【動畫】Re:從零開始的異世界生活 第三季 集中討論區 (3) 坐等2月5號再播

希望比佢型下作畫分鏡做好啲

分鏡演出導演藤井康晶透露《Re:從零開始的異世界生活》第60集（S3E10）製作耗時約一年半！

《Re:從零開始的異世界生活》備受期待的第60集（第三季第10集）已播出，本集帶來了緊張刺激的戰鬥場面，憑藉出色的動畫品質和導演手法，獲得大量網友們讚賞。負責本集分鏡與演出的藤井康晶透露，《Re:ZERO》第60集的製作過程長達約一年半。

發文內容提到，從分鏡階段到最終完成是一個「漫長的過程」。藤井特別強調第60集是一集「極具張力的戰鬥回」，動畫在播出後也確實見證了這一點。

本季動畫由 WHITE FOX 負責製作，為了保持高品質，官方特意安排了每8集之間有兩個月的間隔。第60集的製作時間長達一年半，顯示出該集在動畫方面投入了大量心血。而從最終呈現的效果來看，這份努力無疑得到了回報，讓這一重要劇情節點展現出極高水準。

本集的作畫之一的佐川遙也大讚
「這一集真的非常激烈，我學到了很多！此外，製作過程也非常愉快！感謝大家的努力！！！」

藤井則回應表示感謝，並補充說：「每個角色都又帥又可愛。」

良心到sir

有諗過做好耐 冇諗過做咁長時間
只可以講白狐能力就係有上限 不能完美

上限係用嚟突破既
今季對比第一季都有進步
我覺得之後幾集會仲可以更加出色

今季會唔會做到第六章內容同埋啲if線有冇可能當ova咁做埋，好似地錯咁劍姬外傳都有動畫化

If線應該就唔會啦

第6章之前有情報已經講2026年播 22集
會叫做第4季
我諗今年anime japan會公布

睇完就更加覺得製作組連風格都搞錯左
萊因同強欲既城市級戰鬥究竟去左邊？
因為強欲都會用空氣攻擊 Emt 係冰道近身戰都要左閃右避最後強欲分心撞牆跌落水先甩到佢
486同emt點避無敵左既水雨？ 卡通式打中左但其實打唔中 睇緊卡通咩
今集標題強欲攻略戰 點知得半集係攻略 仲要分時間比憤怒
更加唔好講推理強欲能力既過程大幅省略 令到你齋睇係理解唔到強欲既原理
甚至乎分鏡都好平庸
唔講呢啲 淨係翻舊帳
第二集486推開憤怒表現 刪
第五集 486完全唔理色欲啲bullshit淨係諗點帶庫珥修走 刪
第六集 486竟然要仆街等尤里救 一年來練既parkour冇用過
一直以黎都係原作寫好既野 動畫就無視左佢 捨難取易 點知去到真係要體現角色果陣就勁突允
今集仲要係做年半先整到 成集都係貓和老鼠咁 你追我趕 你要打我就唔打

我期待既係熱血同搏盡既追逐戰 如果連12集都要咁 真係唔需要期待後面

本身前兩日睇完都好地地覺得幾好 睇番零之幻影整理同小說對比先發現今集改得咁離譜 （殘體慎入
https://m.bilibili.com/opus/1033340303648489474

今季真係改得麻麻 唔明點解d人仲可以吹棒 上季比人狂屌反而改得幾好

講真 唔會睇大陸人講re0動畫 由第一季開始就集集就批評無乜幾可見到班人係讚
又屌作畫差 又話cut重要對白 好難服侍
完全無視咗動畫同小說係兩種媒介

要做你講個種效果既打鬥場面應該要wit studio 呢種大廠先做到

而家先播得2集睇埋落去先

EMT愈黎愈正

6章後啲web啲翻譯係佢譯 愛之深責之切 佢都係睇完覺得好唔掂先出黎講兩句 講得好中性

想像唔到第七章開始點動畫化

但有幾點我好同意，強慾作為成套嘢最bug之一嘅敵人呢點，動畫完全展示唔到出黎，動畫睇到嘅除咗肉體無敵之外，一啲都感受唔到佢攻擊嘅威力

但我當我從來冇睇過原文，上面啲嘢我唔care都好，客觀上睇就係覺得昴無端端破解到無敵，完全不明所以

咁嘅質素都話做咗一年半，睇完自己都覺得尷尷尬尬

所以我上面先話好大機會cut哂parkour
當然有人仲抱好大期望覺得唔會cut，我都希望係咁，但只能話好大機會失望
不過因為五章打鬥多，本身我都知白狐唔係打戲專長，所以無期望無失望，而四章多文戲真係唔錯，所以都知係能力有限，唔係hea做

覺得佢期望白狐太高
要平衡對白同動作 仲要有限時間內播完 難度大
保留動作 又要左cut右cut 少咗啲對白 然後又會不滿
加長播放時間或者cut op ed 即係原畫分鏡增加 資源不足 作畫質素就跌

都係個句 仲有6集 睇埋落去先

其實小說都係得啲小暗示
唔睇其他人解說 都唔明佢權能原理同486點解無啦啦理解咗

因為動畫冇講過佢哋係咩級數
例如486係5章大約弱於1般騎士勁過村民。中2虎睇落好廢，實際同劍鬼最優同級，之係精英中嘅精英，劍聖單手hea接中2虎獸化1拳，一般騎士已經秒咗，而強欲打得飛劍聖，根本超高攻。
只可以話動畫表現唔到佢哋有幾勁(冇數值)

確實係好難表達 因為強慾嘅能力違反物理原則