[魔鬼交易]「中國的中共」還是「中共的中國」？中共點樣通過貿易交流進行統戰滲透？世界各國應該點樣計算同中國往來交易成本？

上一個 POST https://lih.kg/3829278 ，我地針對英國首相施紀賢既對中立場，用歷史既角度討論中國點解係一個無信用唔可靠既合作夥伴。而最近八炯大爆中國統戰內幕，就令好多人驚覺中國統戰策略既無孔不入同可怕，點樣將平價旅遊加上 Youtube 既演算法就可以實施統戰、中共點樣將一切可以用既資源空間都武器化滲透統戰敵人、而中共又點樣響敵國部署「假反共」甚至係「假台獨」既中共代理人等等。呢一方面，英國又爆出幾單中國滲透英國皇室既醜聞：

Telegraph： ‘Chinese spy’ helped broker Gordonstoun’s expansion in China with Prince Andrew’s aid
https://www.telegraph.co.uk/news/2024/12/16/chinese-spy-gordonstouns-expansion-china-prince-andrew/

上述好多新聞都睇到中共既滲透幾可怕，但筆者認為中共統戰策略有幾個問題核心論述尚未清晰，造成左討論上既困難，就係 (1) 大家接觸既係中共定係中國？ (2) 點解中共需要向外進行統戰工作？ (3) 點解中共長期可以用低價既資源作統戰？ (4) 世界各地中共既代理人係點樣逐步慢慢形成？ 最後係會用上述既內容解答一個重要既問題：世界各國同組織又點樣計算同中共往來同交易既成本，與及最大化自身國家利益既中國政策應該係點？

內容比較長，附上 TOC：
1. 「中國的中共」還是「中共的中國」？
2. 點解中共對內對外都有嚴重惡意？
3. 點解中共長期可以用低價既資源作統戰？
4. 中共點樣奪取資源生存、滲透、狀大？
5. 點解中國響中共統治下無法形成民主過渡？
6. 世界中共既代理人係點樣逐步形成？
7. 中共「超限戰」戰略下既真實國防開支
8. 點樣計算同中共往來同交易既成本？
9. 最大化自身國家利益既中國政策應該係點？

*由於中共統戰係一個極度龐大而且接近無盡既課題，到中共滅亡都唔可能講得晒，呢個 POST 只係集中「冰山一角」討論「經濟依賴」同「以戰養戰」兩點。

Telegraph：Chinese spy allegations involving Prince Andrew are ‘tip of iceberg’, warn senior MPs https://www.telegraph.co.uk/news/2024/12/16/chinese-spy-allegations-anonymity-house-of-commons/

--

1. 「中國的中共」還是「中共的中國」？

首先要討論一切既問題之前，我地要討論中共同中國既關系，因為如果我地無辦法睇通中共既體制，我地就容易走入中共既論述陷阱 https://lih.kg/3648894 ，從而無法擺脫中共既控制。而筆者認為重要既一點係到底我地日常接觸、來往同交易既中國係「中國」定還是係「中共既中國」呢？過往我地討論中共、中國，由於一黨專政又實施黨國融合既體制，我地都好難將中共、中國兩者切割。當我地理解左中共同中國既關系，先能夠進一步現解佢對內對外都有侵略性既邏輯。


傳統中共黨政系統黨政為一體 (上圖紅為黨、黑為政) (見另一 POST：https://lih.kg/3651023 )

而一般西方領導人討論中國問題，都會小心翼翼咁強調佢地接觸緊既係中國十四億人口帶黎既經濟機遇，強調佢地接觸既係「中國既企業、公民同公民組織」，而對「中國既中共」則持否定既態度。部份人認為當中國經濟走向繁榮 https://lih.kg/2624127 ，國家就會逐步走向民主 https://lih.kg/2462511 ，係佢地眼中既兩國交流係對等既，該合作時合作，該競爭時競爭，亦即如此：


係呢個前題下，西方民主國家就能夠容許民間同企業響進行合作同交流，賺取利潤。而現任英國首相施紀賢就將呢種做法視為「務實」。

但對中國稍有認知，中共係一個響中國以上超然獨立擁有 9000 萬黨員既政治實體，只係響統治中國既過程入面實施黨政軍民不分既體制，由此至終黨都係凌駕響國家之上，而一切既國家資源都由國家所操控。任何重要決策都最終會經過黨既決定，國家機構只係執行黨意志既工具。「黨領導一切」唔止係口號，而係一套嚴謹同具體既制度安排：


