瑞士法國遊記 凱旋門大賽

今年九月尾十月頭去瑞士同法國，瑞士留六晚而法國就留四晚。由於第一次去呢兩個國家所以都係去最出名嘅景點，同埋預嘅行程係好鬆動，唔會點跑景點。主題凱旋門大賽會係行程最尾部分，所以都會排到後面先講。

Day 1 蘇黎世
Day 2 蘇黎世 -> Grindelwald
Day 3 Grindelwald
Day 4 Grindelwald -> Zermatt
Day 5-6 Zermatt
Day 7 Zermatt -> 巴黎
Day 8-11 巴黎

出發搭阿聯酋航空去蘇黎世，先到杜拜轉機再去蘇黎世。因為班機delay咗40分鐘所以好急咁派哂餐就熄燈瞓，我都太攰關係冇影相就瞓咗。順帶一提我九月尾搭班機仲播緊2023杜拜世界盃，我現場睇埋今年2024場馬但班機仲播緊上年。


杜拜轉機


轉機都delay咗所以大約兩點先到蘇黎世。搭火車去市中心再到酒店，補眠一陣就諗住出去行下。點知出發時入熱水落水樽時個樽溶咗燙傷手指，即刻浸水不過都痛到無倫，頂唔順去咗附近買咗支藥膏頂住先，都痛咗大約兩個鐘先叫好返d。

搞完一大輪去附近求其買d嘢食就算，時差關係好攰同食完止痛藥把握時間就瞓，第一日完。

第二日
由於時差關係一朝早四五點就起身，查下天氣會落足成日雨，還好預去嘅兩個地方都係室內。去完兩個景點後就搭火車去Grindelwald。

瑞士酒店多數都包早餐嘅，始終所有嘢都貴，但都唔好太高期望。


第一個地方係去Lindt Home of Chocolate，一早上網book咗過去睇，都算唔錯嘅。由一開頭講種可可豆，點樣整朱古力漿，再分唔同口味。




可以即場試食



入到去都係介紹成間公司歷史，點整朱古力咁。最尾就引人買朱古力，係有幾多唔同味香港未見過。

第二個去嘅係FIFA博物館。，有Swiss Pass所以唔使錢。


港隊波衫


雷米金盃，刻咗咁多屆冠軍國家名



入面仲有講女子足球，沙灘足球，連Esports都有提下，唔使錢又係球迷都值得入去睇下。

去完就拖埋個喼出發去Grindelwald，Swiss Pass買咗Tier 1所以實有位坐嘅。瑞士火車就多數比預計時間遲少少到，但轉車嗰班就準時開嘅。另外轉車時唔知點解Tier 1車箱多數係一頭一尾要跑成個月台。

大約四點幾到Grindelwald，本身同咗酒店講叫佢派架車嚟接，去到地點時冇車。由於嗰日落住雨關係正想放棄行過去之際，架車就突然出現，而且同火車嘅一對夫婦亦都係住同一間酒店。

