［必入］提防婚展黑店 薇薇新娘vivi bride 睇戲都冇咁精彩

1. Pre-wedding package多項隱藏條款
水魚仲埋去，一定覺得抵
本人喺今年婚展認識薇薇新娘，其實一入門口就已經比嗰邊嘅sales捉咗去坐低，當時見到鋪面大應該唔會出啲咩問題，於是就坐低了解吓啲package。本人前後問咗6次價錢係幾多，sales都拒絕直接回答，直至佢講完佢嘅劇本，先至回歸正題。
**你唔問，佢唔講，額外收費項目**
a) 全日租車 $3000
b)全日化妝師 $1800
c) 所有電子相片檔案（原檔）$180/張：佢本身淨係包20張精修相片，嗰陣時不以為意，以為其他所有相片都會畀晒我，點知去唔同檔攤問咗好幾檔，d sales 提我問清楚先至行返去問佢哋原來一張相要成$180先至可以要得返，嗰下大大聲講咗仆街兩個字出嚟。個老闆仲要懶係nice 咁講話個個最後都係揀最靚嘅相先至買，唔會係好多張，到時你先再決定買多與少啦…

2. sales查你家宅，保你一世平安
d sales 會懶係Nice咁問你做啲乜嘢，從而推算你哋嘅消費能力，在背後決定比幾多優惠你哋。所以印喺A4紙上面嗰個package價錢只係標價，我冇記錯，好似係$2xxxx，最後佢減到$1xxxx。之後佢哋仲會mark低你嘅職業，方便下個sales跟進嘅時候，知道你哋嘅消費能力，再同你哋去傾價錢，從中收取更多嘅利潤。

3. Pre-wedding 婚紗款式差+數量少
大陸款又冇design嘅婚紗，真係要埋嚟睇埋嚟揀
sales 喺合約中提及升級至高級及當季新嘅婚紗款式，但這只是sales嘅專業銷售手法，實際上全部都係吹水。上到去試衫，佢淨係會叫你揀嗰幾行嘅婚紗，話其他款嘅婚紗係俾人租出去嘅，唔係俾人借出去影pre wedding。佢指嗰啲款式一睇就知道係內地野，款式老土又普通，所以本人最後出去自行再搵一間租婚紗嘅店舖去揀自己嘅心水婚紗同埋晚裝。好笑嘅係，我想帶多一套婚紗去影，即係總共影四件（佢個package本身只包借2件晚裝+1件婚紗），初頭個店員仲喺度推來推去，話要問吓咁樣可唔可以安排到…即係自己吟錢出嚟想影多一件衫都會推三推四…

4. 奇怪銷售手法 製造假象
話說個陣上去揀相嗰陣時，見到枱面有一疊單，唔知係佢特登擺出嚟俾啲揀相嘅人專登睇到定係點，佢張張嘅銀碼都係$60000或以上。即係每個上去揀相嘅人，最後都要俾成六萬幾蚊先至攞到2xx張相 …. 嗰下心諗邊有可能，本身個package已經要比成$1xxxx-$2xxxx，而家上嚟淨係揀相都要六皮幾先至落到樓…可能佢想製造個假象就係個個上親嚟嘅客都俾成六萬幾蚊同埋佢哋都會揀好多相…

FRI:
精修相$350 /張
原相$180/ 張

喺呢度奉勸各位嚟緊結婚嘅靚靚，千祈唔好揀呢間婚攝公司🙏🏻🙏🏻

幫樓主推推

有冇些少證據？

其實你比得果一萬幾千蚊，
唔會諗住有mcqueen dior 婚紗租下話？

查家宅定價呢d 手法其實唔係益左你咩？
有錢人收貴d 喎，你d 窮撚度縮撚收平d 喎

如果包20張都夠用

join得呢d婚展公司 package
不嬲所有嘢都係要加錢先有㗎啦
根本係婚展常識嚟
你冇做功課就join
話人呃你
咁你咪去消委會、海關告佢囉
睇下你告唔告得入？

同意sales係仆街，租衫男好老套，女的都叫多選擇，其他野就一分錢一分貨。不過靈魂係揀到啱嘅攝影師，當年我用攝影伍百老師影相好好，化妝都好，最後無加錢買更多相。因為影得令執少好多野，相既數量係夠。反觀有人用2-3萬買哂d相，希望「完整」d，實情好多相都重覆。research 過大多數婚攝都係用呢種手法，隔過價其實都係差唔多。

最多加10張8張

其實間間都係咁計數，結過婚/問過嘅都知，好似得樓主唔知
正常包幾十張相，要多就逐張計
到時揀完晒讚佢幾句，再講下價，再睇下點加減

原相不嬲都唔包，要另外計數
要jpg 定raw，定2樣都要，唔同計法
要精修嘅，完全未執，定輕輕執完比你揀嗰啲，條數都唔同

我嗰陣鏡頭都借埋比攝影師用，同pre-wedding 公司啲staff吹得兩咀
直頭成隻harddisk 拎比我抄，raw jpg 執咗未執都有晒，不過結咗婚幾年都唔得閒執

睇樓主講嘢就知唔識影相執相
唔好諗咁多，直接買精修咗揀咗嗰啲好喇

男裝超小款囉

我反而唔記得個攝影師, 剩係記得個化妝, 你以為佢係基, 點知又有個越南老婆

而家要2-3萬咁貴？！ 我4,5年前好似加2,3千定再小啲
已經包晒raw jpg 執咗 未執，乜都有晒

同意間間都差唔多，同埋2,30張相已經好夠
Big date 完自己都唔會睇
老母同啲姨媽姑姐show off 一年半年都唔會再提，買太多冇用

你紅色字嗰堆，間間都係差唔多咁收。
其實你睇咗幾多間？

佢哋係婚展銷售手法真係好撚勁，最後出嚟所謂原檔其實啲色係執過晒，明明我著白恤衫原檔可以變晒藍色，加相我話我自己執得架喇！佢話如果自己執本身包嗰啲就唔會執，佢話加3000執晒所有相！最後我無理佢拎完相就走咗！

返到去放大啲相全部個邊爛晒或者有啲好奇怪色，我估係係某幾種顏色飽和度推到好高！

利伸：做設計

一個package包曬就預撚左魔鬼在細節架啦

其實係整個行業嘅銷售手法有問題：
婚展嘅原意係比新人了解唔同嘅服務，但係而家點解會本末倒置，每個入去嘅人都要小心？香港而家嘅經濟已經係咁樣，商家仲要諗盡各種狡猾嘅銷售手法去謀取最高嘅暴利？其實有好多消費者都有機會消費，但前提係應使則使。花任何錢要花得合理物超所值，所以重點唔係要最平嘅價錢享受最優質嘅服務，而係賣家好誠懇咁列清所有items，然後估算一個大概嘅價錢比新人，咁樣銷售手法正常又可以令消費者知道大概整體價格而去做一個最明智嘅銷售嘅決定。

但係往往就係好無奈地，因為消費者唔熟行情，所以就要承受消費者唔需要承受嘅責任？咁我打個比喻，喺學校讀書嘅學生，使唔使提老師點樣去教一篇中文文章，同埋提醒佢仲有啲乜嘢未教？

想知樓主最後幾錢落樓？

嗰啲友識鬼執相咩
精修
龍友都執得好過佢地
你做開設計見到笑死

唔係間間都係 我自己影左2輯都係全部send返原圖
只係婚展prewedding多伏

嚟間不嬲黑店，而家好多影pre wedding 係成set 相俾番曬你