基督教連登堂2024年12月15日至12月21日主週崇拜：「因為希律想要殺你」

†

歡迎各位巴打、絲打，黎到今個星期既崇拜！

基督教連登堂2024年12月15日至12月21日主週崇拜
經文：路加福音13:31-35
講題：「因為希律想要殺你」
同工：Yellow, Laila

好多謝@巴提議詳細講解 路加福音10:31-35。今日開始找數。


（一）祈禱

求你唔好將呢個罪歸比我地，坐係天上面既主！
惡人既手，你唔扶持，罪人既腳，你唔使佢地立定。
唯有喜愛你說話既人，你將屬天既產業賜比佢地。

我地係天上既父，我地黎到你既面前，歎息哀求。
為到地上既不公義，我地無說可說，只有求你憐憫。
為到我地對人造成既傷害，我地懊悔，求你垂憐。

當你既日子黎到，有邊個仲可以站得住腳？
係果日，山都要搖動，海都要填平，地上既人都要靜默。
求你唔好將罪歸比我地，係天上面寶座右邊既主！

你將你既豐盛比我地見到，又將你既教導好似雨咁澆灌全地。
求你顧念你既僕人，用你既忠誠之愛對待你既子民。
因為你係我地既神，係全地既王，直到永永遠遠，阿們！

奉父、子、聖靈既名，我地開始今個星期既崇拜。

（二）讀經

請起立聆聽神既話語。

路加福音13:22-35
//22 耶穌繼續前往耶路撒冷，經過各城各鄉，沿途教導人。
23 有一個人問他：“主啊，只有很少人得救嗎？”他對眾人說：
24 “你們要竭力進窄門！我告訴你們，將來有很多人想進去，卻不能。
25 等到家主起來關上門，你們才開始站在門外叩門說：‘主啊，給我們開門吧！’他就會回答：‘我不認識你們，不知道你們是從哪裡來的。’
26 那時，你們就要開始說：‘我們在你面前吃過喝過，你也在我們街上教導過。’
27 他要鄭重告訴你們：‘我不知道你們是從哪裡來的；你們這一切行不義的人，離開我去吧！’
28 當你們看見亞伯拉罕、以撒、雅各和眾先知都在神的王國裡，自己卻被扔到外面去的時候，你們將在那裡哀哭切齒。
29 將會有人從東與西、從北與南而來，在神的王國裡坐席。
30 要知道，有些在最後的將要在最前，在最前的將要在最後。”

31 就在這時，有幾個法利賽人來對耶穌說：“你離開這裡走吧！因為希律想要殺你。”
32 耶穌對他們說：“去告訴那狐狸：‘看！今天明天我繼續趕鬼醫病，第三天我的事就完成了。’
33 然而，今天明天後天，我必須前行，因為先知不可能命喪在耶路撒冷之外。
34 耶路撒冷啊，耶路撒冷！你殺害先知，又用石頭打死奉差遣到你那裡的人！我多少次想聚合你的兒女，好像母雞把小雞聚合到翅膀底下，可是你們不肯！
35 看！你們的家要被遺棄。我告訴你們，你們絕不會再見到我，直到你們說：‘奉主名而來的那一位配受稱頌！’”//

阿們。感謝主。
請坐。

（三）主禱文

馬太福音6:9-13
//9 所以你們要這樣禱告：‘我們在天上的父，願你的名被尊為聖，
10 願你的王國降臨，願你的旨意成就，在地上如同在天上。
11 我們需要的食物，求你今天賜給我們；
12 寬恕我們的虧欠，如同我們也寬恕了虧欠我們的人；
13 不要讓我們陷入試探，而要救我們脫離那惡者。〔因為王國、權能、榮耀，都屬於你，直到永遠！阿們。〕（並不見於最早期的抄本或古譯本）’//

試下做一個新既嘗試，用希伯來文唱主禱文，每次學一個字。



https://www.youtube.com/watch?v=9B1YbgxVYQ0

אבינו av-inu 我地既父
שבשמים she-ba-shamayim 就係喺個天既
יתקדש yit-qadesh 願...聖化自己
שמך shim-kha 你既名

תבוא ta-vo 願...黎

מלכותך malkhut-kha 你既王國

拆開有意思既部份：

מלכ，讀 malkh，「王」king 既字根

מלכות，讀 malkhut，「王國」kingdom

ך，讀 kha，「你」既詞尾，你既...