圖中既 2 就表達中共係一個比中國更大既政治實體
SOURCE：https://merics.org/en/report/party-leads-everything

響經濟領域，中共通過大量機制牢牢控制著經濟命脈。國有企業一定會設立黨組織，重大決策需要黨委會同意；而民營企業亦一定會被要求設立黨支部，接受黨指導；又例如金融投資都由黨直接控制，買、賣、資本比例、流動都係中共既政策工具；而土地、天然甚至人力資源、成本、價錢都完全由黨控制既政府壟斷同操控。實際上中共係全方位咁控制左經濟，確保黨對社會資源既絕對支配權。

而響社會層面，由基層到各類社會組織，甚至反對派都被納入黨既控制體系 https://lih.kg/3652448 。街道社區設立黨組織，學校、醫院公共機構都由黨組織領導，社會團體、新聞機構亦必須接受黨領導，宗教團體被要求「中國化」接受黨管理、人民出入國家甚至只係單純城市之間既穿梭，黨亦會進行無時無刻既監察，甚至管控人民自由流動。黨控制既網絡無處不在，任何有異於黨意志外既社會力量甚至言論都難以生存同發展。

當我地理解左中共同中國之間既關系，我地就可以畫出另一張圖：



雖然西方國家強調佢地只係接觸「中國」否定「中國既中共」，但實際上當我地接觸中國同佢進行交流同貿易活動，其實根本就無辦法完全擺脫對口單位受中共控制既問題，因為中共本身就完全掌握同直接控制住「中共既中國」一切既資源，包括左土地、企業、動物、學生、人力甚至係藥物等等資源。當他國同「中國」進行交流或者經濟接觸，中共既「工具理性」就會將佢轉化成佢「可以使用既資源」，一方面利用呢種交流同經濟活動去狀大自己，另一方面利用雙方既依賴關系「武器化」成為控制敵國既工具 https://lih.kg/3829278 。

--

3. 點解中共長期可以長期輸出低價資源作統戰？

中共能夠長期低價輸出資源進行統戰，關鍵在於其特殊既政治經濟體制。通過黨政不分、黨企不分、黨社不分既制度設計，中共將中國一切人力、物力、財力資源都牢牢掌握響黨手上。呢種「以國養黨」既結構令中共可以任意調配同剝削國家資源，將統戰成本轉嫁比國家同人民承擔。無論係工人既勞動力、農民既土地、企業既利潤，定係人民既稅收，都可以被中共以極低甚至零成本既方式調配，去達到黨既目的。當中共用這種方式削弱他國既時候，佢真正成本其實係十四億中國人民既血汗：


例如西方企業可以響中國生產上，獲取廉價勞動力優勢，呢個依賴關系就會變成中共既「資源」進一步影響他國

例如中國內部強制勞動系統，由新疆「再教育營」到監獄勞工，再到農民工「黑工廠」、城鄉戶籍制度，形成左一套系統性剝削既人力資源。另外大量既隱性剝削，例如違反勞動法既「996」、「007」工作制度，規避社會保障支出等等。環境成本轉嫁，通過高碳排放生產模式、將他國企業污染治理成本外部化等等等，就可以維持低成本生產優勢。再者對生產規格操縱，包括偷工減料、虛假認證同規避安全標準、數字奴工系統，利用平台經濟、演算法監控剝削中國當地既工廠同工人。多重剝削既體系唔單止維持左極低既生產成本，亦令中共得以低價控制全球供應鏈，製造經濟依賴關係，從而實現佢既統戰目標。

RFA：英國超市“意大利蕃茄醬”或涉新疆強迫勞動
https://www.rfa.org/mandarin/shehui/shaoshuminzu/2024/12/04/britain-parliament-debates-xinjiang-forced-labor-issue/

RFA：中國海洋濫用行為專題 |中國強迫勞動玷污全球海鮮供應 (四)
https://www.rfa.org/mandarin/ytbdzhuantixilie/haiyang/hy-10122023114814.html

RFA：新疆「血色」太陽能設備入英國 海外維吾爾人聯署聲援
https://www.rfa.org/cantonese/news/uk-solar-09072023123628.html

