有冇識人係放棄人生好多事物都要選擇移民？

如果講英國教育
佢哋係絕對嘅精英制
最top嗰堆學生唔會跟學校進度
其他下面嗰堆唔讀
學校又冇所謂家長又冇所謂
因為唔影響前途
出嚟做嘢做咩都係搵咁上下

要比用大家最top嚟比
而唔係用white trash比香港國際學校尖子

仲有
香港大公司嘅華人高層
十個有九個都外國留學嘅背景
可以試吓將視野望濶啲然後諗下點解

你都識好多人移民
我個朋友去咗Kingston
入咗個香港人group
佢話都有四百幾人
問佢有冇人回流佢話兩三年都係得一個家庭話番香港
可能你個sample size再大啲

其實你講完一大堆嘢，自己有冇真正出去望過？

數學基本上係必修科，我望過小朋友本書，程度基本上同香港差唔多，唔好自己諗就當係

其次人哋唔係唔教你上爬，係鼓勵教育下向你有興趣方向發展，一間中學50幾個選修學科，學生跟據興趣行。眼界唔同，當你仲係到諗緊脫貧，人哋只要肯做已經生活無憂，你上面自己都犯駁，香港你唔係精英，就基本上難生存，仲未計本身香港而家環境有幾差

最後一點仲攪笑，最睇出身嘅就係香港，一間銀行請人，海歸有關係嘅優先，跟住三大，然後到其他，你係嗰10%精英咪有出息囉，但當你唔好彩係90%普通人，係咪要食屎？

外國唔係所有嘢都好，例如左膠風氣、外來移民、地區基建、政策混亂之類，但你上面講嘅嘢基本上人哋已經跳過咗，唔好再用自己個高度去度人哋高度

我無講過外國教育唔好，最簡單一樣野，最Top 既大學都係外國
而係外國普遍唔會逼你讀，你讀就讀，唔讀就做藍領
所謂為左小朋友，咩小朋友開心左，係好正常架，你問以前讀書唔讀書個班學生，佢地會好辛苦？
佢地全部都好開心架，日日上堂都係訓覺，咪一樣囉
有咩分別？

唔好玩啦，數學中學同香港中學一樣？
個個外國讀過書都話外國數學係BB班
生活無憂，咁即係外國無乞衣？咁個D拎老綜係咩人？
至於銀行請三大？咁我都唔知我個fd 原來係三大出黎，而家做到個間分行第二大
關係？個陣佢仲問我無關係點樣升
真心唔知，定係你指係寫字樓最大個班？

喺香港，如果體育藝術科研好有能力
點撚樣突破？

根本香港先係養咗一班冇能力但又高人工嘅人
個個死背書，背九因歌，做晒past paper就覺得自己好醒

香港式父母對學業嘅要求
再加上英國學校文化
其實更容易造就一批香港讀書唔叻
但係過到嚟就成績好好變尖子
仔女呢份自信嘅增長
你喺香港俾幾多錢可以做到？

咁大件事自己諗清楚啦 最緊要知自己點解走
個原因係啲咩 到時移左民有困惑迷失既時候
可以問返自己點解走 提醒返自己移民既初心
咁會好過好多 同埋唔好成日同以前比較

利申
初頭係會唔慣 做返本行人工稅後得香港7折左右 仲要搭粒幾鐘返工 但事情會慢慢好起黎 轉左工後人工冇乜變但可以fully remote 又多年假 得閒搭火車去下歐洲又得 再唔係英國本土揸車露下營road trip又得

初初走個陣最大原因係住係香港好唔開心 好怪既風氣
襯後生出去睇下個世界 反正我覺得未來旅居都會成為主流 得閒又住唔同國家幾年 幾年後又去另一個國家睇下住下 移民係有放棄又有得著 其實自己心態最緊要

中學生喺香港讀書成績唔好
原本係挫敗嘅失敗者
好多例子過到嚟重拾返讀書嘅自信同興趣

我就未聽過英國啲學生日日瞓覺喇
有親人喺英國教中學好差嘅State School 都唔會
搗蛋搞事就好多
瞓覺嗰邊唔興

你覺得名校真係全部識讀書？你係個方面有成就，其實名校就會搵人專門培養你
你讀書唔叻，佢搵個專人幫你讀到合格
定係你本身唔識?