放低行李就hea陣買嘢食就瞓，始終我仲適應緊時差。喺房電視度睇到德文旁述嘅NFL，山區酒店每間房都有把酒店遮免費攞。

支持 等睇凱旋門大賽

講凱旋門大賽就得

第三日
時差關係又係五點左右就醒，到七點就落酒店食早餐。呢間酒店餐廳係未開就有成幾十人排隊等開門。查咗天氣今日終於天晴，咁就準備出發上少女峰。

準備出發時順手買埋少女峰pass，咁我揀咗最新起好嗰條經Grindelwald Terminal搭纜車上去嘅路線。
上纜車時仲好大舊雲


過咗雲層就好好陽光


喺中轉站等咗大約半個鐘就上到火車，有機會嘅話一定要book埋火車時間咁就唔使排隊。

上到少女峰


冰雕






睇完就坐車去瀑布鎮，沿途風景。


基本上就係得條瀑布睇，歐洲景點都預咗係咁上下。


睇完見有d時間，順手搭車去Interlaken 睇下。
上到Harder Kulm時：



睇完就返酒店抖下，本身都想入餐廳結果好多間都係要book先有得食，結果求其買間外賣pizza就算數。

第四日
今日準備嘅行程就上First，天氣都算唔錯。由於琴日已知酒店餐廳要排隊今日就再早少少落去排隊食早餐。食完後就上First。






因為去到發現唔算太吸引，天氣幾凍，而且要排隊，冇玩到d設備就落山。

食完嘢就出發去Zermatt。去到酒店check-in 放低嘢就買嘢食，查咗天氣預計下一日會落雨所以買咗個兩日pass聽日同後日用。

第五日
一早就起身去試下影日出，可惜我喺Zermatt咁多日朝早未試過好天，完全冇機會去影黃金日出。而且今日係落足成日雨，變咗行下街就算，山區就預咗天氣不穩。


我有嘗試上Sunnegga，同車仲有一班韓國團。一上到山個站個工作人員就叫班韓國團咪再出去，講到有生命危險咁，當然全部人冇理佢繼續出去。我望咗陣能見度極低根本乜都睇唔到都係落返山就算數。

成個鎮都好快行完，瑞士d嘢貴行街買嘢都買唔到d咩，我亦唔會經過瑞士機場所以稅都冇得退，最後都有買隻錶不過我諗香港有同款嘅話應該仲平d。

天氣差都係早d返酒店準備聽日行程，夜晚食咗個印度飯，可以講瑞士最好食就係呢餐。

第六日
朝早我都有試下影日出，可惜都係冇。今日係我喺Zermatt唯一一日好天。咁難得好天我就先影低馬特洪峰山頂。


先上Matterhorn Glacier Paradise
上到呢度已經好鬼凍





又係有冰雕





接住落就係上Zermatt Gornergrat




最尾就搭車上Sunnegga


晚餐揀咗酒店食，個主菜鹿肉嚟算唔錯，其他就麻麻。

第七日
今日會出發搭火車去法國巴黎，食完嘢都出發搭火車。我由Zermatt搭去Geneva再搭歐洲之星去巴黎。

去到日內瓦車站就買少少嘢喺車上面食晏，大約四點幾就到巴黎。人生路不熟揀咗的士去酒店，喺巴黎，路係複雜而且有好多單程路，的士司機都未必熟哂全部路。另外巴黎實在太容易遇到塞車，的士收費跳標架車唔郁仲貴過郁緊，之後我就放棄咗巴黎度搭的士呢個選項。搭到酒店check-in 抖咗陣就行去艾菲爾鐵塔影陣相，之後就酒店附近食嘢去瞓準備下一日行程。

