附近都冇位可以睇到我隻兔仔
迫住去左大圍珍X異X診所到睇
朝早9點幾未到話因為未到9點半照計急症
預咗俾人當水魚咁劏
諗住住一兩晚院就冇事
一去到就接走左我隻兔去聞氧
話我隻兔好嚴重要住ICU
中途個護士話已經setup 好晒ICU病房
我地走可以上去睇佢
見個醫生都唔夠幾分鐘
等收費表就等左成半個鐘
9點幾去到搞到11點幾
俾完按金上到去病房
見到我隻兔仔都仲係聞緊氧未入到去個病房到
差唔多1點先send 驗血同X-ray報告黎
未睇到個護士就已經打黎話佢好大機會係異物阻塞
一定要開刀
問佢手術風險係幾高
個護士話係比一般手術高少少
仲要5分鐘內簽到啲文件比佢
咁都要照做喇
幾點會做手術又唔知
幾點做完手術又唔知
5點幾打黎就話佢冇左呼吸一陣，打左幾枝腎上腺素救得番
15分鐘唔夠再打黎就已經話死左
個醫生話觸診左成條小腸都摸唔見有異物
大腸唔係佢可以隨便掂
問個醫生腸有冇見發炎/壞死
個醫生話冇
死因係咩唔知
話可能係腸道菌群失調中毒死
可能係其他
見到條屍果時都仲係成肚脹氣
咁一開始又講話好大機會係異物阻塞？
個護士仲話佢係未過麻醉藥咁死係見好事
起碼唔覺得痛
我地唔同意 隻兔仔醫死左仲要找全數就同佢地傾
傾完一大輪 佢地就話比我地走先 到星期一佢地經理同總監會再聯絡我地再傾下條數點可以幫我地再減
到傾果日
個經理一打黎第一句係問我幾時找尾數
而唔係想了解番件事
話佢地個護士已經白紙黑字紀錄晒果日同我轉述既內容
個經理話個護士寫低 一早已經同我解釋我手術風險好高 甚至有機會手術途中死 （which is 同我聽嘅版本完全唔同)
我就反問 如果佢係咁講 我點會同意做依個手術啊？個手術究竟有幾多成風險？
個經理話佢地手術風險唔係睇幾多成係得高同唔高
我問點解X光片唔見有異物個醫生都會照選擇開刀
個經理竟然答我異物唔一定係有形，腸有氣都可以計異物
我問如果係普通腸脹有冇其他方法可以處理
個經理話冇，唯一嘅方法就係開肚 醫生可以幫手按摩小腸，等啲氣排返出黎
但係當時我見返我隻兔仔條屍個肚都係仍然有好多氣 佢個手術根本完全無用
個經理仲係咁話佢相信個護士係專業一定有已經同我地解釋所有風險 仲繼續講話我隻兔仔係手術途中死係件好事黎
我回應返佢 我都祝福佢全家都可以同我隻兔仔一樣
佢就發哂脾氣話我詛咒佢屋企人
話我地簽左手術同意書，令到我隻兔仔死完全唔係佢地責任
講明話比錢就會經小額錢債追討
過左唔夠一個月，今日我就收到收數公司既恐嚇電話
問我係咪唔肯找診所條尾數
獸醫診所果邊已經搵左佢地追數
如果我唔肯找就會搵上門
我叫佢轉述番去獸醫診所
叫佢地經番小額錢債
佢話人地醫生護士點會嘥依啲時間去上庭
最尾仲要講句會好好招呼我
佢地成班無良獸醫護士害死左咁多條生命
連上庭果少少時間都唔肯拎出嚟
大話冚大話
仲要將我既私人資料交俾追數公司
養寵物既人真係要唔好再去睇大圍依間黑心無良無醫德既診所
（如果我del po 唔該大家幫我報警
）
