靚女KOL發長文指控《造星》前男友出軌食軟飯：無縫接軌終於食到咁大兜軟飯

都一樣

17 回覆

1 Like 10 Dislike

都一樣 2024-11-26 22:56:52

靚女KOL Sarah喺IG擁有超過6萬名追蹤者，不過佢喺噚日（25日）唔係上載靚相同網民分享，而喺發長文指控曾經參加頭兩屆《全民造星》的前男友「表弟」容穎賢（Kenny）出軌、攬住阿姨、每段感情都overlap兼食軟飯，引起網民熱烈討論。

容穎賢除咗參加過頭兩屆《全民造星》之外，仲參與過《PTU機動部隊》、《黑金風暴》及《戰毒》等影視作品拍攝。至於感情方面，容穎賢與「英皇小花」許靖韻分手後與Sarah拍拖，二人拍拖一年半，期間不時喺社交網站上載合照放閃，不過原來佢哋已經分手。

喺噚日，Sarah喺IG發長文大爆舊愛出軌攬住阿姨兼食軟飯：「叻仔，無縫接軌終於食到咁大兜軟飯，之前仲成日拎阿姨同小鮮肉離婚單新聞出嚟笑，今日終於到自己接到呢兜軟飯，你唔同我氹到呀姨一億幾千萬唔該你哋千祈唔好分手，白費咗你幾段食人軟飯嘅經歷。」之後Sarah爆出二人拍拖時，原來男方仲未斬斷「上海富婆」舊愛，就同佢開始，並指男方每一段感情都係overlap。之後Sarah再爆男方去半山參加聖誕派對係為咗令阿姨埋佢身及每次去完酒局都嘔，要女方幫佢執手尾，而IG亦追蹤多咗一堆新女仔。

苗撚準備 2024-11-26 22:57:24

你揀啲fuck boy預咗㗎啦

都一樣 2024-11-26 22:58:30

Sarah再話原本諗住算數，不過前幾日竟然見到佢喺蘭桂坊攬住阿姨出席公開活動：「我哋嘅分手係因為你有其他人，本來我係諗住護你面子護到最後，畢竟你要簽公司 ...我本來認為你值得我還你一場最體面嘅落寞，我淨係想所有嘢都算數，畢竟我都用咗一段時間先展開自己嘅新生活，我已經喊到好攰，唔想再活喺呢個漩渦入面...分手係我提出，亦都係斷崖式，我淨係想各不打擾就完咗佢。點知你幾日前喺蘭桂坊攬住阿姨出席公開活動，開心完一晚之後..都仲可以繼續打俾我，YOU MAKE ME SICK，9月23日同我講完"老婆一年半快樂"，分手三日之後即刻攬住其他人，你係咪到呢一刻都覺得兩年嚟你玩嘅嘢..我係咩都唔知?」

長文出街後，容穎賢聯絡Sarah，而Sarah亦有將對話截圖公開，容穎賢問Sarah係唔係有誤會及解釋半山party嗰日人哋老公在場，並希望Sarah先刪除Story。Sarah堅稱男方與「阿姨」唔止見過咁簡單，仲以情侶身份出席公開活動。容穎賢現時已把IG帳戶轉為私人賬戶。