兩個同年紀嘅人，如果一個讀完中三就出嚟做飲食業，另一個就繼續死讀爛讀考入大學
讀完大學嘅話大概22歲，即係話如果中三就開始出嚟做飲食業嗰個，已經早過當初選擇繼續讀大學嘅人做嘢七年
白紙嘅全職樓面或者廚房當15000一個月，飲食業不嬲包食，返工嗰餐已經慳返
嗰個年紀正常同屋企人住，可以唔使擔心住屋問題
當出嚟做嘢嗰個同讀大學嗰個都係唔使俾家用，中三出嚟做飲食業做咗七年嗰個，七年之間工作收益已經足足有$1260000，而讀大學嗰個一係就要屋企人俾錢，一係就孭落一身學債
條數計到黎呢度暫時係:
(中三 )=$+1260000
& (繼續死讀爛讀大學)=負債
可能有人會話讀完大學之後先起步人工都會唔同啲，呢一點冇錯，如果係同一時間用一個大學生同中三畢業嘅人嚟對比，的確係大學生優勝
但係唔好忘記，當初兩個人係相同年紀行唔同嘅路，即係話中三嗰個足足提早起跑咗七年，而飲食業亦有晉升同埋加薪
而家白紙月入15000，當佢做咗七年之後，到時可能已經升咗做餐廳經理，月薪已經去到兩萬中 甚至三萬頭，而且佢係七年時間入邊已經賺多咗一百二十幾萬
而當初選擇死讀爛讀入大學嘅人，出到嚟就肯定唔會做飲食業，而且大學生一入職人工亦都唔見得好高
而佢返工食飯係需要自己俾錢，飯錢我當佢每日都淨係晏晝嗰餐出去食，夜晚就食屋企，午餐計到佢最平一日用$50，當佢一個月返22日工，淨係每日返工嘅飯錢每個月都已經冇咗$1100(已經計到佢最平最乞兒嘅食法)，而做飲食業嗰個，七年間唔單止收益過百萬，仲要已經升咗級加咗人工，返工又日日包食，每個月仲有獎金貼士
而嗰個大學生，唔單止遲人七年起步，戶口要由零開始，仲要爭落一筆學債
所以話，與其死讀爛讀入大學，不如正正經經讀完中三出嚟做份飲食業
此文章由連登教主（熱奶昔雪糕）所發出，連登教主萬年不老、仙福永享、壽與天齊
