【甜故】鐘意左佢三年，最後做左fwb

(1)

「喂，你幾時做我女朋友」

「吓，表白都比啲誠意啦」

「咁我買花比你，帶你去食西餐啦」

「冇啲新意」

下一秒，佢將我雙手緊緊喺床上㩒住，我下意識側過頭。

「做咩唔望住我」

佢嘴唇向我貼近，我嘗試掙脫都只係徒勞，舌頭在口中打轉，液體交纏，低哼聲不斷。唔知幾時佢放開左我嘅手，但我冇再抵抗，我知我冇諗過走。佢雙手由上一直向下，下巴，頸，胸口，最後喺我嘅腰度停低，動作冇再繼續。

「做咩啊，想要呀？不過我今日唔想要喎」

「見到你怕醜個樣真係好得意」

「賤人」我回應道。

咁識佢到依家，呢番對話唔知重覆過幾多次，但我同佢都僅僅停喺朋友嘅關係。每次聽到佢咁講，我都會諗，其實有冇可能佢真係對我有啲feel，只係差啲嘢，令我地始終做唔到情侶。至於係啲咩？我都唔知，可能係信任掛，都可能係承諾太重，又或者佢只係當我水泡，但我唔想承認。

我訓喺佢張床上面，兩個身軀緊緊咁貼住，身體隨住呼吸慢慢起伏。唔知幾時佢訓着左，我將頭挨近佢嘅胸膛之上，聽住佢心跳嘅聲音，慢慢咁訓左。

由細都大我都唔係個特別外向嘅人，好彩啊媽生左個見得下人嘅樣比我，雖然唔係啲神級靚女，但都算人緣唔差，身邊不乏追求者。以前拍過兩次拖，第一任係個大我三年嘅師兄，話晒都係初戀咩都唔識，好快就分左手。第二任係仲同年嘅男仔，一齊左接近一年，冇嗌過啲咩大交，後來大家感情淡左，就和平分開。本來以為自己呢世普普通通咁，睇下幾時搵到個好鐘意嘅人拍拖。曾幾何時我都覺得自己係個幾天真嘅女仔，酒又唔飲，煙都唔食，唔知受邊個影響，會覺得一定要搵個最鐘意嘅人先會想同佢扑嘢，所以同前兩任一齊都冇比佢地掂，莫講話幫佢地，連用手都冇。

點估到認識一個人可以改變我咁多。

睇下有冇人睇再更新

睇緊

點解甜故會在最新版面見到？

Lm

Lm

點識㗎佢兩個？

(2)

佢大我兩年，傳統名校仔，身高1米8，五官講唔出有啲咩特別，但組合上黎又好似幾靚仔。喺一次聯校programme度識左佢，初初對佢嘅印象就只係個睇落人緣好好嘅世界仔，同每個人都傾到幾句。好老土嘅開場白，一個名校，一個屋邨出身，一個外向，一個朋友都係得幾個，對我嚟講，可以同佢做到朋友完全係運氣使然。

「喂你叫咩名，我都係第四組架，黎緊靠你carry」

「我...」 正諗住開口，佢就比第二組嘅女仔嗌走左

我心入面有啲唔係咁好受，唯有夾硬將自我介紹吞返入肚入面。後續programme完左我地都冇乜點再講嘢，喺佢IG發現原來佢已經有女朋友，都唔意外。突然有日，電話收到個未讀訊息，係佢。我輸入密碼，唔知點解有少少期待佢會send咩比我。

「Hiiii, 可唔可以幫手做個問卷，學校project，我嘅成績靠你啦。」

我冷笑，笑自己內心嗰一絲期待，又不解點解自己會有呢種感覺，明知對方只係copy and paste將請求公平咁send比身邊每個人，但又會忍唔住幻想，話唔定佢係搵機會同我講嘢。後來我諗左個解釋比自己，係因為自己從未接觸過呢種人，一直喺屋邨長大，對名校出身嘅人難免有種仰慕。係，一定係咁。

我回覆佢，並借機打探佢最近嘅生活，對話喺幾個訊息來往後就草草收結。

嗰晚我夢到佢，夢中佢拖住我隻手，喺我耳邊低聲講左句「好掛住你」，之後喺我耳邊錫左一啖。我唔敢望住佢，知自己依家一定面紅緊。對方似乎冇停低嘅諗法，頭由耳邊慢慢、慢慢咁落到頸，我順住佢嘅動作微微顎高頭，順勢將身軀貼得更近。係我從未有過嘅感覺，我想要佢，想擁有佢成個人，想比佢佔滿我嘅身體，我嘅全部。

我突然從夢中驚醒，身邊訓住嘅係嗰個一直想得到嘅佢，兩年後，我似係如願以償，但總感覺好唔真實。可能比我嘅動作嘈醒，佢摸一摸我個頭，問我係咪發惡夢，語氣好似夢中咁溫柔。我反問自己，呢一場，係惡夢，定只係我一直唔願意醒來。

絲打唔打啦？