香港一樣有大把呢D學校，只係比你更叻既人讀左個位
原來所謂移英既人，只係讀一般普通學校，仔女都係無咩特別能力，就以為香港無？

即係搵夠上岸
去到打風流工

當自己眼光短淺嘅時候，出去走一走可能真係會令你大開眼界，讀書嘅你未見過我唔多講，「肯做」生活無憂，你自己都識講外國藍領都搵到錢，香港呢？最後當大家講既層次唔同，差距自然大，而就算放棄一切都要移民，就會好似上面咁講個value比個price大好多

我講嘅銀行就係你講嘅寫字樓嗰班，而你所講嘅分行第二大，就係你口中嘅脫貧例子，所以眼界唔同，出嚟嘅結果自然唔同，任何地方有能力都可以向上爬，唔好自以為是，香港搵錢容易係以前一路跟住歐美發展成果，是問而家係香港做生意仲有咩出路？

「…名校就會搵人專門培養你
你讀書唔叻，佢搵個專人幫你讀到合格…」

究竟係你幻想力豐富
定係你對所謂名校冇親身認識？
你嘅諗法理想到顛覆我幾十年親身嘅經驗
香港咩名校有咁嘅服務？

香港名校之所以係名校
並唔係因為間學校令到啲學生變成優秀名校學生
而係有一班好優秀嘅人集中喺一間學校令到嗰間學校變成名校

考試制度、面試篩選、家境調查已經大致上將最top嘅學生集中埋喺幾間學校
「搵個專人幫你讀到合格」真係聞所未聞

其實如果已經上到頂點冇咩好追求
即係已經享受過高光時刻
而家退落黎輕鬆下唔好咩
香港人其實就係太多呢啲比較心態

爬上去都係為錢，搵夠唔通仲要辛苦唔通為興趣咩
有一大舊錢喺手保底，打份鳩工保持現金流，得閒去旅遊去享受人生

你以為佢放棄好多野，或者佢覺得自己得到好多野

講啲唔講啲

原來你唔識

我用自己做例子，雖然我唔係咩業界精英，但喺香港時都係manager grade
移民（加）後有d好彩做返本行，但好似樓主咁講真係junior 做起。 但係呢邊d傻鳩能力一般，我有時返而教返個manager轉頭。 機會一到都升職同大幅加左人工

有硬實力嘅人，加上一d運氣啦，好似你講咁去到邊都遮唔住佢嘅光芒。 我唔係話我有能力，相反係我呢啲垃圾都捱得過，真正有能力嘅人更加唔使擔心

早啲瞓
唔好對名校有咩不切實際嘅幻想
名校勁嘅地方唔係間學校
喺班學生

香港真嘅名校其實不嬲都唔係谷讀書
而家搞課外活動為主
然後畀啲學生學咩叫 time management
越名校嗰啲個老師就越唔撚理你

成壇比賽、成壇開放日、成壇表演
老師係唔會插咀，全權畀學生決定

所以啲純粹谷成績嘅新興名校，永遠都變唔到做名校，因為嗰啲學校多數老師捉住學生隻手搞呢樣嗰樣，然後又呻多行政野做


好多人去到大學先第一次接觸做幹事嘅概念，或者走堂嘅概念
但名校嘅小學已經有得投票選學生會

好多人唔明呢樣
成績唔係名校嘅 product
而係 train 到一班有責任感同識 time management 學生嘅 bi-product

再唔讀書都有聽過孟母三千

做父母嘅當然係想為下一代創造成功條件，唔通留喺香港學最緊要國安同一片空白嘅習近平思想咩

終於有人講返出黎

成班人未接觸過就一咪話香港學校點唔好

老實講

我自己都係垃圾學校

係小朋友之後接觸先知咁多

好多移民既人一味贊外國點
但原本係比較緊普通學校

唔係名校

小朋友有能力其實學分唔係最top一樣可以入名校
仲會學到好多野

思維都唔同

但移民可能本身同我一樣讀垃圾學校
所以唔知

英國嘅教育制度一樣
最top嗰批被篩選出嚟
然後放埋一齊
就會出到最勁嘅人
所以英國都有好多名校

香港同英國嘅分別在於
香港讀唔讀書都會逼你讀書
所以你最自豪嘅乘數表幾乎人人都識
因為你唔識就罰抄罰留堂

英國讀書你唔識唔會逼你
因為最top嗰批自自然然自己會搞掂
唔識個批自己又有出路
精英制分流係香港嘅始祖