被問到擔唔擔心影響電影宣傳？彭發續說：「呢個我擔心唔到，反而真係要同所有記者講聲唔好意思，同埋最慘係主辦方，我係覺得有啲內疚，因為好多條件都有晒合約，呢啲係要配合，始終冇咗一位主角出現，嗰條數一定捉我哋計，唔係咁簡單就算。（會唔會叫林明禎找數？）咁呢啲交返俾宣傳部，的而且確係麻煩。（佢冇嚟有冇失望？）咁梗係有失望，亦都咁多年拍戲未試過主角嚟唔到，我都愕咗然呀。（會唔會林明禎怕要再回應Edan所以缺席？）呢個我唔知，同埋我冇留意呢啲新聞，我自己都顧唔掂，仲點會要顧人呢。（會唔會考慮再搵佢拍戲？）唔係我要考慮，係啲宣傳同老闆佢哋考慮，唔到我去搵啦。」
導演話一定要計足條數
依家傾賠償方案就得
