依家中學生多左以興趣為先去揀進修路？

好多中、小學生父母都係70後、80後 多左父母有大專、大學既學歷 有啲仲做專業人士 佢哋收入好、穩定 有啲有物業又有其他資產 小朋友未必要擔心畢業出嚟養家問題 多左小朋友會以興趣為先去揀出路？

當然仲有啲小朋友係住劏房 父母係內地新移民 教育程度又未必高 呢類小朋友就好似70、80後果代咁 多數父母做勞動、服務、文職等基層工 畢業時又想脫貧進身中產 就靠自己努力去搵錢 咩都錢行頭

順道介紹返明報有關職業教育報導

https://news.mingpao.com/pns/%e6%b8%af%e8%81%9e/article/20241225/s00002/1735057972892

教育局首席助理秘書長（延續教育）吳肇基稱，亞洲地區家長普遍認為「工字不出頭」，冀子女考進學術型大學；他說，當局支持年輕人按興趣選擇晉升道路，正促進與業界合作，令學生畢業後可在行業獲得高度認受。

做嘢又好、讀書又好 可以按興趣而唔係睇錢係件好幸福既事🫶🏼

冠亞季軍就得3個

咪撚信呢啲報導鱔稿 , 有幾多個真係會成功?

VTC 酒店旅遊廚藝餐飲課程 好伏. 咪撚報讀.
出年人民幣貶值. 人人北上, 呢類酒店旅遊餐飲行業. 前景一片仆直蕭條.
同時仲有班專才來港外勞同你竸爭. 行內內捲化將會變得好嚴重.
真係獅子山精神當飯食.?

如果你係家長. 唔好比你細路讀呢類課程 夕陽行業.
呢幾年開左好多食肆, 行內人手跟本嚴重過剩. 最近執笠潮岩岩先開始, 花2年讀完之後, 實聽乞食.

你咁講有啲道理 高級餐飲呢幾年都無運行 不過遲下業主肯減下租或者會好返啲

係唔係有咩誤會？
10個DSE考生9.9個都會想讀nursing
定還是依家啲中學生9成嘅興趣都係關於nursing?

認為「工字不出頭」
Nursing正正就係技術工作

咁都有唔少學生20歲未知想做咩 走去讀比較賺錢既科