拆開逐個字母：

מ，mem，呢度讀ma (consonant + vowel)

ל，lamed，呢度讀l (consonant)

כ，kaf/khaf，呢度讀kh (consonant)

ו，vav/waw，呢度讀u (vowel)

ת，tav，呢度讀 t (consonant)

ך，kaf/khaf （成隻字最後既字母），呢度讀 kha (consonant + vowel)

馬太福音
10:34你們不要想我來、是叫地上太平．我來、並不是叫地上太平、乃是叫地上動刀兵。
10:35因為我來、是叫人與父親生疏、女兒與母親生疏、媳婦與婆婆生疏．
10:36人的仇敵、就是自己家裡的人。

點解做人肉錄音機？

講個笑話
神愛世人

（四）訊息

（1）分段

聖經既分段係好重要，可以話比我地聽邊D經文同邊D經文一齊睇。
如果分錯左，或者冇將引用既聖經一齊睇，就會聽唔到當時熟悉希伯來聖經既聽眾所聽到既野，結果就係斷章取義，搵其他方法解，咁就會解錯。#2 就係一個好好既反面例子既方向。

路加福音入面，至少係中間部分，每一個小段大概都好清楚，一般都以耶穌/其他人講新既一個話題，或者做一個新既行動，黎開新段。以今次想明白既 13:31-35 作為例子，我地將前後小段既第一句搵出黎：

路加福音
//12:54 耶穌又對群眾說：“你們一看見西邊有雲升起，就說‘要下大雨了’，果然這樣；
13:1 就在這時候，在那裡有幾個人把加利利人的事告訴耶穌，就是彼拉多把加利利人的血和他們的祭物攙在一起的事。
13:6 耶穌講了這個比喻：“有一個人把一棵無花果樹栽在自己的葡萄園裡。他來在樹上找果子，卻找不到。
13:10 安息日的時候，耶穌在一個會堂裡教導人。
13:18 耶穌說：“神的王國好像甚麼呢？我要把它比作甚麼呢？
13:22 耶穌繼續前往耶路撒冷，經過各城各鄉，沿途教導人。
13:31 就在這時，有幾個法利賽人來對耶穌說：“你離開這裡走吧！因為希律想要殺你。”
14:1 在安息日，耶穌進了法利賽人一個首領家裡用餐，有些人一直監視耶穌。
14:7 耶穌留意到來賓怎樣在選擇宴席的上座，就用比喻對他們說：
14:15 一同坐席的有一個聽了這些話，就對耶穌說：“在神的王國裡享用宴席的人有福了。”
14:25 有一大群人與耶穌同行，他轉身對他們說：
15:1 當時，所有稅吏和罪人都來到耶穌身邊，要聽他說話。//

想睇明 5 節，結果前前後後睇多個 10 段，咁誇張？
係架，冇得走捷徑，係要慢慢搵出黎，因為呢個係作者特登留低既線索，對明白經文極之重要。

難既位，係決定邊段連埋一齊睇，邊段唔連埋一齊睇。由讀經既部分，應該都見到我自己既答案，但係點解要咁樣分呢？
段落之間既連接，當然就係睇「連接詞」。咁我地將上面呢堆經文既連接詞寫晒出黎。為左準確，以原文為準。如果未開始學既話，而家就係好好既機會喇。網上面已經有好多免費既工具（當然睇既時侯要小心異端同極端，因為個搜尋器唔會幫你分），可靠又好用既有：

信望愛 https://bible.fhl.net/new/fhlwhparsing.html
Bible Hub https://biblehub.com/interlinear/luke/13-31.htm
STEP Bible https://www.stepbible.org/

