窮撚讀國際學校(3)

首先利申：我個女當年都係讀pn，之後跳咗船。

我自己睇法：維多利亞一半英文一半普通話(十幾年前係，唔知而家係唔係），以我阿女嘅資質如果完兩年k，水平一定唔及其他同is幼稚園嘅小朋友。
當然客觀數據每年都有一定比例嘅畢業生升到國際學校；
我都識人讀維記再升國際學校到最後考ib攞45分，但係唔係因為入咗維記令佢自動達到呢個目標；你係個別家長努力栽培得出嚟嘅成果，唔係只因為你入咗某一間幼稚園？

問左，學校會派晒俾幼稚園生先考慮central application 的applicants. 如果咁真係要諗清楚係咪俾佢讀埋幼稚園好啲，唉

我小朋友都係中途跳船一樣咁諗
如果跳唔到既話，都唯有繼續Veo

其實你覺得小朋友資質係咪細細個就睇到？係咪3歲真係定80？
個仔而家4歲，感覺比其他小朋友慢DD，選擇比佢讀國際學校就係唔想佢喺local school同人比較冇哂自信心，感覺資質平庸既小朋友喺國際學校都唔會比人無視

簡單回答：不是
我仔女讀ESF，小學直到IGCSE前mock exam 係冇考試
高小階段任何assessment 唔會有名次，見老師時只會個別分享進度，好嘅唔會讚你，反而多關注係個人development，點樣可以做好D；差嘅會鼓勵及建議你如果努力ー下。

當然，我差唔多參加晒所有家長可以參與嘅function,至於邊個小朋友醒D，最早Year3先開始係有端倪看得出。
說句老話：小時了了，大未必佳。是真的。幼稚園階段那個小朋友進度比人快，不必認真。

同問 本身無諗住出國移民
但老婆想個仔讀書開心 想報國際學校 屋企唔係富貴
但學費都俾到 依家都好猶豫點行條路

ps 個仔岩岩1歲

想佢開心，又負擔得起其實唔使諗
你想唔想佢讀local有勁多抄寫，勁多無聊嘢學？

控制好生育，唔好因為有意外令到家庭多咗負擔讀唔起就OK，因為見過唔少呢啲例子

計好晒數，學費，debenture (if applicable)，校車，膳食，ECA，咁就搞掂

想問下英基一條龍點睇

其實點解咁多人想入SJS?

成績好

客觀事實:
一條龍:升小升中唔洗再搵學校, interview; 俾心機做好自己已經足夠;
英基: 唔係最好唔係最差但係全港最大;大集團管理有據可依比較穩定;
主觀事實(用家視角):
我個仔一條龍;阿女行左小小彎路; K冇accept ESF offer; Year 1去左RC, 過幾年先歸隊(如果要再來一次, 我一定送個女由K讀起);
做ESF家長冇太多壓力; 升大學又可以俾仔女自己揀讀咩科。

最後補多幾句: 學校只係一個平台, 做得好唔好, 行得幾遠, 大部份靠學生同家長願意付出幾多。

啱啱google完 SC 2024 IB result; 45.6% 40+;除左CLS, 唔知可以講咩。

可唔可以講下你仔女大約咩成績？我都想好似你咁放手，但又想仔女有36分or above.

人比人, 比死人。
讀IS唔好同人比較, 永遠係同自己比較, (由K到中學老師都係咁講),一天比一天進步已經足夠。
我都唔算係放手家長,不過唔洗晚晚做書僮伴讀,做埋D無聊功課做到十一點, 7日一小測, 每月一大測, 已經賺突好多。最辛苦反而係2-3歲時日日陪讀, 捱到Year 1佢地可以自動波搵書睇已經可以脫苦海;
不過讀IS做家長想插手其實機會唔多, 冇必要就唔好學Kumon; 學術上有冇用唔知, 但做得多一定扼殺個人創意;