勿相認
今年24歲
考過兩次DSE，10分
之後讀咗半年Found Dip就冇讀落去
頹廢咗一年，冇做嘢冇讀書
過咗呢年，貪玩又加上冇錢洗嘅情況底下搵咗份cafe工番下
一做就做咗3，4年
中間有試下唔同嘅工
不過都係圍繞住cafe
呢3年入面，有一年我的起心肝報咗毅進讀
讀完個毅進我冇讀上去
俾咗一年時間沉澱自己
問自己之後條路想點行
事實我諗唔到
兜兜轉轉
有個朋友想開甜品鋪
佢見我做嘢有交帶想搵我去幫手睇舖
做咗6個月
中間因為錢銀問題冇做落去
咁呢幾個月期間我plan 咗唔做嘢之後就去歐洲
一玩就玩咗一個月
雖然冇好融入當地嘅生活
但見到呢個世界好大
見識到自己目光短淺
而去旅行之前
其實我已經計劃好讀asso
查過哂8大之中有辦嘅學院
有咩科係適合我
IT,nutrition,science不等
最終揀咗對我有利嘅科engine
今年year 2
開sem到而家唔經唔覺1年有多
識到一班有心讀書嘅同學
自問自己喺呢段期間係好好彩
同學成績都唔差
有問題都可以請教佢地
有一次上堂有問題請教隔嚟位嘅師兄
雖然素未謀面
但佢都樂意解答我嘅問題
最後發現原來呢位人兄係上屆頭一
好感恩
平時會問好多升學上嘅問題
佢都好有耐性覆我
分享咗好多source 俾我
Even 我冇好好利用呢啲資源
最尾出嚟嘅成績都唔差
但都及不上他
所以都有些少慚愧
呢刻我知道我天資有限
我並唔係想炫耀啲咩
但有咁好嘅資源同環境
我都仲要擔心我考得好唔好
係咪有啲奢侈同不切實際
其實我打咁多嘢嘅目的係我唔肯定我條路行得啱唔啱
今日開連燈追Po
好多評論都話工程界等乞食
當初讀番書就係唔想再做啲人人都做得嘅工
想喺事業上有發展
其實我想入HKU mechan
而家要面對嘅係搵食同興趣係咪真係可撈埋一齊講
係咪唔應該抱咁大期望入Kongu
唔想跌得咁傷
再者
早幾日派咗部分功課同test 嘅grade對唔住我自己
發現原來現實真係好似人哋咁講
唔努力一定冇回報
不過付出咁多
唔一定會收穫咁多
而家嘅我體會到
唔知呢一次教訓會點影響到我做事或者讀書上嘅心態
而家我要面對嘅係甩咗成個sem嘅科可以點追
仲有兩個禮拜就exam
感覺注定咗要同成續呢樣嘢講再見
加埋上面講嗰啲assessment
係咪唔應該再追求咁高，要現實啲
失眠咗兩日，聽日瞓醒我仲要番去補課
請指點迷津
囉
卅歲仲讀緊書真係唔話得