希臘文有幾個基本既連接詞：
και kai：同埋、and

δε de：而、 and/but
γαρ gar：因為、 for
ουν oun：所以、therefore
第一個同後面三個唔同類。

路加福音
//12:54 耶穌又（δε de）對群眾說：“你們一看見西邊有雲升起，就說‘要下大雨了’，果然這樣；
13:1 就（δε de）在這時候，在那裡有幾個人把加利利人的事告訴耶穌，就是彼拉多把加利利人的血和他們的祭物攙在一起的事。
13:6 耶穌 （δε de）講了這個比喻：“有一個人把一棵無花果樹栽在自己的葡萄園裡。他來在樹上找果子，卻找不到。
13:10 安息日的時候 （δε de），耶穌在一個會堂裡教導人。
13:18 耶穌（ουν oun）說：“神的王國好像甚麼呢？我要把它比作甚麼呢？
13:22 耶穌繼續前往（και διεπορευετο）耶路撒冷，經過各城各鄉，沿途教導人。
13:31 就在這時（εν αυτη τη ωρα en avte te hora），有幾個法利賽人來對耶穌說：“你離開這裡走吧！因為希律想要殺你。”
14:1 （και εγενετο kai egeneto）在安息日，耶穌進了法利賽人一個首領家裡用餐，有些人一直監視耶穌。
14:7 耶穌留意到來賓怎樣在選擇宴席的上座，就（δε de）用比喻對他們說：
14:15 一同坐席的有一個聽了這些話，就（δε de）對耶穌說：“在神的王國裡享用宴席的人有福了。”
14:25 有一大群人（δε de）與耶穌同行，他轉身對他們說：
15:1 當時（δε de），所有稅吏和罪人都來到耶穌身邊，要聽他說話。//

大部分都係 δε de ，一見到呢個字（或者 γαρ gar / ουν oun）就知道成段都連接緊上文。
有時用左「當時」/「就係果時」，咁就冇連接詞都由個意思見到連埋上文，例如13:31，個連接甚至更加緊密。

淨返既只有13:22 同14:1 。
呢兩節既 και kai 都適合同個動詞一齊理解，因為路加既寫作（特別係描述緊猶太人當中發生既事）有好強烈既希伯來用字手法 Hebraism ，好似向中文人text 句「You eaten rice may?」 咁，亂解就會得出好荒謬既結論，例如「你可唔可以已經食左米飯」，同埋寫果個人英文好差。而希伯來文既動詞就有個「敘述式」（同「連續式」）係將個 and 字連埋動詞 verb 一齊放係成句既開頭。

其中14:1 更加係對應希伯來文既「是咁的」，好似講完等於冇講既and it came to pass that ... ，但係就引入左新既話題/焦點，可以用作分段既標記。
至於13:22 ，雖然可以夾硬拗「敘述式」點都「and 」緊前面，但係由「耶路撒冷」呢個字可以作為另一個支持，下面再詳細講。

所以，要分段就會係呢兩個位。

當然，就算未學希伯來文，未知咩係「敘述式」，點都可以用工具搵到有冇 δε de / γαρ gar / ουν oun 呢幾個連接詞，一見到就知道唔好從上面分開，當做獨立一段咁睇。

（待續）

（2）耶路撒冷

耶路撒冷係猶太地區既中心，係當時聖殿既所在。
耶路撒冷有兩個名，就係耶路撒冷（路加福音13:33-34）同耶路撒冷（路加福音13:22）。下，咩話？

耶路撒冷 ירושלים Yerushalayim 有兩個希臘文既譯名。
第一個，係直接既音譯 Ιερουσαλήμ Ierousalem 。
第二個，係有典故既譯名Ιεροσόλυμα Hierosoluma = Hierosolyma。

雖然好似冇咩分別，但係第二個名係可以拆開做兩個有意思既部分。
Ιερο- Hiero ，係「神聖」，如果用返希伯來聖經既理解就係「分別為聖」、「同其他唔同」。同呢個字相似既仲有 ιερεύς hierevs 祭司，同埋 hieroglyphs 神聖文字，即係古埃及象形文字。
至於 Σολυμα Solyma/Soluma ，根據字典 （ https://www.perseus.tufts.edu/hopper/text?doc=Perseus:text:1999.04.0064:entry=solyma-geo ）係一座山，係Lycia 區 Phaselis 城附近既一座山。



