大隻佬既佛經其實岩唔岩，有冇佛學人講下

咩日本兵殺左人，李鳳儀就要死
屌你老母咁平時叫我積德把撚，唔關我事都入我數，後人死關我撚事咩

啱，因果輪迴的確係咁運作，呢個係真理
咁話呢個世界一定係公平公正

劉華有段接受唔到咪癲左
事實就係咁

現實就係現實
佛經俾個解釋俾你 令人容易接受啲
你唔接受 個世界都係一直轉 而你就停步不前

宗教害人不淺

佛經嘅意思係話你知現實世界就係咁運行
你唯一可以做嘅就係種多d善因
溝淡佢

簡單啲諗
係咪即係我踩咗腳落隻蟻度
隻蟻就會死

依種因果關係

簡單啲嚟講
種善因得善果，種惡因得惡果
萬般帶不走，唯有業隨身

輪迴, 只係一個靈魂係唔同時空到世間走一遭
而每一個輪迴結束, 都要進行結算
將積分帶落去下一個輪迴度

撚有「身」?

正信佛學，無"靈魂"
靈魂(相對於"物")反而係佛陀批判既概念

月經post

撚使佛學來講
「殺人放火金腰帶、修橋補路無屍骸」
係好基本既民間共識

類似
但佢唔係物理上既因果
想像下你每做一些"好事"，會多一些"善因"
之後此些善因總會在成個系統上，產出善果(但無話一定報應於你、你既靈魂、或你子孫)

呢個解釋易明啲

https://www.youtube.com/watch?v=FFR8mr-aW8c

佛學其實好似科學
科學研究物理運動 佛學研究人心的運動

人類所有行動的源頭就係慾望 想食飯屌西就有動力去做任何事

同時間人的慾望往往會造成痛苦
痛苦又會傳導落去 報應落其他人身上
呢個就係業力輪迴
好似特首想討好中共 受苦就係香港人
然後你唔開心又會發泄去其他人身上

唯一套戲同佛學有矛盾就係未必善因得善果

佛學主張要消滅慾望 呢個世界先可以離苦

日本兵轉世做咗李鳳儀
所以係公平嘅

冇月經
最多係年經

小弟學佛時日不多，嘗試回答，有錯歡迎指正。

首先，佛教承認有輪迴，但同時為主張｢無我｣，你可以理解為無一個永遠不變又有主宰能力的靈魂係到輪迴 (用婆羅門教奥義書個比喻，輪迴過程就好似一條蟲(靈魂)由一塊樹葉走去另一塊樹葉咁，而佛教就係否認有呢種有靈魂的輪迴)。所謂有｢實我｣/靈魂只係一種心理認知層面的錯誤，因此要明白佛教講輪迴就要先了解佢唔係講實我 /靈魂的輪迴。

無我而輪迴係早期佛教一個好難解決的問題，因為佛在世時無詳細講個過程係點發生，只係一句｢業相續｣，因此後面佛教面對好多質難，包括如何輪迴如何係無輪迴主體相續下進行、如何保存業力不失等等，整個輪迴機制要去到唯識學派先俾到一個完整無bug的說法。我唔係學唯識的人，但關於業報作者同受報者非同一者呢個問題我認為唔需要用唯識作複雜回答，用早期佛教說法都講到。

佛教講無我，而一個生命的出現係由上一期生命的業相續而來，你可以想象有一支點著左的蠟燭(一期生命)，上面個火焰就係業，支蠟燭係熄之前將火傳去另一支蠟燭(另一期生命)，兩支蠟燭非同一，輪迴過程就係透過火種去點燃 (即透過業力相續)。去到呢到，你或者會問，this is not fair，點解第二支蠟燭要carry上一支的業？ 無錯，上一支所承載的業的好/唔好你都要食，因為生命係如此因緣和合的情況下產生，但亦因為係條件和合而來，所以上世/下世兩者唔係identical，而且業亦唔係只睇上一世，火焰係經歷n咁多世傳遞而來的。如果回到佛教無我的立場，世間上根本無｢不變的靈魂｣(回到奥義書蟲的比喻)，只係有因緣和合而生的「短暫假我」係呢個輪迴過程不斷地作業同受業，如是產生不同的苦。用一個｢勝義｣的立場去睇件事，就係無(靈魂意義下的)作者，亦無(靈魂意義下的)受者，只有苦和苦果。

上面的情況會引起有一個pesudo 道德問題，就是有人會唔fucking care業報，因為既然知道無我，咁做壞事都唔會報落｢自己｣到，自然會順個人慾望而做壞事啦。呢個情況我認為係無視佛教實際教導先會出現o既，因為了解到無我，學習視人如己，試想象一下，消除左自我中心的人會唔會唔care 道德生活。

最後，早期佛教無特別drill on 輪迴的發生過程，反而多用來引發出家人的解脱心同慈心，例如阿含經入面有一段淚經，形容因不斷輪迴經歷苦所落下的眼淚比大海為多：

「眾生無始生死以來，長夜輪轉，不知苦之本際。」
佛告諸比丘：「於意云何？恒河流水……乃至四大海，其水為多？為汝等長夜輪轉生死，流淚為多？」
諸比丘白佛：「如我解世尊所說義，我等長夜輪轉生死，流淚甚多，過於恆水及四大海。」
佛告比丘：「善哉！善哉！汝等長夜輪轉生死，流淚甚多，非彼恆水及四大海，所以者何？汝等長夜喪失父、母、兄、弟、姊、妹、宗親、知識；喪失錢財，為之流淚，甚多無量…

三世因果

呢位巴打同我了解既一樣
除了一點："了解無我、視人如己、Care道德生活"

客觀而言，佛家在實踐中，並無多少「善行」
例如佛教不論南北傳，都無類似耶教建設醫院、教授世俗知識學校的傳統
(現代佛教辦學，明顯係見耶教辦學、有樣學樣，而且整體而言，
辦得不好)

眾多僧人依賴信徒供養
明顯地，他們不便明言，打工耕田，有阻精進

此在教理其實是一種僧徒對俗人的剝削。你要修行，便利用了俗人
而俗人向僧眾報施，嚴格而言唔會對自身有任何好處
(例如不會因為布施多而覺悟)

呢位師兄解釋得好

以我理解 慾望係”因”嘅源頭，慾望會產生正果或惡果；行正道加上因緣成熟就產生正果，反之 就係惡果

不過有樣嘢好少人提，exp：因為肚餓而食飯 或 因為食飯而肚餓. 我意思係邊樣係因 邊樣係果根本冇人知

比較好嘅例子就係西遊記2結尾嗰段：孫悟空畀菩提老祖轉世踩幾腳都唔還手，從此了咗因果.
套用番師兄所講嘅消滅慾望先可以離苦，孫悟空距離成佛前進咗一步啦

有樣嘢，叫共業，例如打風地震死好多人，係共業前個人業力好微弱

身外情首詞填得好靚