IBKR唯一用途係兑換外幣、長擺收息股

香港 有分別咩

因為致富郭董親自開左個TG 群收集User意見。呢樣野係佩服佢

出金要收$20都大把人介意啦

唱錢差成舊水點會「間間一樣」呀

如果你唱得一萬幾千可能真係無乜分別，但係對啲有少少身家既人黎講，㩒多個制來回慳返幾萬蚊，又真係何樂而不為

呢啲先係有用資訊

唔係誇張 我覺得咁多平台入面致富個介面係最靚 而且真係好貼心 無論你要孖展定係要做期權全部所有費用會有個參考費用計好晒俾你

不過佢感覺上規模好細 亦都唔夠啲大財團疊水 唔知佢可唔可以長期做得住或者利潤到底多唔多

我以前都以為冇 因為工作 澳洲香港兩邊走 喺澳洲因為電話認證唔到香港個戶口

有聽過啲人話香港個IB係唔算離岸 咁我就索性喺澳洲開咗個

點知 澳洲嗰個 申請保證金戶口都已經好煩 就算申請到個孖展額都好細 冇香港嗰個咁靈活咁大 仲要 我諗住將澳洲啲股票射倉去香港嗰個 點知佢哋Office話兩邊係唔連通 我先知原來係有分別

其實我都係話差唔多啫 我都冇講過一樣… 不過都多謝見到你哋啲比較自己都清晰啲 加上可能我額度冇呢度啲巴打咁大 所以個分別唔算好明顯先唔覺

佢如果係收平一截，應該引到好多人去用


可惜，世人都係貪平既多

我只知IBKR係出唔到澳紙去銀行戶口，只出到主流貨幣，例如USD GBP EUR JPY，


可能因為你所講，澳洲同香港IBKR不互通

佢呢間嘢啲客戶忠誠度都幾高 基本上我身邊啲朋友用得佢 都係純粹為咗感情 好少可有平台會咁

同埋仲好有人情味 印象中你孖大咗佢都唔會亂咁斬你倉 唔會好似其他平台光速斬倉 流動性負數佢點都會等下你

缺點就係冇乜優惠 又唔係特別平 孖展亦都係比起其他平台貴

係呀 所以而家搞到我有好多個戶口 淨係IB 都兩個 互不相通 搞到我都心大心細好唔好group埋同一個就算

唔係特別平係死症黎

好難吸到新客。

你揸唔掂法拉利，你應該揀Toyota
但你係都要買法拉利，法拉利都會照賣俾你

牛牛之前啲人話做咗對沖但牛牛唔識減孖展
唔知依家仲係咪咁

起呢個討論區唔係講IB好處既直接會當你反美國

真呀
Futu 個介面親民啲
出入金又方便

咁有邊間可以買歐洲版美股ETF

唔好用嘅IBKR

嘩差成8萬

不過我對致富證券都有啲感情 雖然已經勁耐冇再入錢入去 不過都仲有啲收息港股喺入面 已經好多年係咁股息再投資
可惜就係佢冇其他優惠都算 仲要孖展真係比起啲主流券商例如牛牛 IB 貴一大截 不過真係好有人情味 幾乎係唔會斬倉 就算你個倉真係好大鑊非斬不可 佢都仲係會打俾你或者俾個email你俾多一段時間你 我人生係第一次遇到證券行係咁有人情味所以我都希望佢可以繼續營運

另外我想請教吓你 因為我太多股票戶口 如果你想將啲股票group埋一齊你通常係會選擇轉倉定係放咗 之後將啲資金入返落去新戶口再買過？ 其實邊樣會好啲

唔係話咩 我純粹唔係好明點解好容易郁啲就變咗罵戰 討論區嘅初衷唔係就係要討論嘅咩？
大家都係散戶純粹想互相交流吓情報啫 甚至唔好講講股票平台 有時你提起某啲股票又會俾人叫你：「靜啦 靜靜地贏唔得嘅」 如果係咁咁要討論區嚟做乜？

不過 我都已經用咗IB好耐 經歷過咁多證券平台 我覺得你純粹買賣又冇乜特別期權期指嗰啲操作其實差唔多 但係講到孖展 IB一定係最仆街 可能呢兩年個股市都幾平穩甚至牛市 好多人未經歷過佢既光速斬倉 甚至明明你有錢可以入錢佢一個email都唔send俾你直接斬

所以亦都係我對致富有情意結嘅原因 當年肺炎 孖到最盡 用盡晒啲購買力跟住股災 點知完全冇斬我倉 佢哋啲同事仲打俾我話 其實當時俾我個購買力佢哋已經計過 其實就算用盡晒啲購買力都仲有位可以緩衝 捱過咗就好 結果 完全冇補過倉

不過當然啦之後啲主流平台太抵用 我都已經冇再用佢了 純粹係有啲港股擺喺度囉 嚟緊出花紅可能都會入返錢入去幫襯吓

不用特登Group

多一個都有多一個既便利

不能類比


服務業講服務


賣產品唔使講服務，你完全唔識字都一樣可以買到書