺得自己贏到，我覺得已經唔係觀眾應該擔心嘅位，已經有啲智障味

第一季尾阿伯有講 佢同班有錢朋友 太有錢已經覺得做咩都冇意思先諗到搞遊戲

咁有機係失散咗
睇台灣有YouTuber分析話
佢自己都唔見咗個仔，後尾暴富咗
後尾喺遊戲度見返佢
跟住佢個仔覺得老竇好癲
佢老竇為咗補償個仔，自己落場玩一次

有YouTuber話係失散咗
所以後尾阿哥變咗養子

咁要兜實兜到 但夾硬寫佢哋係父子其實係冇意思
反而而家講面具佬因為失去晒老婆同個仔而做咗負責人
阿伯就臨死前想搵番兒時嘅快樂而去玩game仲有意思

嗰幕勁好笑「我陸戰隊㗎dllm」

頭個集睇佢啲惡夢，仲有時鐘酒店個居住環境，感覺想寫佢有啲PTSD之類，只有一味斥責遊戲邪惡，全心全力去幫所有人報仇，先平衡到大量死亡帶嚟嘅創傷。所以佢啲「英雄煮飯仔」係病態偏執，睇唔清楚實際情況。

啱啱睇晒呢季，覺得最有趣嘅係，第一季強調最錯就係社會不公，下層被迫叢林廝殺，無得揀做好人。456帶住呢個意識入到第二季，所以時時覺得自帶光環，可以團結到呢班「受害者」。點知第二季就係要一巴車埋去：唔好賴環境，呢班人本質都係犯賤，絕大部分餓死都好，依然唔要麵包要彩票。呢度幾有張力。

隻GAME係食雞死剩1人
好似規則上冇講過只可以一個贏？