第八日
今日預定行程係上艾菲爾鐵塔同去羅浮宮，兩個我都買咗免排隊，有得買免排隊真係要買。

由於早咗起身關係，我先搭車去凱旋門影一影相。


之後就去艾菲爾鐵塔






羅浮宮
羅浮宮個免排隊就係一個團帶去睇蒙羅麗莎之後就解散，羅浮宮太大入到去一定要攞場刊。


依家係封到勁遠先影到


最出名幾樣收藏品





拿破崙三世套房





晚餐食秘魯菜，都算好食。

第九日
今日book咗去凡爾賽宮，都係參加免排隊團。個團就包講解遊哂成座宮殿唔包花園。

今次個免排隊就冇對上一日咁爽，去到成七八個團迫埋一齊等，都等咗成30分鐘先入到宮殿。






鏡房，好多人





去完凡爾賽宮就返酒店，因為唔小心冇閂實個水樽搞到漏水要返酒店整乾，間酒店又成兩三點鐘都未打掃我間房。

就喺我去完返酒店抖一輪再出去行街時，就喺地鐵度遇到搶劫。我喺Concorde站轉車，喺月台時無啦啦見到幾個吉卜賽人喺月台度嘈，咁月台員工就帶走咗呢班友。到我上車時我企喺門口位背住座位，有兩個吉卜賽人跟住我入，由佢哋上車開始我視線就冇再離開過佢哋，我兩隻手都揪住個背囊，一路都望實佢哋。到下一個站再多一個吉卜賽人入嚟，佢哋再開始戴哂帽同除好外套，到下一個站就到時一個人就用手塞住度門開關，另外兩個人就撞個白鬼男人，偷唔到嘢就三個人即刻著草，個白鬼檢查下身上冇嘢被偷就安然咁同佢家人傾計。因為我去嘅景點都好安全係冇去之前咁大意識去防人偷嘢，親眼見住人被偷後我都即刻我都返酒店檢查哂所有嘢係咪喺哂度。

去咗香榭麗舍大道睇下嘢，唔知係咪太多代購入咗兩三間都冇想要嘅款，就算平過香港好多都係揀唔啱款，結果都係冇買到任何嘢就返酒店附近食。

第十日
嚟到凱旋門大賽日係落雨，帶埋支180-600鏡食完早餐就出發去馬場。由於跑大賽，所以有免費巴士坐去馬場。



隆尚馬場仲闊過沙田馬場草地＋泥地


開賽前有奏樂




凱旋門參戰馬有人帶個牌入場




Book咗馬場入面餐廳1330食，問咗一定要準時入早d都唔俾入，去到1330時就差唔多成百人一齊排餐廳。排隊時都有場兩歲一級賽有跑，開住hkjc tv睇同現場電視都係爭十秒左右。呢餐係我成個旅程最好食嘅一餐。






食完間餐廳搞錯咗搞到我埋咗唔知邊張枱張單，搞一大輪都搞唔掂我叫佢賠返現金差額俾我算9數。出返嚟開始細雨我就過沙圈霸位，行到去時就隆尚教堂大賽d馬就出哂去。

跑完隆尚教堂大賽之後有場G1，不過嗰場好似全球唔俾播咁樣。

180-600鏡頭 巴打影開雀
有冇沙圈相 馬匹過終點相睇下

下一場凱旋門大賽時已經排好哂隊等騎師出場，成個馬場超多日本人。現場有人派咁多個騎師大頭相。






現場最多人出聲支持就係武豐同莫雅，成個沙圈都係人








臨過終點


結果才情麗驥贏





四隻馬拉個台出嚟


馬主坐另一架馬車出


特登搵隻馬揹個獎盃出嚟




頒獎







大合照

我冇影雀
電視睇其實佢影唔夠一半跑道
現場睇我已經企得好近欄邊呢支其實都係啱啱好

以為欄邊同跑道好近
入場有冇dress code (對面海睇雅士谷 唔畀著牛記笠記)

之後兩場一級賽






跑完一級賽就閃人先，廢事同咁多人迫返去。

夜晚食咗呢餐，不過不失咁。

最尾一日
買咗Business class回程所以有車接送去機場，出發前一日佢會俾哂資料例如車牌，司機張相等等。咁就唔會上錯車。

戴高樂機場Emirates Longue


法國去杜拜飛機餐




杜拜去香港班機先先停曼谷之後再飛香港，中途停曼谷唔使落機。
杜拜去曼谷飛機餐，三點先起飛所以得早餐食


曼谷去香港飛機餐


返到香港有個職員舉牌叫人去停車場搵車，坐住專車舒舒服服返屋企。

完

冇dress code
多數人都西裝出席
得架仔同我就causal 裝

漏咗冇打一跑完凱旋門堆架仔就黑哂面成堆走哂
塊面仲黑過我今年喺杜拜睇成堆輸哂嗰陣
講真你班友用埋d垃圾騎師
d馬又唔識跑法國地
年年都係嚟揹飛俾人贏架啦

下年諗住去 人一世物一世想睇返次
日本馬幾時先有place

正常啦 武豊又唔係騎開隻馬志在參與
真命新帝擺明未夠班

巴打有冇係當地落注呢場

個場好似幾正 不過去隆尚就要焗去巴黎
本身唔太鍾意法國

黃金巨匠算唔算日本最痛