又例如稀土供應其實全世界都有，但由於開採環境成本極高，一般國家好少會容許大幅開採。而中共為左壟斷稀土既全球供應，不惜犧牲環境同人民既健康。響內蒙古、江西等地以漠視環境保護同工人安全進行粗放式開採。大量有毒化學物被直接排放到土壤同地下水，導致當地出現大量既癌症村。但中共亦事實利用呢種無底線不計代價既開採方式，成功壟斷左全球稀土供應。它將這種壟斷優勢武器化，透過控制稀土出口來箝制他國高科技產業發展。這再次印證左中共如何將國家資源代價轉嫁給人民，以達到控制他國既目的。

DW：盲目開采稀土的代價
https://p.dw.com/p/Q2By

另外十四億人口既市場規模亦係中共最大既統戰武器。中共過去幾十年經常以市場准入作為籌碼，要求外國企業同中共組成合夥企業，迫使佢地交出核心技術同敏感數據。對於唔聽話既國家同企業，中共就利用「貿易制裁」，令企業成本大幅增加或者利潤大幅減少進行懲罰。只要透過操控採購訂單，中共就可以影響外國政商既決策。正因中共響整個全球供應鏈入面建立控制權，製造左多國對中國經濟依賴關係。呢種依賴令他國響面對中共既政治要求既時候，就往往無力反抗，只能被迫就範。

SBS：中國將經貿問題政治化，迫使聯邦政府榦涉地方協議
https://www.sbs.com.au/language/chinese/zh-hant/podcast-episode/viewpoint-china-politicizes-economic-and-trade-issues/in6z4ktxq

CNA：核處理水排海影響 日本對中國食品出口額暴跌
https://www.cna.com.tw/news/aopl/202309210107.aspx

CNA：中國宣布25日起停止台灣34項農產品免關稅
https://www.cna.com.tw/news/acn/202409180386.aspx

又例如中共深知教育領域既重要性，透過操控留學生數目進行統戰。由於每年數以十萬計既中國留學生為外國大學帶黎可觀既學費收入，就令好多大學同院校對中國市場形成財務依賴。中共通過使領館嚴密控制各地華人學生會，監控同打壓持不同政見既師生。同時以取消學歷認證、簽證為要脅，迫使學生配合統戰工作。利用留學生填補科研職位，藉機獲取技術情報。呢種多管齊下既手法，令海外高等教育機構同各國政府響學術自由同經濟利益之間左右為難。而中共就可以利用長時間滲透收買 / 接管英國學術體系同論述平台，壓制學術機構既言論自由令中國既負面形像不能出門既同時，響當地逐步建立一套中共控制既論述將政治與及文化影響力投射到當地。

RFA：英新政府剎停大學言論自由法案 據報因大學憂開罪「獨裁政體」
https://www.rfa.org/cantonese/news/uk-university-free-speech-academic-freedom-china-investment-08272024150653.html

Secrets & Power: China in the UK | Dispatches | Channel 4 Documentaries
https://youtu.be/X45MYatjWMY?t=1453
START FROM 24:13

中共既「工具理性」將各種關系轉化成佢「可以使用既資源」唔單止上述講左既幾個小節討論既範疇，而係大量唔同既領域既工具同事物都會響中共統戰系統「工具理性」既概念下「被武器化」，成為佢強化自身，達到目的既工具，當我地理解上述各項，就可以將整個關系進一步得出中共係點樣影響他國：

--

4. 中共點樣奪取資源生存、滲透、狀大？

實際上中共深諳「以戰養戰」之道，善於利用他國資源黎擴大自身影響力。佢可以運用他國自由市場機制，通過低價傾銷獲取市場份額，再利用市場優勢要挾他國企業合作、交出技術。利用獲取既政商關係網絡，透過利益輸送籠絡當地政商界人士，令佢地成為中共代理人。呢種滲透手段起初會動用本國既力量獲得入場卷，但只要得到經濟聯結，就會利用他國既資源黎服務中共既統戰目標：



中共既統戰系統獲取初步突破後，會迅速將成果轉化為進一步擴張既資源。例如響掌握權力後，會利用權力獲取同吸引更多既機構合作同投資，同時會要求合作機構接受更多中方人員進駐。又例如取得市場優勢之後，會利用經濟槓桿脅迫當地政府同企業配合中共政策。中共還利用已建立左關係網絡，強迫已被收編既代理人發展下線，形成金字塔式既統戰網絡。更重要既係，中共會將一個領域獲得既勝利果實，轉化為進攻其他領域既資源。呢種「以戰養戰」既策略，就令中共既統戰工作能夠不斷擴大，而成本則主要由被統戰對象承擔：



