助手人工都出唔到？
我上年6月開始幫香港一個李姓（主持過好多間銀行、地產、車行、飲食、展覽、賽馬會等大企業活動）嘅女Emcee做佢+佢團隊嘅助手，但由今年7月開始到依家都未出糧同埋之前幫佢代付嘅錢。
- 2024年9月29日已經結束合作關係
- 2024年10月13日我等佢填完每單job出幾錢糧俾我之後，即晚以WhatsApp send咗4張invoice（分晒月份）俾佢。
*其間問過2-3次，佢唔係話「忙」，就係「會計飛咗」。
- 截至今日，佢覆我「總之我公司要收足晒錢先找數」。
原因：我幫李做兼職助手嘅同時亦有接A公司嘅freelance。
（A公司係未找晒數俾佢嗰間公司）
作為一個Freelancer，邊個俾錢邊個就係老闆。但佢就將商業糾紛轉嫁到我身上，好似搵我嚟出氣咁！
*其實夾做嘢嗰時都尚算愉快，冇拖過糧（所以冇狂追過佢找數，每次佢問我嘢，我先搭嘴問多次幾時找），冇諗過唔再一齊做嘢之後個真面目係咁！
補充：佢最後話肯用私人户口找咗之前幫佢代付嘅錢先，未收到，亦冇講幾時找。
