【堅決反對】特區政府就歐洲議會通過有關香港嘅所謂決議，並就針對香港特區各方面情況嘅失實言論同惡意污衊抹黑，表示堅決反對同強烈不滿。政府發言人嚴正指出，強烈譴責任何基於無理、毫無事實根據嘅指控而向特區政府任何官員施加單方面制裁嘅建議，特區政府官員無懼此等野蠻、卑劣行為。
發言人表示，世界各國都有維護國家安全嘅責任，香港特區作為中華人民共和國不可分離嘅部分亦不例外。香港國安法同維護國家安全條例使國家安全得到有效保障。相關法律嘅實施能夠讓廣大香港市民生活同經濟活動回復正常、營商環境恢復。就新聞自由，香港市民擁有基本法同香港人權法案保障嘅新聞同言論自由。事實上，自香港國安法同維護國家安全條例實施以來，本港嘅傳媒環境蓬勃依然。
就公平和及時審訊，香港特區執法部門一直根據證據、嚴格依照法律，以及按有關人士或單位嘅行為而採取執法行動，與涉事人士或組織嘅政治立場、背景或職業無關。喺基本法及香港人權法案嘅保障下，所有面對刑事指控嘅人均享有由有獨立審判權嘅司法機關進行公平審訊嘅權利。
懲教署一直致力為所有在囚人士提供安全、人道、合適同健康嘅羈管環境，並設有現行機制，包括透過獨立訪客定期巡視嘅安排，以確保在囚人士嘅權利獲得保障。所有院所亦提供足夠嘅醫療服務。特區政府強調，懲教署處理黎智英相關事宜，均採取上述安排，與其他在囚人士無異。
就貿易，香港係全球最開放嘅經濟體之一，一直奉行自由、開放貿易，並支持多邊貿易制度。特區政府堅決反對任何基於政治目的而實施嘅貿易措施。特區作為單獨關稅地區嘅地位受基本法第 116 條保障，呢個地位並非外界所能取消。香港與歐盟多年來一直持續合作，任何破壞雙方本應互惠互利關係嘅惡意行徑，必定會損害歐盟及其企業嘅利益。
新聞公報： https://bit.ly/49d3RlJ
#歐洲議會 #維護國家安全 #香港國安法 #維護國家安全條例 #基本法 #香港人權法案 #新聞自由 #公平審訊 #及時審訊 #貿易
