張敬軒 HINS (156) 2025，重頭開始，我地等你～

你下面嗰段已經係政治原因
你哋會唔會對佢有太多政治投射

我入坑嗰陣係有㗎，如果唔係點入坑？本身我又唔追星，又少聽佢啲歌
但之後聽佢電台訪問先知原來佢一開始理解錯森仔啲詞，我先知原來佢自己都唔係好了解自己唱嘅嘢，佢未追得上填詞人嘅深度，又或者可能佢本身係一個共底嘅人嚟但我唔知，可能佢包裝得好，如果係嘅話快啲話俾我知，我追到好攰

佢而家咁多盲粉
實撐到行啦

根本佢平時唔蒲頭嘅時間，有幾多係做音樂嘅，佢自己最清楚。希望我估錯，我懷疑佢平時都係搞吓hcfc嘢野，安排下下年去邊度演唱會，睇吓有咩廣告接，得閒就搞下雅比斯，希望唔係屋企人有咩事要停工陪屋企人啦。有幾多時間去錄音室咪即管睇吓佢今年有幾多作品推出到。如果今年出到兩隻碟，出到多啲歌，我誠心向佢道歉，可能佢真係好專注喺音樂，即管大家一齊見證下會唔會發生。至於傳聞去廣州或者大陸開演唱會，threads 都唔知
邊個講嗰一句半句大家唔使咁緊張，就算張敬軒決定去廣州開演唱會，個人覺得完全冇問題，佢出生成長喺廣州，喺返自己家鄉開，而且有好多廣州人支持佢，我覺得係佢嘅榮幸。但如果喺大陸tour就不予置評，佢咁多大陸fans一定場場爆，英皇一定賺到盤滿缽滿，個人選擇啦，不過香港fans應該會好失望。反而我想知道live in albrose 係咪已經佢完全忘記咗，冇咗件事，定係純粹佢講吓呃下人投票就算。記得鍾意做或者相對容易做嘅雅比斯就可以second round，出碟同埋搞live in albrose 呢啲對於佢好困難嘅嘢就完全冇諗過盡快做

前排睇到條片見到alberose入面啲家俬全部搬走晒，依家係吉屋狀態
唔知係冇再租定因為之前講嘅白蟻問題要處理

仲有佢唔止講過一次，Dahlia3製作得如火如荼，去美國tour期間都應該有錄音，但而家又冇咗件事。究竟佢係做好晒啲嘢等緊出，定係有啲咩意外又做唔到，定係佢根本講吓冇諗過真係出。張敬軒而家講嘅嘢已經好難令到人相信，或者大家都要諗吓邊句真邊句假，可能關於做音樂，錄音嘅就多數都係氹住大家。唔知大家有冇發覺，張敬軒成日講嘅嘢都做唔到，我明白你有突發事情改愛你嘅計劃，咁大家都明。但當突發事情完結，你正常工作
嘅時候，係咪優先應該處理番啲未完成嘅嘢，優先做咗啲應承咗但甩咗底嘅嘢。呢個唔關音樂家藝術家追求完美事，純粹係性格問題。我諗正常人走咗數，都會好內疚，盡快補鑊，盡快搞番掂佢。我諗正常人嘅工作，生活，或者對朋友，都係想盡快做返自己未做完嘅嘢。但張敬軒好似永遠都冇咗回事，永遠都慢條斯理永遠都冇乜所謂。佢要大家體諒佢，但佢呢啲行為係咪真係值得大家無限期冇原因地體諒？

個雅比斯都唔知有冇三成人真係需要聽呢talk
到頭來都係大型追星活動