例如以 Youtube 為例，中共了解同研究 Google 演算法，通過廣告同流量影響平台演算法：首先中共通過控制既企業投放大量廣告，並為親中內容提供流量。響 Google 演算法下就會為親中內容創作者提供收入來源 (呢筆收入其實包括來自非中國企業既其它客戶既錢，實際上係唔公平)。當呢班創作者獲得收入後，會製作更多符合中共立場既內容。呢種循環不斷擴大，就最終響 Youtube 甚至網絡上形成一個自我運作既統戰生態系統：


SOURCE：https://www.threads.net/@satfa2016/post/DDRhk1GTrnP

而當不利於中共既內容出現時，中共控制既廣告客戶就會以投訴、撤廣告黎施壓，迫使平台演算法自我審查，創作者失去收入既同時，內容無法傳播，增加反對聲音既成本，令不利於中共既內容無法曝光及被邊緣化：

RFA：YouTube黃標風暴：「高層的壓力」疑跟WHO有關
https://www.rfa.org/cantonese/news/htm/hk-yellow-03052020081125.html

RFA：YouTube以“黃標”禁談武漢肺炎 被批評打壓言論自由
https://www.rfa.org/mandarin/yataibaodao/huanjing/al-03052020080233.html

而相同手法響學術領域都有類似既做法，中共通過留學生響海外學術機構建立左類似既循環。大量留學生為國外大學帶來可觀收入，令院校對中國市場形成依賴。中共再利用這種依賴關係，通過使領館、僑生組織、學生向學校施壓，要求審查「不利於中共既內容」既課程內容或者研究方向。當學者發表「不當」言論時，中共就利用投訴機制和輿論攻擊，迫使學校噤聲。這種方式不斷循環，最終達到控制學術自由甚至反過黎控制國家政策既目的：

VOA：中國政府以金錢滲透美學術界 美專家建議高校加強監管
https://www.voacantonese.com/a/how-to-reduce-ccp-influence-on-us-universities-20201216/5701530.html

RFA：英新政府剎停大學言論自由法案 據報因大學憂開罪「獨裁政體」
https://www.rfa.org/cantonese/news/uk-university-free-speech-academic-freedom-china-investment-08272024150653.html

而關鍵在於，中共善於利用目標方既資源同制度漏洞，製造「以戰養戰」既效果。中共善於利用他國既言論自由環境，以「學術交流」「貿易往來」「文化傳播」為名設立各種各樣既機構，響唔同領域進行統戰活動。再利用他國自由開放既體系，透過各種利益依賴關系獲取空間、資訊同權力，再利用成果吸引更多合作同資金、最終達至控制當地輿情既目的。

多管齊下下，中共能夠用極小既資源投入，獲得最大既統戰效果。令中國既負面形像不能出門既同時，響當地逐步建立一套中共控制既論述將政治與及文化影響力投射到當地，最終成為有利中共既政治生態：

香港 YOUTUBER JERSON： https://youtu.be/jqwfpaXWYSs
SOURCE：https://www.threads.net/@fkuass_duanmugon/post/DDljHUNxyDR

5. 點解中國響中共統治下無法形成民主過渡？

正因為中國處於受中共完全管控既體制，中共響中國建立左一個全方位既極權統治體系，呢個體系通過政治壟斷、經濟依附同意識形態控制多重手段直接將一切有生力量原子化，阻止左任何可能發生既民主化既進程。而中共又深明以戰養戰既重要性，對外貿易同投資並無將資源帶到民間，而係沿著呢條資金鍊進一步增強佢對民間統戰同大內宣工作，壓制同壓逼民間力量既發展。因此當中共愈有錢，響中國實現過去蘇聯解體與及東歐劇變既內部轉型，就變得更加困難。

因為最簡單響政治領域，中共唔容許建立任何形式既反對黨，異見人士持續被打壓，選舉制度嚴格被控制，真相同話語權都被中共既體制壟斷。呢種壟斷令體制內既改革唔可能實現，而體制外既反對力量亦因為被邊緣化，難以形成氣候。而係意識形態上，中共通過壟斷教育系統、控制媒體輿論、限制信息流通、打壓自由思想等手段建立「信息繭房」，一個資訊唔流通、封閉既意識形態空間，再利用考試、微訊、微博、抖音直通每個人既雙眼控制每個人既口同手。響呢個空間入面，有乜野訊息可以接收，又有乜野可以討論，有乜野可以寫有乜野可以講、唔應該講，都受到操控，獨立思考同批判精神就難以生存，民主意識同公民觀念亦好難培養同發展。


