2017年03月14日(二) 13:55
歌手周殷廷（Yan Ting）為新歌《小姐你好》到電台宣傳，適逢白色情人節，Yan Ting特別將新歌名印成朱古力送給朋友，由於他兩度找來組合Super Girls成員Yanny任MV女主角，問到是否對對方有意思？怕醜仔的他口震震說：「因為同佢好好朋友，佢依家喺外地。（咁清楚對方行程？）唔係呀，之前想搵佢一齊出席活動，問過佢啲期。」隨即大讚Yanny是好女仔，Yan Ting說：「好乖、心地善良。（想追佢？）唔識答，未諗，返去認真諗吓。（佢不收酬勞？）佢真係冇收錢。」
當問到是否Yanny對他有意思？Yan Ting笑說：「唔係，大家真係好朋友。」由於MV中兩人最後會「咀嘴」，問到是否由他加「咀戲」？Yan Ting再次口震震說：「MV情節嚟，其實係為求故事啫。（係咪你要求？）同導演一齊諗。」