Lycia = Lykia 係聖經出現過，講保羅去羅馬既行程果時講到。

使徒行傳27:5
//5 渡過基利迦和旁非利亞一帶的深海，就在呂迦的米臘登岸。//

既然係咁，Ιεροσόλυμα Hierosoluma = Hierosolyma 就係一座「聖山」。
我地上次睇左既以賽亞書，就有呢一句：

以賽亞書66:20
//20 他們會把你們所有的弟兄從萬國送來，作供物獻給耶和華，用馬、車、轎、騾子、駱駝，送到我的聖山耶路撒冷，好像以色列人用潔淨的器物送供物到耶和華的殿一樣。”//

呢個名係好靚既翻釋，音意兼備，同時顧及兩邊既文化，精妙絕倫。
特別攞呢個名出黎講，係因為我地缺少左欣賞對聖經入面既美，反而長時間聚焦係冷冰冰既神學。雖然嚴格黎講，呢個譯名唔似係聖經作者諗出黎，而係本來就用緊（參考Josephus, ca. AD 37-100 都係咁用），但係聖經既美同吸引係有好多方面，係我地唔應該忽略既。

一方面好靚，另一方面 Ιεροσόλυμα Hierosoluma = Hierosolyma 都能夠突出「聖」，正如希伯來聖經好多次將「耶路撒冷、錫安山、聖山」描寫上主臨在既地方（詩篇2:6，3:4，15:1，48:1，87:1，99:9；以賽亞書11:9，27:13，56:7，57:13，65:11，65:25，66:20 特別多用聖山）。

路加好巧妙咁用晒兩個耶路撒冷既譯名，似乎要突顯主耶穌既神聖，或者再準確D黎講，主耶穌點樣神聖法/係邊方面神聖。

路加福音入面，大概有 27次用 Ιερουσαλήμ Ierousalem，其餘4次用 Ιεροσόλυμα Hierosoluma = Hierosolyma，呢4次既佈算係平均：

路加福音
//2:22 按照摩西的律法，潔淨的日期一滿，約瑟和馬利亞就帶孩子上耶路撒冷去，奉獻給主
…
13:22 耶穌繼續前往耶路撒冷，經過各城各鄉，沿途教導人。
…
19:28 耶穌講完這些話，就繼續往前走，上耶路撒冷去。
…
23:7 當他得知耶穌是屬於希律管轄的，就把他送到希律那裡；那時希律正在耶路撒冷。//

就咁睇落好似好普通，但係呢幾次出現前後，都有對耶穌既唔同方面有令人意想不到既描寫。

出身：童女所生，對於當時黎講，即係唔見得光既黑材料（約翰福音8:41）。英文有一個好準確既字，bastard 。
教導：當時猶太人所敬重既法利賽人，耶穌冇跟住教，反而另立一派，甚至指出當時既教導有問題（特別係安息日）。
入城：耶穌被認為係彌賽亞（路加福音19:38），但係佢騎驢入耶路撒冷，並唔係用騎馬領軍既形象。
作王：十字架既道理更加冇人估到。

主耶穌既神聖，係唔能夠同其他野比較。一用左自己既眼光，先入為主，就認識唔到佢。

（待續）

（3） 想、殺

路加福音13:22-35
//22 耶穌繼續前往耶路撒冷，經過各城各鄉，沿途教導人。
23 有一個人問他：“主啊，只有很少人得救嗎？”他對眾人說：
24 “你們要竭力進窄門！我告訴你們，將來有很多人想進去，卻不能。
25 等到家主起來關上門，你們才開始站在門外叩門說：‘主啊，給我們開門吧！’他就會回答：‘我不認識你們，不知道你們是從哪裡來的。’
26 那時，你們就要開始說：‘我們在你面前吃過喝過，你也在我們街上教導過。’
27 他要鄭重告訴你們：‘我不知道你們是從哪裡來的；你們這一切行不義的人，離開我去吧！’
28 當你們看見亞伯拉罕、以撒、雅各和眾先知都在神的王國裡，自己卻被扔到外面去的時候，你們將在那裡哀哭切齒。
29 將會有人從東與西、從北與南而來，在神的王國裡坐席。
30 要知道，有些在最後的將要在最前，在最前的將要在最後。”

