時間原來真係過得好快，快到不知不覺間就開始焦慮

純粹冇地方抒發情緒，唔知可以搵邊個，up係心好辛苦，所以想打一大段野抒發咗佢，如果各位TLDR都唔緊要，感謝大家。

可能人大咗，最主要係慢慢地真係意識到自己大緊老緊，有種時間唔夠用，時間唔能夠調轉行既感覺。其實我真實年齡唔係話好大個，今年25/26左右，相信好多巴打都只係同我差唔多/大過我。有一句說話我以前聽過，「人真正老去既個一刻就係覺得自己老去個一刻」，我依家就係有啲咁樣既感觸，近幾年一直un住個心，唔知同邊個講邊個傾好，積積下就係辛苦到依家真係要打一大篇野想同人講我既憂慮同煩惱。
以前一直覺得咩都慢慢嚟啦，急唔嚟，份工人工低唔緊要，之後會好既，轉工會高d既；結婚慢慢啦，組織家庭都唔係一朝一夕既，睇定d再磨合下先啦；又會覺得人唔使進步啦，見步行步，大咗自然會識多d野架啦；去旅行更加唔使講啦，去旅行冇咩特別啫，度度都差唔多架啦，咩世界好大乜乜柒柒都係人地想曬命話你知佢去過好多地方啫；最後係身體，個廿幾歲驚閪咩，點會有事呀，身強力壯啦，使乜keep，想食咩咪食咩囉大把quota。但係原來人真係好有趣，短短三四年，想法態度係可以180度完全轉變晒。

到底幾時先會人工高啲？為咗呢個目標日日自願OT吸收多啲學多啲，反而係依家廿幾歲，先真真正正聽得明老母同老師以前講個句「學到既野係自己既」。身邊嘅朋友個個人工4/50K，自己仲係得20，好想個人進步去跟上唔同人嘅步伐；結婚又係，呢個年齡嘅人，逐漸又開始結婚，婚禮都去咗幾個，見到有啲算係羨慕啦，亦都諗起原來自己拍咗拖都差唔多10年，個女朋友陪咗我咁耐，中間亦都發生咗好多嘢，佢對我又好包容，我都想俾個家庭佢，為佢既餘生負責任，成為一個更好既人；改變得最大想法嘅就係人係需要進步，依家個人想進步嘅心係非常強烈，係想全方位乜嘢都可以進步，待人處事啦，工作上啦，管理控制情緒上，知識上，想學多啲技能，咩潛水，網球，做gym，投資，學下其他語言，好想涉獵多啲野；哩幾年好多地方都想去，去過外國一次先發覺世界真係好唔同，先至去相信人地個句世界好大唔係曬緊命，原來真係好大好大。好想見識多啲，識多啲唔同國家既人，試著去理解同融入人地既風土人情同文化；講到身體，以前行得跑得，運動細胞都算有啲，依家就發覺跑唔郁，打個波都跑唔哂全場，想做啲野令到身體好啲，會做少少gym，戒少少口，食下啲supplement，因為真係意識到冇哂quota。

以上既所有野係幾年前真係估唔到自己會咁諗，邊個打篇咁既野我實笑9佢添，但係原來時間哩樣野真係過得好快，可能由細到大唔鐘意讀書，讀書嘅時間反而感覺過得最辛苦最耐，出嚟做野之後先體會到「歲月如梭」呢四個字係咩意思。
可能你會覺得先廿幾歲係度扮老積做乜9，但係真心原來覺得自己老個下係真係成個心境都會老哂，覺得咩都嚟唔切，嚟唔切進步，嚟唔切去多啲旅行見識多啲開眼界，嚟唔切去愛去珍惜去對身邊既人好。除咗對自己時間既焦慮，見到老母慢慢都老，唔同咗，哩樣差個樣差都係其中一樣好無力既野。

時間只會向一個方向走，如果你係一個細過我既巴打請記得我講既哩一句，依家你真係未必體會到，但係可能短短幾年就會明白，所有野都冇得返轉頭，唔係話依家唔好之後好啲就得，因為冇咗既時間係唔會返返嚟。記得珍惜身邊每一個人，每一次聚會見到既家人朋友，你鐘意既唔鐘意既，因為當有一日你地越行越遠你就會不自覺地有啲掛住佢地。到今時今日先完全明白到「陀飛輪」哩首歌入面既每一字每一句，「霎眼廿七歲，時日無多方不敢偷懶」，真係好好好好深刻，仲有「懷舊金曲之夜」既「不再年輕，都想感覺年輕」，哩啲歌詞個種身同感受既感覺依家真係好難受。

抒發咗咁多都算係舒服咗，希望我人生淨低既時間足夠我變成一個更好既人，希望我記得珍惜每分每秒，好好對身邊既人，工作努力啲俾好啲既生活家人同女朋友。多謝咁多位巴打，都祝你地可以過得更好更開心！

時間是不存在的

活在當下 望咁遠做乜

唔識分段/打標點符號？
死左佢算

先岩岩出黎做野冇耐既𡃁仔講埋啲咁既野

40 先焦啦

到咗父母老病，子女反叛，份工唔穩陣，性能力減退，夫妻關係冷淡的中年階段先至係大大鑊，廿幾歲絕對唔係最困難既時候。

+1

你幾年級？先生仲未教咩叫分段同標點？
人哋樓主做足晒

25/26都唔係老，好多人都渾渾噩噩未發圍。識講學識緊要就付諸實行，增值自己。做好準備，3字頭先係黃金時間。

放心啦，有排你愁
第日嘅嘢第日先煩啦

2尾又覺得2中好年輕 咪ON9

所以要居安思危

樓主幸福過好多人
比上不足比下有餘
咁都好焦慮

過多幾年可能發現自己天資有限
都係躺平做個普通人hea吓就算

快撚啲死 浪費個女人青春仲好意思吠

你好!
在你的文字中感受到你正面對着很大壓力和痛苦。自己一個人承受着，真的不易。如果你不介意，讓我們陪伴你一會，好嗎?
你可以進入網站內的『Chat窿』 https://chatpoint.org.hk/ （星期一至五：下午4時至凌晨1時；星期六、日及公眾假期：晚上８時至凌晨１時），和我們的義工傾傾吧。

我們願意聆聽你的心聲，伴你一起走過這段艱難的時候！

你講得冇錯呀 所以先要依定抒發 唔想去到之後爆煲

主要原因係窮

講得好啱 我哩篇野都有啲算係告誡自己 淨低既時間要好好利用

唔係話自己好慘 只係焦慮既野控制唔到 覺得自己話咁快就30 然後唔知點解好快會諗到好遠，例如點面對死亡，然後又順勢會諗到會睇住老母離開 點面對

多謝 但冇事既 係個心唔舒服啫 唔係想自殺
哩頭講完要珍惜 唔會轉個頭輕生啦