到底「我本人」呢首歌深層意義上係想接達乜同講乜，求解

其實《我本人》呢首歌究竟係想講咩？
https://lih.kg/3798785
- 分享自 LIHKG 討論區

成撚日係我本人
其他歌好少會問

最後一句：我本人 寧願為加班筋歇力疲
即係同你講諗咁撚多做乜，聽日都係準時番工架la

我婆婆好邪惡架

易明，但寫得出呢句都真係幾勁

頭兩句係成首歌寫得最靚既歌詞

唔講羅湖聰？

一多兩少 多愁善感 好少唔病 好少唔喊

即係容祖兒隻爭氣

主角只不過想要普通愛情

分手後都唔想喊苦喊忽

佢唔係外人眼中咁脆弱只掛住愛情

識返現實世界工作生活

我唔一定岩
但我感覺依首歌中既愛情並唔係雙向
依段「感情」可能係冇發生過
只係佢一廂情願

咁爭氣同我本人其實有啲唔同
「我本人」係對方已經消失左
曲中人明明好傷但扮到若無其事
「爭氣」兩個人仍然係有瓜葛
不歡而散但對方仍然試圖以另一種身份介入佢既生活
但佢係唔喜歡依個情況
曲中有提過如果佢把口叻啲就會串到對方一棟都冇
所以亦暗示左佢現實中依家係捱打狀態
佢借隻歌黎講出佢既真實感覺
就係「喂你依家乜料呀？我寧願做野都唔得閒理你啦」
「你唔好以為我仲好重視你啦」

首歌好好聽

如遊h

情令眼淺了便情深

還未戒掉 他留下給我 那動魄驚心
還未成熟得當有過便無憾
寧為他跌進紅塵 做個有痛覺的人
為那春色般眼神 願意比枯草敏感
—》佢留下比我嘅野/回憶仍然令我心動，我成熟，但未成熟到可以灑脫咁安慰自己拍過拖就算啦，即使我有機會放下，我仍然選擇執著（呢種執著特別在係有意識，明知不可為而為之）


還未放下 只能拾起 領教我的貪癡
還未麻木得吃夠了便無事
明白醒覺有定時 但放肆夠也不遲
在我升仙得救前 糊塗一次
—》一樣講自己係放下同執著入面選擇執著，入面嘅「只能」充滿無可奈何，但呢種無可奈何係咪真係冇得揀嘅呢，我大可以放下，說穿了只係我執迷唔想去放下而已；所以即使我知遲早要醒覺，我都寧願繼續拖延，為嘅就係享受呢種痛嘅感覺


心灰了還未碎 心死了還在醉
人難得只因失戀擁抱負累
未會信甚麼擁有等於失去
無情地對世界說他算是誰
—》心灰、心死對某啲人黎講已經係描述最終狀態嘅形容詞，但我仍然可以繼續係最終狀態下心碎、心醉；正如一段關係入面「分開」對某啲人黎講已經係最終狀態，但我仲可以繼續執著癡迷，繼續發酵呢種已經腐爛左嘅關係。至於果啲擁有等於失去嘅失戀金句，我唔會相信呢種安慰說話，我寧願繼續享受呢種心痛


不可以沉下去 總可以迷下去
人何苦要抱著清醒進睡
就以血肉之軀去滿足知覺
虔誠地去犯錯 良心 跳得清脆
—》即使物理上我不能在沉溺係呢段關係上，心理上我仲可以癡迷落去，類似「你可以唔愛我，但冇得阻止我唔愛你」，我知道理性清醒可以幫我抽離，但咁又何苦，繼續犯錯執迷下去，享受血肉之軀感受嘅痛楚，咁樣好似先係人活着嘅意義，至少我嘅心跳得清脆，讓我確實用痛感受到我嘅存在


呢首作品相對《我本人》誠實好多，講嘅基本上都係我嘅真心說話；歌入面好多雞湯式失戀金句：「有過便無憾」、「擁有等於失去」、「吃夠了便無事」；我講得出黎其實我全部都明呢啲道理，但我一一以「還未xx」解釋點解我唔咁做，所以見到我係有意識、知道點樣可以解決問題，但我都係寧願執著，當中係「不為」定「不能」係好難界定，但呢種係好明顯嘅悲劇精神，就係明明有條好路但我偏要行一條明知死硬，但我想行嘅路


另外呢首歌好強調痛感，都係回應歌名，一般我地理解「人非草木」都係會覺得背後嘅意思係「誰能無情」，講呢句嘅語境好多時希望其他人對某人嘅感性決定有多啲諒解；呢度除左「我」希望其他人諒解「我不能無情」呢個行為之外，個人覺得「我」可能都想強調「人非草木，人同草木對大嘅分別係人有觸覺，所以為左證實我作為人呢種生物嘅存在，我更應該享受人特有「痛感」嘅權利，繼續沉溺呢種痛感」

最後係覺得呢首歌同「我本人」係好有趣嘅對照：
我本人全首謊話，人非草木全首真心話；
我本人自以為放下其實無意識執著，人非草木有意識知道要放下但仍然選擇執著；
而我自己覺得最有趣係，究竟兩首歌嘅「我」係唔係同一個人黎，會唔會有可能係我強調「我本人」同其他人唔同，唔會拖泥帶水之後；過左一排先發現放唔低，最後只好講句「我本人雖然與其他人唔同，但我都係人，而人非草木，怎會無情」，去為自己嘅放唔低搵一個自我諒解、妥協嘅解釋？

Sor for 1999