老母成日呻煮飯洗碗辛苦，然後每次我咁講佢就跳掣

好多人鍾意食老母煮飯，話有家庭溫暖。「日日幫你地煮飯洗碗好辛苦」呢d說話我由細聽到大，老實講，成日講呢d真係令人覺得餐飯會變難食，加上佢原本煮野就唔好食，有時一餐半餐想食鍾意既野問可唔可以煮，佢仲會鬧人。

咁到讀完書出黎做野，有左經濟能力後，有時我就回佢：「咁間中可以唔煮有時出街食」，但係每次佢都會講：「屋企唔煮咁食乜呀？」，然後跳掣係咁鬧，係咪食屋企飯好難為你呀，係咪錢多叻啦唔食屋企飯呀之類。不過其實由細到大，早餐午餐都係外賣，但係就好堅持晚餐一定要自己煮飯。

我其實唔係好明點解中國人好執着晚飯要定時自己煮要一齊食係乜邏輯，就算明明大家互相憎恨都好。我自己就覺得，食得開心既話食乜根本唔重要，如果食得唔開心飯枱既人你唔鍾意，強逼大家坐埋一齊都只係拆磨彼此加深仇恨，何必呢？

佢要堅持煮飯，係因為要證明自己嘅價值，然後再可以搵機會屌9你哋。講到佢好辛苦又要自己去買餸自己煮飯自己洗碗好辛苦好慘咁。

叫佢煮麵囉

點解唔可以個仔/女煮+洗，老母坐低等食飯？

買洗碗機
你俾水電費
間中叫佢休息你負責晚餐

請工人，大家開心

老一輩咁講唔係呻苦，而係表達緊「（認為）自己付出咗好多=自己好有價值」呢種觀念，你同佢講「出街食飯唔使咁辛苦」，佢只會認為你係漠視佢嘅付出，否定佢喺呢個家嘅價值，唔會認為你關心緊佢。
所以，佢講煮飯洗碗好辛苦嗰陣，一係你幫手洗下碗買下餸，一係讚佢煮餸叻其他屋企人冇佢冇好飯食咁

因為佢好怕孤獨

依樣係佢既工作， 係佢既成就

大部份人都會呻下工作

但佢冇的做就冇左工作同人生既成就

呢d家庭，搬出去之後感情會好返d

樓主煮,母親唔會跳掣啦掛

正解
因為過度自卑所以潛意識要執著認為煮飯就係佢存在既唯一價值, 然後你話出街食就姐係等於連呢個剩餘價值都冇, 可以隨時唔要佢
呢個諗法錯唔哂, 問題係佢唔令自己去創造新既存在價值, 反而強逼人繼續承認佢自己既價值, 呢個就係佢冇進步之餘仲咁有破壞力既原因

拳頭就係答案

衰仔

家用俾得唔夠

得閒幫手洗下碗，咪收佢皮囉

又要自己煮 但又要難食先難搞

買洗碗機應該可以聽少d,同埋真係攰咪出聲煮少餐出去食囉。有時日日屋企食都悶

因為怕孤獨
佢將一齊係屋企食飯心理投射為一家人互相陪伴，臨老有人照顧等等，係一種儀式感
一旦你打破咗呢樣影佢就會認為你地想自立門戶，唔要佢

遲啲 總會有一日
你會突然掛住你老母煮嘅唔太好食嘅飯

啲老野係咁 煮飯洗碗做家務就係佢地既人生意義
你否決定佢既付出緊係嬲

洗碗碟機解決一個問題先

直接離開

金昔






解決人先是solution