例如上圖既勞工保障，根本響中共底下就唔會有效，因為中共係簡單連第 1 點都做唔到、之後 2、5、6 因為政治打壓亦唔可能做到，而都係 3、4、7、8 都因為佢係全部響中共既垂直結構下，只會出現敷衍、交代同做假而無法有效運用，外界亦只能服從造假既資訊，無從改變。

SOURCE：https://humantraffickingsearch.org/resource/exploring-a-new-model-for-tackling-labor-abuse-in-supply-chains/

最後係經濟層面上，中共建立左龐大既利益分配網絡，社會唔同階層唔同領域都依賴呢個垂直既體制。呢個體系維繫住整個統治聯盟既同時，對任何試圖獨立於體制之外既力量或者對政權不滿既反對聲音進行經濟打擊。呢種經濟依賴令社會各階層響既得利益面前，為左維持現狀或者生存，只能放棄推動改革既工作或者收回反對既立場。而呢種經濟依賴關系唔單止應用於本國，更加應用響敵國上，將經濟依賴關系上既組織化為己用，參與整個「奪取、滲透、狀大」既過程：

6. 世界中共既代理人係點樣逐步形成？

中共響世界各地培養同收編代理人既過程,係一個循序漸進、步步為營既滲透工作。佢首先會透過經濟利益建立依賴關係,例如向目標對象提供優惠既市場准入、投資機會或者低價資源。當目標對象逐漸對中國市場形成依賴之後,中共就會開始利用呢種依賴關係施加影響力,要求對方配合中共政策立場、限制同反對勢力接觸,甚至要求審查不利於中共既言論。



隨住依賴關係日漸加深,中共就會進一步深化控制,包括安插親中人士進入唔同階層甚至係管理層、建立情報同監控網絡,甚至要求更多既政治表態。呢個過程入面,中共善於利用目標方既制度漏洞同弱點,將經濟利益轉化為政治影響力。例如利用目標方對中國市場既依賴,要求配合中共既統戰工作;又例如利用目標方既言論自由環境,建立各種統戰機構。



呢種統戰可以係投資「教育機構」既中間人：

Telegraph： How Chinese ‘spy’ weaved web of influence through the British establishment
https://www.telegraph.co.uk/news/2024/12/16/chinese-spy-yang-tengbo-weaved-web-influence-britain//

而中共「一切武器化」下，一個「翻譯員」都可以成為中共既代理人：

Telegraph：Foreign Office interpreter accused of running Chinese propaganda website in Britain
https://www.telegraph.co.uk/politics/2024/12/14/foreign-office-interpreter-chinese-propaganda-website/

最關鍵既係,一旦中共既代理人網絡形成之後,佢就會響當地社會形成一個自我運作既統戰系統。呢個系統會主動配合中共政策,同時幫助發展更多下線代理人,打壓反對聲音,影響當地政策。透過呢種方式,中共就可以用極少既資源投入,響海外建立起龐大既影響力網絡。

如水：海外統戰網絡如何成為中共跨境鎮壓利器？
https://flowhongkong.net/flow1302/

7. 中共「超限戰」戰略下既真實國防開支

要計算中共既真實軍費支出,我地唔可以單純睇官方公布既數字。因為響「超限戰」既戰略指導之下,中共將大量軍事相關支出巧妙咁隱藏響其他預算項目入面。例如響科研開支方面,中共透過「軍民融合」既政策,將大量軍事研發支出歸類為民用科研。呢D包括左軍民兩用技術研發、國防工業現代化、太空計劃同網絡安全等領域既投入。

VOA：中共軍事預算黑洞巨大
https://www.voacantonese.com/a/military-civilian-integration-is-a-big-black-hole-in-the-ccps-military-budget-20240208/7482184.html