31 就在這時，有幾個法利賽人來對耶穌說：“你離開這裡走吧！因為希律想要殺你。”
32 耶穌對他們說：“去告訴那狐狸：‘看！今天明天我繼續趕鬼醫病，第三天我的事就完成了。’
33 然而，今天明天後天，我必須前行，因為先知不可能命喪在耶路撒冷之外。
34 耶路撒冷啊，耶路撒冷！你殺害先知，又用石頭打死奉差遣到你那裡的人！我多少次想聚合你的兒女，好像母雞把小雞聚合到翅膀底下，可是你們不肯！
35 看！你們的家要被遺棄。我告訴你們，你們絕不會再見到我，直到你們說：‘奉主名而來的那一位配受稱頌！’”//

幾對/幾組相同既字，用顏色 highlight 左出黎。呢D對比有助我地明白主耶穌既說話。

13:32 「趕」鬼，同「扔」同字。
13:33 「後天」，係將要「來」果日。
13:34 「肯」，係「想」果個字。
13:28 「看見」，同呢段其他「看/見」唔同字根。
13:31 「希律」，正所謂英雄所見略同，希律 Ἡρῴδης Herodes = hero + ide+s 本身都有個「見」字。

呢兩段用左「外」同「先知」連埋一齊，除左用字之外，都有一個共通既主題，就係拒絕。

13:31-35 呢段，其中「想」同「殺」突出左。係邊個想、邊個殺？

法利賽人話希律「想」殺耶穌，而耶穌話佢「想」聚合耶路撒冷既兒女，但係佢地唔「想」（肯、想原文同字）。

法利賽人話希律想「殺」耶穌，而耶穌話法利賽人「殺」害先知。

呢度有三方面既人：耶穌、應該行出神旨意既耶路撒冷同法利賽人、地上面呢區有王權既希律。

一如以往，耶穌將個關注放返係神既王國。係邊個話事？應該聽邊個話？應該去邊？會見到咩？既然highlight 左經文，留返D空間比大家思考。

對於法利賽人黎講，耶穌應該「去」冇人殺既地方，但係耶穌反而話法利賽應該「去」傳講耶穌身上要成就既事，就係聖經講左既事。
第三日成就既事，經文雖然可以就咁話今天明天後天（13:33），但係都要特登提個「三」字（13:32），事實上13:33-34 按原文次序係連續講左三次耶路撒冷，中間冇其他字。我地睇返轉頭都知耶穌係釘十字架、死、埋葬，三日後復活，但係睇返希伯來聖經都有個三日既主題係好少留意到：

出埃及記32:6
//6 次日，他們清早起來，獻上一些燔祭，又帶一些平安祭來；然後人民坐下吃喝，起來玩樂。//
出埃及記32:30
//30 第二天，摩西對人民說：“你們犯了大罪，現在我要上耶和華那裡去，說不定我可以為你們贖罪。”//
出埃及記34:2
//2 早晨之前你要預備好；早晨上到西奈山來，在山頂那裡站著等我。//

呢個係金牛犢事件，以色列人見摩西唔見左就搵亞倫整個神出黎，呢度提過次日/第二日/早晨，夾埋三次。法版由打爛左去到重新整過（無論係塊石板定係上面既字代表既約），係三日。

係耶穌身邊聽佢講野既人，都會聽到佢用同一個「趕」字，先用落 13:23-28 個聽眾「你們」，再用落13:32 既「鬼」。呢個係好大既警告，聽到係會唔舒服，其實耶穌就係13:33 話埋自己係先知。先知講野好多時就係聽完會唔舒服，要認錯要悔改，唔係咁多人想，但係要入窄門係必須聽。

雖然好似轉左話題咁，但係個焦點仍然係放係神既王國/邊個話事度。留意耶穌除左話自己係先知，仲暗示自己係主（13:25-26）。呢位主，有權開關神既王國既門，但係佢同時為耶路撒冷既唔肯（唔想）歎息。

我地把口就互相稱呼弟兄姊妹、神家裏面既人，死都叫返天家，會唔會做緊既野一樣都令主歎息、耶穌都覺得羞家？

（待續）