52歲TVB有名的綠葉戴耀明曾經拍過無數的經典電視劇，今年更完成新劇《刑偵12》的拍攝工作。最近有消息指戴耀明於「飲食界富二代」張本立（Billy哥）黃大仙的茶記開工，日前《香港01》 獨家直擊戴耀明開工情況，更捕捉他在茶記現場為食客落單、抹枱、洗碗，以及倒垃圾等。戴耀明接受《香港01》訪問表示：「唔係轉咗行，因為同Billy哥講開做演員都唔係好穩陣，近排又得閒未劇開，咁佢就話不如你去實習吓（餐飲業）啦！如果冇嘢撈就開間餐廳，就學習沖咖啡同埋奶茶。」
自爆每日收入得三百至四百蚊
談及是否要做侍應幫補家計，他直言：「近排又比較少嘢做，做演員係唔知道，可能下一年冇嘢做，或者簽好多年約，如果冇嘢做嘅時候都想搵一門手藝，做第二樣嘢都可以生存到。」至於工作的薪酬，他透露：「我冇乜出人工嘅，以我所知每日都可能係三百至四百蚊人工，一個禮拜就通常有一日假放，一個月起碼返28日，一萬幾蚊一個月。」
原文網址: 獨家｜戴耀明冇劇拍做侍應 踎地洗碗起身見頭暈：要啲時間習慣 | 香港01 https://www.hk01.com/article/1078642?utm_source=01articlecopy&utm_medium=referral
