人嘅社交圈子唔一定愈嚟愈窄，但不論係愈嚟愈窄定愈嚟愈闊，其實都會慢慢同讀書嘅朋友冇聯繫，圈子闊就唔使多講，大把朋友，以前讀書識落嘅冇乜幾個keep到。圈子窄嘅，可能又有另一半，冇乜時間比到fd。
wts響嘅主要喺家人gp，同朋友嘅chat可能已經沉晒底。以前好渴望同朋友可以close啲，傾多啲偈，唔覺意就依賴咗同人傾偈，會覆得密甚至秒覆，但而家有一種感覺係唔覆都冇乜所謂，唔再需要喺朋友身上搵到一種陪伴嘅感覺，因為意識到所有關係都會有完結嘅一日，或者至少無限趨向完結（有時會忍唔住寒暄兩句，但都係兩句就完）。
而家傾得密嘅有兩個，一個係幾年冇見過嘅中同（ig：傾足球、打機、AV、特攝），一個係從未見過嘅網友（tg同ig：傾日常、聽佢呻屋企嘅事、感情事）。
所以要搵寄托，要有自己興趣同生活，我信興趣嗜好唔會離開，除非自己放棄，得到幾多就係幾多，冇人攞得走。（外力導致被迫要放棄另計，亦都冇辦法）平日睇吓漫畫、打下機、睇電影、睇吓書就過咗一日。
已經接受咗人會離開嘅事實，日常生活亦都盡量唔同人社交，因為怕萬一好傾，關係好咗，close咗嘅時候突然話冇就冇，話消失就消失。有啲關係可能保持喺最普通嘅關係就好，例如間唔中text，講下公事，屌下返工嘅衰嘢就算，唔深交（當然都唔一定話深交就深交到，啱唔啱傾好睇兩個人夾唔夾）。或者hi bye fd都ok。
對異性就更加唔識相處
唔好話拍拖，做到朋友都難
有啲心事有時的確唔想講，寧願自己消化
