《誤判》集中討論區

https://youtu.be/YUmDTFJxVK0?si=ILB_hnZQINTXOY7f
依家睇番 得個咁細既盾就擋哂咁多子彈
真係屈

第一身個到CG黎嘅

第一場戲，丹爺單手開F16 真係笑死

一拳打停部地鐵，仲可以成排櫈扯出黎

我以為睇咗美國隊長

咪駁故啦

啱啱睇完，麻麻地

好hard sell, 係咁謹守崗位

啱啱睇完覺得好好睇喎
連登仔最鍾意為反而反
見到甄子丹就憎

不過呢套戲根本係現代版法律版葉問5
又係好似打泰臣咁打大佬
跟住贏撚咗臨尾就講一番偉倫

葉問2打完龍捲風就話功夫冇分貴賤
葉問3就話詠春冇分正宗唔正宗
葉問4就話種族無分貴賤

睇戲係有洗白DOJ 架啦，唔係跟本連拍都唔知有無得拍當武打片咪算

條making of 真係好睇過套戲

我直頭覺得呢套係2024最好睇

幾好睇
開頭以為個final boss 光頭佬係以前係tvb 專做反派既演員黎,剃哂頭,帶超紋哂身唔知邊個

想問Locker 最尾判27年無得減？

見到captain tong盤cool魔就想笑

好睇，起碼我身邊幾個都覺得好睇，係誇張架啦，唔誇張唔洗入戲院睇戲啦，係得連登咁多「大師上身」大路戲就係垃圾

無睇果班友計哂政見咁, 依家香港個撕裂根本容不下理性討論空間

明明唔會有人覺得真實律政師會因為睇套戲而洗白, 係佢地自己頂唔順

打戲好睇，但係劇情個邊一套落現今狀況真係忍唔住會笑

好正喎，法律咁多繁文縟節，都係拳頭實際

導火綫爽到，幾乎一d多餘野都冇(古范條感情線多左)，葉導講呢套野就好似一開始放隻癲狗一直跑一直跑, 原來一套片爽到極致係咁正

地鐵嗰幕勁撚正

我理想中嘅警察同律政司何妨唔係咁樣

只可惜現實同拍戲，兩者距離有點太遠

我反對

張智霖人設有啲怪
佢做壞人但又唔係好壞
對馬仔坐監好似有同情

話唔出貨
最後比班大佬嚇到出貨
但影到佢偷笑 好似一切都係佢預計之中
最後又出返貨 又無事

之後急轉直下
個細死
之後全程捱打比人擺上枱
人設又唔聰明 又唔係真係壞 又無反cup 過
仲有條女 影佢輸股票好嬲豬 同套野有咩關係

好撚怪個角色

睇完既感想：
一見到甄子丹就知有打架，呢套係葉問版既律師，好多老戲骨，一出場已經估到佢哋個角色唔洗特別用劇情去塑造人物性格，套戲可以唔洗用腦入場睇既戲，多打鬥，商業片嚟講幾好睇，見有啲父母帶小學生啲仔女入場睇

甄子丹有幕打架個航拍幾正，呢幕真係要讚下個拍攝手法，處理得幾好，個打鬥畫面唔會只係第一身嗰種單調拍攝，有鳥瞰式既第三者視覺，個鏡頭拎得幾好，有啲驚喜

想知道DOJ班律師返工個office場景，係咪某幢舊式大廈既樓梯口揾位搭出嚟

有一幕講吳鎮宇上門揾甄子丹都幾唔合邏輯，嗰日甄請假無返工，working day日頭吳鎮宇都要返工，上到甄屋企之後打架再和解達成共識企響甄嗰邊，揾甄呢幕響劇情上帶動真係有啲牽強

吳鎮宇上庭鳩up拖延時間嗰幕幾好笑，如果佢講多少少對白會再好笑啲，好少見吳鎮宇咁正經

地鐵打架嗰幕係高潮，幾誇張，但中間反敗為勝係個大隻佬甩咗隻鞋踩玻璃碎片，變咗個反派下盤有弱點嚟打低佢，轉折位有點奇怪

之前睇咗破地獄同焚城，今次睇誤判又見返許冠文，朱栢康，鄭則士，許同朱明顯響破地獄多啲機會發揮，鄭則士今次戲份都多，佢幾好戲

劉江真係好戲，老戲骨

估唔到呂良偉扮反派會用壓低把聲，類似喉嚨出唔到聲啲假聲去演，呢樣有啲surprise，整體又無違和感，反而有佢出場就會好留心聽佢講咩

開頭蔡思貝上庭嗰幕個化妝唔得太厚粉，蔡思貝響電影入面好似靚過佢tbb拍劇個樣

陳欣妍幾靚女