投票網站：https://konghub.net/articles/15250
背景
我哋係一班熱愛漢字同廣東話文化嘅教育工作者，致力推動語文傳承同時為香港社會發聲。舊年，我哋首辦「年度字選舉」，成為香港人每年其中一個最公開透明、最具代表性嘅語言文化盛事。
活動起源：
「年度字」呢個概念源自1995年嘅日本活動「今年の漢字」，喺全球漢字文化圈內非常受歡迎。呢個活動透過揀選一隻代表性嘅漢字，總結該年嘅社會氣氛、事件同流行趨勢。可惜，香港以往呢個活動曾被親北京嘅政黨「民建聯」騎劫，失去公信力，令市民望而卻步。
但到2023年，民建聯嘅年度字忽然失蹤一段時間，令我哋有空間成功舉辦首屆冇篩選、冇審查嘅年度字選舉。為咗俾真正代表香港人聲音嘅年度字選舉延續落去。因此，我哋再度聯同由海外港人成立嘅文化平台 KongHub，攜手舉辦2024年嘅年度字選舉。
公開透明、公平公正：
為確保選舉公平公開，我哋沿用Google Form進行投票。參加者喺投完票後即時睇到更新結果，充分體現活動透明度。另外，每人只限投一次，需用Google帳戶登入進行投票。
但請放心，登入程序由Google驗證，我哋並無權限獲取電郵資料。如對資料安全有顧慮，可使用匿名電郵帳戶投票。
活動詳情如下：
投票資格：全球任何地區嘅香港人均可參加，唔限年齡、性別或居住地。
投票時間：即日起至香港時間2024年12月29日晚上11:59截止。
選字標準：每人可提交一個漢字，需反映該年度香港人嘅集體感受、經歷或重大事件。
投票方式：透過指定嘅Google Form或KongHub網站進行投票，每人僅限投一次。
結果公佈：投票結束後，我哋會計算所有有效票數，並於2024年12月31日正式公佈得票最多嘅「年度字」。
去年嘅成功係大家支持嘅成果，亦見證咗香港人對文化傳承嘅熱情。今年，我哋誠邀每一位關心香港未來嘅人參與其中，用一隻字寫出屬於香港人嘅故事！
【2023年「年度字選舉」結果回顧】
回顧2023年，「屌」以8.5%得票率成為年度字，係市民面對震驚、無奈同憤怒嘅心聲寫照。「移」緊隨其後，反映大量移民潮同香港社會深刻嘅變遷。而「跌」同「離」亦緊扣2023年跌跌不休嘅經濟走勢同社會氛圍。
用2023結果作參考，2024年嘅你又會揀邊個字去代表今年呢？每個字都係一段故事，等我哋一齊用你嘅選擇，為2024香港嘅集體回憶寫低最真實嘅註腳！
👉 立即投票，參與2024年度字選舉！