根據中國財政部2023年《中央和地方預算草案報告》， 中國編列年度國防支出為15537萬億元人民幣（相當於2240億美元），跟前一年相比，增幅為7.2%，但外界認為普遍低於實際數字。美國阿拉斯加州共和黨參議員丹·沙利文（Dan Sullivan）去年曾在參院透露，美國情報單位估計中國國防預算約為7000億美元。歐洲智庫估計，中國實際國防支出至少比官方預算高出30%至40%。

另外響產業政策方面,中共通過稅收優惠、低息貸款、土地批租同各種補貼等方式支持軍工企業。仲有好多隱性軍費,包括武警部隊支出、民兵建設、戰略物資儲備同軍事基建等等。所以當我地要計算中共既真實軍費時,除左要計入官方公布既國防預算,仲要將呢D隱藏響其他項目既軍事相關支出都計算在內。

8. 點樣計算同中共往來同交易既成本？

要計算同中共往來同交易既成本，我地必須超越傳統既經濟核算方式。首先，我地要計算對本國控制權既損失。當一個國家同中共建立深度既經濟聯繫，實際上就等於將國家資源拱手相讓畀中共。中共會逐步獲取關鍵產業既控制權，包括能源、通訊同運輸等戰略產業都會慢慢落入中資手中。而更重要既係，國家既供應鏈話語權會被中共操控，重要原材料同零組件都會形成對中國既依賴。企業同個人既數據會被大規模收集同輸出到中國，令國家喪失數據主權。核心技術會被強制轉讓，創新能力會受制於中共，市場准入權會被中共操控，淪為政治籌碼。

其次，我地要考慮中共點樣運用呢筆交易所得既資金。中共將貿易盈餘轉化成佢對內鎮壓同對外擴張既資源，用於建立同強化「邪惡軸心」聯盟。佢會將大量資金投入軍事現代化，包括採購俄羅斯先進武器裝備，同時協助俄羅斯規避西方制裁。又會將資金投放到伊朗，支持伊朗發展核計劃同導彈技術。中共同伊朗簽訂既長期戰略協議，承諾投資4,000億美元，就係用黎換取伊朗石油供應同戰略支持。另外中共仲將部分利潤輸送畀朝鮮，協助佢規避聯合國制裁。呢啲資金令朝鮮可以繼續發展核武同導彈，威脅東亞安全。


SOURCE：https://www.aei.org/research-products/one-pager/coalition-against-democracy/

最後，我地經常討論同中國交易會影響本國既價值 「value」，但價值呢樣野好虛無，每個人都有自己既標準好難被量化，例如好似現任英國首相施紀賢，一副 2000 鎊既眼鏡就可以收買到；面對大批農民上街、300 萬人反對都只係講句 that is not how our system works；到有事就乜都瀨係 previous government 錯，接觸中國果陣就錯在 previous government 唔做，到出賣國家送 Chagos Island 出去果陣又話係 previous government 傾左 9 成黎唔會收返，根本雙重標準。結果每次討論同中國交往既成本，就好容易被佢用「pragmatic」一個字帶過。

Starmer aims to build ‘pragmatic and serious relationship’ in meeting with Xi
https://www.theguardian.com/politics/2024/nov/17/starmer-aims-to-build-pragmatic-and-serious-relationship-in-meeting-with-xi-at-g20

實際上如果我地「pragmatic」到底，其實可以將呢啲成本同交易量化，計算呢D交易同貿易協議點樣增加中國、邪惡軸心既力量同時弱化我方與及我地對本國既控制，而又點解同中國脫釣先係真正強化返我地本土既產業。雖然呢樣野好難精確計算，但我地可以參考「碳成本」或者「末日鐘」既做法，去計算同量化貿易達黎既「後果」引申出既「潛在成本」https://lih.kg/3832172 ，例如計算產業轉移既成本去對比脫鈞帶黎既機遇，或者統計因為依賴中國市場而被脅迫失去既控制權、分析中共運用經濟利益進行統戰既投入，理解佢長期同背後既沉在威脅。

只有透過呢種全方位既成本核算，先可以真正了解同中共往來既代價：

Benedict Rogers：Britain will pay a terrible price for its blind spot over China
https://www.telegraph.co.uk/news/2024/12/16/britain-will-pay-the-price-for-its-blind-spot-over-china/

