1天 ·
ERROR 同阿暉上嚟《爆谷》宣傳新團綜，本來諗住嘈喧巴閉、互相攻擊，為觀眾獻上一粒鐘熱熱鬧鬧實肉娛樂便完事，但諗深一層，與五子成兩年冇見，不與抽一 Part傾吓心底話。
值得多啲觀眾認識阿暉，他是 ERROR背後的大腦、也是好朋友，共同進退。其實阿暉外型都唔錯，成個 Heavy Metal版西門吹雪咁，不過就冇佢四個咁唔怕醜，加人 ERROR 盞淪為最呼之欲出俾人攻擊嗰個。
Dee Gor最唔需要擔心，又有運、又有勢、仲有樣添。開始要諗吓，點樣由側邊嗰個轉做中間嗰個，今年同咁多大孖沙合作過，應該取咗好多經，來年好好實踐。
193成日有種斯人獨憔悴，心事無人知的淡淡商業奇才憂愁。歌影視不斷有新人加入，特別係多男仔，真係要不斷進修自己，才能確保在圈中繼續生存，靜待機會發圍起 Pair 。
肥仔就最有分數，唱歌跳舞排舞幾瓣都係硬嘢，手上有牌，心中有數。期待肥仔有機會以動作演員震一吓乾坤，例如《九龍城寨2》新生一個又打得、又冇膽、又有義氣、又為食、又冇膽入情關的肥仔角色，應該會搶過信一，分分鐘型過龍捲風。
拍呢集《爆谷》嗰陣《呢度住吓嗰度住吓》未上架，未出現咁多新一輪圍揼保錡的聲音。正如保錡在《爆谷》中所講，希望能夠做自己想做嘅事、令自己開心嘅事，人哋點講，人哋嘅事。某程度上係啱嘅，係唔多使理人哋講乜，亦唔理得咁多，但係要確保自己做嘅係正確嘅事先，間中 Bad吓、Naughty吓冇問題，但在大環節上，就冇價講，已經唔新了，冇得含糊了。
大埔保錡，共勉之！
肥谷都已經好比面咁屌
