[劇透討論] 點睇翁子光/劉青雲新戲《爸爸》 (Papa)

破地獄最後真係有喃嘸佬唱主題曲

劉青雲都唔敢得罪班柒頭鏡粉記者啦

從今以後都好好，唔識比較

一啲都無怪個仔，而係生離死別唔捨得個仔嘅眼神

係喎，唱k依場咁緊要竟然唔記得咗

edan最尾嗰幕應該係爸爸自己幻想出嚟

翁子光成日拍依啲咁沉重嘅戲

人地最重要最激動個幕俾你話多餘咁北上唱K個啲都多鳩餘，直接不停同個仔寫書信完撚咗佢吧啦

咩垃圾片黎，未睇過拍得咁差既電影

首先成個故事剪到極零碎，好似將幾百段野亂咁合併出黎，d時間次序亂鳩咁黎，上一秒個女教緊老豆用緊手寫板，下一秒個仔又係法庭出現，基本上完全入唔到戲，每跳一段戲都要重新諗下呢段又係咩時間線，講緊乜鳩，睇得好辛苦下

其次就係完全感受唔到個事發前後既變化，明明大好家庭，老豆又做老闆，個老婆又好，又一仔一女，咁幸福美滿既人生一晚乜都無哂，劉青雲知道自己家庭巨變竟然好冷靜？亦拍攝唔到人生巨變之後，自己一個人生活既變化，衣食住行，應表現唔到果種傷心，晚晚間屋得番自己一個，同隻貓相依為命，除左叫個女開燈無人理，一d都感受唔到

第三就係無好好描述同個仔果種關係同矛盾，明明呢個係亮點黎，應該好憎個仔殺左自己老婆同個女，影響哂成個人生，同時又會好關心個仔因為已經變左唯一親人，應該處於憎恨原諒關心呢d好複雜既矛盾思想，竟然又完全無提一味係咁問個仔做咩咁做

第四係個仔點樣成魔，內心點解叫佢要殺自己呀妹老母，點出現幻覺，完全無提，殺人果幕應該要係高潮位，竟然用慢鏡+音樂勁求其咁就過渡左

同埋成套戲加好多粗俗野，唔係咁樣就叫貼地，不停食煙、講粗口、講叫雞，可以有呢d但唔係集中係呢d野度，一套130分鐘既家庭悲劇電影竟然乜亮點都無，真係佩服

呢套野唔係有劉青雲我半個鐘內一定離場，根本只係Netflix爛片水平

破地獄幫屍體化妝 處理遺體個場面 好似仲多過破地獄

現實中好多人對奇案有興趣
你見好多人睇原子就知

咁岩有個人又對奇案有興趣 又係做導演就拍左出黎
佢拍風再起時就冇咁好

終於有人講出我心中所想🫂🫂🫂，太零碎，浪費左好多好演員

但係，問阿仔點解咁做，任何人都會嘅🥲 始終都係一場悲劇

好多感情/矛盾都冇寫到

有一點都有些唔明，點解有幻覺，話得精神病人，根本冇解😅 唔係都唔叫精神病

我睇嗰陣諗嘅係劇情擺明將個仔推向係SEN，而SEN入面有唔少都會連埋有語障，要言語治療師幫手tune。可能係有咁嘅用意

認同
今次套戲似新詩
跟住意識去行，多過有乜野事件去講
關心人多於關心件事係點發生

藝術係主觀
自己喜歡乜野就乜野

師兄係咪Syd Field 年代
覺得電影必然係三幕結構嗰啲人
如果係，咁呢套戲的確唔啱你睇

當年個仔係話睇左九把刀所以咁諗

九把刀即刻跳出黎話唔關佢事

風再起時擺明係佢太貪心
最後出街剪到狗咬咁款

除咗第二點同第四點之外都好認同
點解屌套戲就要食負皮

唔係話唔可以做插敍
但佢插敍的確執行得唔順暢

同正義迴廊真係爭好遠，因為有法庭戲作為主軸令插敍嘅時機易處理好多
但爸爸嘅主線就係劉青雲一個人嘅獨腳戲
仲要係一個內歛唔太表達嘅中佬因為家破人亡而頻臨痴線嘅人，角色行為好零碎，似偽紀錄片多過劇情片，但就係主要時間線上有咁多留白嘅狀況下仲要插來插去又唔交代嘅話，普通觀眾覺得寫到一岩一忽都好正常

認同技術成份係高，但以一套商業片嘅角度睇就係難睇同人血饅頭，唔明有咁嘅見解嘅問題喺邊

其實咁多年無返屋企，第一次返嚟一個佢長大，但殺咗自己親人嘅地方，我覺得情緒應該會激動啲

淨係用商業片角度去睇一套文藝片已經有問題啦

屌 本身唔係問題
問題係屌得低級
個結構唔係商業片嗰種線性
已經係fabulous and syuzhet 嗰種非線性
跟住你就話以商業片角度

喜唔喜歡絕對係個人喜好
鍾意商業片都唔係錯，都好多出色作品
錯就錯在屌得低手

真實個爸爸幾歲，個老婆又幾歲？

幾真實，娶大陸女人，好貼地