9. 最大化自身國家利益既中國政策應該係點？

中共「工具理性」思維會將一切關係、資源同活動都純粹視為實現目標既工具，完全拋開道德價值同互信基礎。響這種思維模式下，經濟合作就會被轉化為製造依賴既手段，文化交流就會成為滲透控制既工具，教育合作淪為竊取技術既管道。中共會將所有關係武器化既做法，令中共能夠用最小既投入獲得最大既統戰效果，並形成自我擴張既統戰網絡。理解「工具理性」思維，了解分清「中國」同「中共既中國」，對於制定有效應對策略至關重要。

過去十年，台灣同韓國面對中國採取左唔同既策略，帶來截然不同既結果。韓國喺2015年同中國簽訂自由貿易協定，深化對中國市場既依賴。結果喺韓國技術被強制轉讓，又遭到中國嚴重既經濟報復同滲透，反過黎既係韓國產業、學術機構被中國邊緣化同控制，令韓國經濟同自由受到打擊。韓國經濟成長放緩，2023年人均GDP已經連續好多年停留響33,000美元上下。相反，台灣喺2016年後採取「新南向政策」，積極減少對中國既依賴。台灣專注發展半導體等高科技產業，加強同美日等民主國家既合作。結果台灣經濟表現良好，進入長期繁榮，2023年人均GDP大增到35,500美元。

CNA：2022年台灣人均GDP超越南韓 達3萬2811美元
https://www.cna.com.tw/news/afe/202304280170.aspx

無獨有偶既係，彭定康最近既一個訪問，佢響 How to negotiate with China 中就提到 "if you look at the figures for example while I was being called a sinner condemned for a thousand Generations (千古罪人), the export figures from the UK to China while I was governor they went up steadily and by the end we were the best ratio of exports to GDP in the G7"

This Is How To Deal With China: The China Expert (Chris Patten)
https://youtu.be/2fbRoJjomFg

其實要最大化自身國家利益，唔係不計成本地跪地奶中共鞋底，而係要企硬同佢保持距離，因為咁佢就要永遠停留係收買既最初階段，不斷削弱同剝削自己去同你建立依賴關系，pragmatic 黎睇台灣同彭定康既做法先係真正最大化自身國家利益。而今日工黨響英國大爆皇室中國間諜醜聞後，仍然堅持己見推進「中國友好」既政策 https://lih.kg/3804532 ，根本同我地所知既常識互相違背：

Starmer defends seeking closer relations with China amid ‘spy’ row
https://www.telegraph.co.uk/politics/2024/12/16/starmer-defends-friendliness-with-china-amid-spy-scandal/

請問成個國家今日賣一忽，聽日賣一忽，過多十年八載仲有幾多野可以賣？將自己國家既控制權逐步拱手相讓，令佢地陷入中共控制既垂直結構入面，又係咪合理既做法？再者建立通道令中共可以從中取利，逐步令邪惡軸心坐大既同時，弱化自身反向威脅自己，又係唔係合理既策略呢？英國工黨政府今日既做法係咪真係「pragmatic」或者係咪「reasonable」，我相信各位都心中有數。

英國間諜事件報道 https://youtu.be/MPXNljjct94

呢點就係點解習總死要國進民退，死都唔肯將購買力注入底層去增加收入既致命原因。

呢個Post 唔見好多User

支共喺香港一早就做緊

棱角：【重光團隊】冰封三尺，非一日之寒——評工黨「突然親華」、對家滲透英國政界工作
https://points-media.com/%E6%94%BF%E6%B2%BB/%E3%80%90%E9%87%8D%E5%85%89%E5%9C%98%E9%9A%8A%E3%80%91%E5%86%B0%E5%B0%81%E4%B8%89%E5%B0%BA%EF%BC%8C%E9%9D%9E%E4%B8%80%E6%97%A5%E4%B9%8B%E5%AF%92-%E8%A9%95%E5%B7%A5%E9%BB%A8%E3%80%8C/

RFA：魯比奧：中國是最強大而危險對手　二戰後的秩序已過時
https://www.rfa.org/cantonese/news/united-states-marco-rubio-secretary-of-state-donald-trump-01152025063122.html

RFA：中國漁船涉違禁僱北韓船員　強逼勞動長達10年未曾上岸
https://www.rfa.org/cantonese/world/2025/02/25/north-korea-crew-china-fishing-boat/

Telegraph: North Koreans forced to work on Chinese ships ‘without touching land for 10 years’
https://www.telegraph.co.uk/world-news/2025/02/24/north-koreans-workin-on-chinese-ships/

https://youtu.be/2zs_JWawA3I

For record