1. 冬至飯餸菜問題
本身今次飯局嘅定價係單人$68，而一圍(10人)嘅定價就係$650。當時佢哋提供嘅餐單就係咁樣：
可以見到餐牌中出現嘅十個餸菜係包括燒味拼盤、薑蔥龍蝦同貴妃雞等，而最令人注目嘅就係粟米斑塊呢個餸。究竟收呢個價錢食呢啲餸會唔會略嫌定價太高？
然後喺網上睇到當晚參加者po上網嘅相，大家可以約略知道一個餸大概係咩份量：
其實由相中都睇到一個餸嘅份量係唔太可能滿足到10個人嘅食量啦。唔知個團體係搞活動之前有冇真係去過酒樓度了解過份量先至舉辦活動？而當晚有去嘅人亦有反映係食唔飽嘅：
2. 帳目問題
之前提及過一圍枱係$650，根據佢哋自己post上網嘅片段知道，嗰晚係一共係有24台。由此可計當晚至少嘅門票收入係至少$650×24 = $15600。根據佢哋事後嘅感謝信，有78%係用嚟支付酒樓嘅成本，咁即係講緊$15,600×0.78=$12168係俾咗酒樓。
但由另一截圖見到，有人聲稱酒樓係收取每台$630連税連小費再包任飲。即係每台成本係$630x24=$15120。再用返佢聲稱嘅78%酒樓成本計，即係佢總收入係至少$19384。咁究竟邊個數先係啱呢？
另外，跟據其他人喺同一酒樓嘅quotation，每枱為$488另加13%税，即係$551一枱。咁究竟一台係$550定係$630，爭成$100枱喎
3. 組織定位
當晚冬至飯佢哋亦有幸邀請到香港商會嘅會長出席，會長之前亦有出席佢哋舉辦嘅香港人市集。咁究竟呢個香港人組織嘅定位係一個商業機構定係純粹一個幫助香港人嘅互助組織呢？
順帶一題，阿會長同商會主席都應該唔係第一次見面
