《豺狼的日子》The Day of the Jackal

睇哂10集, 精彩無冷場, 好少見周圍殺平民既主角 前面炸死d隊友都可以理解為有正義感要制裁佢地 , 後面變左心狠手辣既殺手, 如果再交待多少少會更好 如果無hehe 同黑人女主真係100分, 不過最後全部都比主角殺哂, 都順番條氣

第二季啦，我估點都會講下佢舊屎啲野。
同埋我都好期待男主反殺個雇主，好似開頭fuck you返個德國仔咁
型得黎又幾好笑

劇情殺將佢推左入深淵 , 兩次想放生(hehe 佬同老夫妻) 都迫住落手 果下都幾sad , 將佢僅餘既人性慢慢磨滅 不過心狠手辣 乾脆利落都係佢吸引人之處 後面係佢老婆面前答應佢細佬會面果幕, 有諗過佢會唔會一個轉身殺哂佢地

第二季都幾多野可以講
1. 男主以前既事, 發覺佢每次想放生就會讚對方good people face 佢第一次聽到人咁讚佢, 都好大反應下 , 9估同父母有關?
2. 最尾炒車都唔死, 覺得應該有第3者救左佢 , 後面第一部追車可能就係救兵?
3. 拍檔下落 ? 會唔會就係最尾既救兵 ?
4. 走數老細 睇住之前走數人既下場, 一次又一次既神級獵殺, 那裡來既自信認為自己走數可以唔洗死? 不過唔咁做就無戲睇
5. 黑人上司 覺得佢應該仲有戲份, 收到美國人既短信伏筆, 唔通係double agent ? 段估下集應該靠佢反制上位女上司

果到真係幾癲, 巳經唔係預判, 係預測未來既程度,肺量因人而異, 換氣同上水位置都係不可算, 不過如果有細節講佢之前巳經觀測一段時間, 計算左目標平時游水既換氣時間咁就神了
班保安真係廢到笑, 自己友中出左個殺手 跟住又放虎歸山, 最尾無人機望到有船接近都唔醒水 , 得個睇字 男主無好似之前留個炸彈係船上面等佢地, 算係咁了

可能結局就係殺埋老婆 , 走上Jackal 既孤身之路 btw 回憶入面, 2部吉普車其中一部既車尾寫住Jackal ( 另一部係phantom ) , 佢個代號應該就係咁黎, 不過唔知有咩意思