（年經）有冇人覺得香港樂壇係比商台個原創歌運動搞死？

以前7-80年代張學友，譚詠麟，梅豔芳一堆改編歌配埋d靚詞到依家仲好多人聽

先唔講學友梅姐呢d神級，但日本歌一定造就左麟伯，條撚樣唱功根本喺嗰個年代拍埋阿lam 張國榮根本完全唔係嗰皮，就係靠日本d口水歌melody加個樣先紅到咁


你搞原創歌運動個好意係好，問題係有冇諗過香港係咪真係有咁多作曲人才，香港樂壇最紅嗰時（四大天王出現前）根本日本歌係功不可沒

00 年代，eason同Joey 出一大堆k歌，睇落個樂壇樂似仲好健康，其實根本就已經吊緊鹽水，就算拎eason 最hit首k歌個代表性都一定冇以前d日文歌（遙遠的她,雨中的戀人們嗰d）咁噤聽

記得好似係1995年開始903台唔再播改編歌
之後香港樂壇就開始衰落
不過翻版碟可能都係因素之一

張國榮最出名啲歌咪又係日本改編歌

不如問如果依家搞改編歌仲搞唔搞得起

拔苗助長嘅經典例子

完全唔覺
你當beyond Eason 容袓兒
或者其他大量90s 00s嘅歌手唔存在
過去廿幾三十年出左咁多歌
點樣算係死呢

Twins呢隊垃圾仲開緊十幾場紅館
就證明當年喂畀佢地啲廣東歌質素高得好離譜下先救到

唔覺
香港娛樂圈影響力越來越細根本係大勢所趨
歌影相一齊向下

伍樂城 陳輝揚 好差咩

其實真係唔好睇小雷頌德，屌你

我覺得完全唔關翻版事，如果係翻版問題就唔會比日韓台追過，而係一齊死啦

成個樂壇都係改編歌咪即係自曝其短、文化挪用囉

所以我咪話香港樂壇可以紅遍亞洲，日本歌係功不可沒

難，呢d要天時地利人和，依家亞洲主流都係K-Pop ，除非真係效果超曬班，如果唔係同玩大富翁玩到中尾段先加入差唔多

出到歌同出到經典歌係兩回事，球王年年都有，美斯就一百年都未必出到一個


就算強如beyond,佢地寫到幾多隻歌？黎黎去去咪個10零隻，以前d日文改編歌，淨係麟伯都幾十首，梅豔芳夢伴，夕陽之歌，似水流年，求奇up都up得出

Eason 同joey最多叫紅透中港台，同以前譚詠麟張國榮嗰種紅根本兩回事

Twins係賣本地情懷姐，佢地最紅嗰時都未算紅透成個亞洲啦

咁你冇料就要用人d野架啦，你咁有料又唔開翻間晶片廠用本地晶片？

咁咪用外國音樂人啲demo囉

雖然唔完全算係改編歌，但香港依家唔少偶像派，特別係Viu果兩隊頂流男女團都請哂槍搵外國K-pop製作人寫歌，再填中文詞
同以前80年代既香港唔大分別

但效果有眼見就一啲都唔好
佢地啲跳唱快歌實際上完全唔受大眾歡迎
同人地K-pop唱到當地成行成市好大差別

所以話靠人不如靠返自己
以前千禧年代都唔駛靠改編歌發圍

其實同港產片一樣啦
八九十年代中台韓都未開發 日本仔又鐘意鎖國
聽外國歌又冇依家咁方便
香港識搞下包裝咪好似跑出咗好威咁囉

全部開放晒就根本冇得同人鬥
歌手同創作質素 樂迷口味更加垃圾

以前無得上網，可以恰你無得接觸到日本歌，所以改編下啲日本歌就呃到飯食
而家就算有改編歌，都個個直接去返聽原版啦

咁係因為你抄緊一個你唔熟識嘅模式，人地韓團出道前d訓練幾嚴格？你要由一個紅左嘅人到抄佢種模式黎超越佢根本極難，就咁講出道前d訓練已經冇得比，咁你仲點打低人？


你00年代d歌嘅所謂發圍，最多咪又係華語國家先受歡迎，你覺得easob twin好紅係因為你活喺香港而香港又好多人識佢地姐，你夠膽講eason joey呢d最紅時會紅過以前張國榮梅姐麟伯陳慧閑呢d?

又唔可以咁講，唱歌表演除左首歌重要，唱歌條友d技巧感情同台型都係好關鍵，以前改遍歌會成功其中一個係演釋得好，同埋就算擺到落今日講，華語點都大眾化過日韓語，你改到首靚歌出黎，我相信大部份華人會選擇聽華語版多過原曲

beyond 勁
全部 album 全部歌都係原創
聽開外國野真係唔同啲